'व्यवस्थापनाचा/मोठा सल्लागार"
बेडूक बैसला / कमळाच्या दळे
भोवताली तळे/ भलेमोठे
खावयास त्याला / भीषण मगरी
आणिक सुसरी/ जमल्या त्या
भयाण त्यांचे ते/ बघोनिया दात
बेडूक मनात / थरथरे
अचानक त्याला/ तळ्याच्या काठून
एका झाडातून / ध्वनी आला
बोलत होते ते/ जाणकार स्वरे
घुबड म्हातारे/ ज्ञानवृद्ध
"व्हायचे नसेल / सुसरीचे भक्ष्य
देवोनिया लक्ष / ऐक माझे
दोन पाऊले ती / जरा मागे जाणे
आणि झेप घेणे / तीराकडे"
बेडकाने मनी / विचार तो केला
याहून वेगळा / मार्ग नाही
वृद्ध घुबडाचे / म्हणणे ऐकावे
आणि वाचवावे / जीवनाला
मग मारे उडी / संपूर्ण त्या बळे
अर्धे सुद्धा तळे / पार नाही
सुटल्या मगरी / त्याकडे वेगात
बेडूक पाण्यात / डुब्या मारी
"अरे मूर्ख घुबडा/ तुझे मी ऐकले
आयुष्य संपले / माझे आता!"
तेंव्हा झाडातून / घुबड बोलले
थंड ऐकू आले / त्याचे शब्द
"व्यवस्थापनाचा / मोठा सल्लागार
देशोदेशी फार / कीर्ती माझी!
माझे काम असे/ संकल्पना देणे
घडवून आणणे / मुळी नाही!"
प्रतिक्रिया
माझे काम असे/ संकल्पना
च्यायला