चटपटीत आणि पौष्टिक दही वडा

फोटु कुठेय?

फोटो काढण्याआधीच सगळे दहीवडे फस्त झाले. आमच्याकडे सगळ्यांना कधी एकदा तो वडा तेलातून ताकात पडतोय आणि कधी आम्ही तो खातोय असं झालेलं असतं सगळ्यांना. ताकात भिजवलेले वडे प्लेटमध्ये घेऊन, त्यावर दह्यासोबत वरुन चाट मसाला, मिरपूड, व लाल तिखट घालून डिश सर्व्ह करणे ह्या स्टेप पर्यन्त पोहोचतच नाही.

दहीवड्यांत मध्ये भोक का असतं हे आता समजलं.

आमचे परमपूज्य दहीवडे तळले की मिठाच्या पाण्यात बुडवून त्यातलं जास्तीचं तेल काढून टाकायचे. एकदा ते मीठ-तेल-पाणी पातेलं जमिनीवर तसंच राहिलं. दुसऱ्या दिवशी त्यात झुरळांच्या मोठ्या तांड्यानं आत्महत्या केल्याचं दिसलं. मग बराच काळ, झुरळं मारायची या नावाखाली आम्ही दहीवडे करायचो. आता मात्र परिस्थिती बदलली. स्वतः फक्त वडे तळले तरी वजन वाढतं अशी परिस्थिती आहे. म्हणून मी बाहेर जाऊन दहीवडे चापते. उगाच वजन नको वाढायला!

आमचे परमपूज्य दहीवडे तळले की मिठाच्या पाण्यात बुडवून त्यातलं जास्तीचं तेल काढून टाकायचे. -यस्स! आणि मला दही आवडत नसल्यामुळे मी अनेकदा नुसतेच मीठपाण्यातून काढलेले दहीवडे खायचे. आजकाल दही आवडतं.

- दहीवड्यात आम्ही डाळ वाटतांनाच आलं घालतो. मात्र मिरे, खोबरं- ही पुणेरी पद्धत का?

आमच्या ऑस्टिनात^१ गुजराती दुकानांत दहीवड्यांच्या दह्यात चिंच-खजूराची आंबट-गोड चटणी घालून देतात. 'मद्रास पॅॅव्हेलियन'मध्ये आंबट दही असतं आणि त्यात धन्याची पूड, नावापुरतं तिखट आणि मीठ असतात. मला ते मद्रासी दहीवडे फारच आवडतात. 'परमपूज्य की याद आती है' छाप असतात ते.

सोम-शुक्रवार मद्राश्यांकडे दुपारच्या बफेत दहीवडे नसतात, त्यामुळे तिथे जायचं तर मी शनि-रविवारी अधिकचे पैसे देऊन जेवते. जेवण बहुतांशी दहिवड्यांचंच करते^२. एकदा कधी तरी विकेण्डलाही तिथे दहीवडे नव्हते; मी मुद्दाम तक्रार वगैरे करून आले. त्या माणसांनीही माझी याद ठेवली; पुढच्या वेळेस तिकडे गेल्यावर आवर्जून, "आज आहेत दहीवडे" असं सांगितलं होतं.

१. ५-६ वर्षं राहिल्यावर आमचं म्हणायला हरकत नसावी.
२. ही असली थेरं जेवणाच्या नावानं केली की अर्थातच दुसऱ्या दिवशी वजन जास्त भरतं, पण तिसऱ्या दिवशी पुन्हा नॉर्मल होतं. दही आणि उडीद डाळीत चिकार प्रथिनं असतात, असं मोजून चिकार खायचं.

दहीवडे करताना, मी सुद्धा तळलेले वडे कोमटसर पाण्यात सोडते. ते तळाला गेले की समजायचे पोटात कच्चे राहीले. मग पुढचा वडा जास्तं काळजी पूर्वक तळायचा. कोमट पाण्याने त्यातले तेलही निघून येते . नाहीतर तेल मुरलेले वडे आणि दही, अंम्मळ बोअर लागतात.
आणि त्याच्यावर चिंच आणि खजुर ची चटणी पाहिजेच.

चकलीच्या सोर्‍यासारखा माझ्याकडे सोर्‍या आहे. त्यातून भोक असलेले वडे करता येतात, पण सुरुवातीला अंदाज येई पर्यंत लहान मोठे आकार येतात. एकदा सराव झाला की सारे मापात येतात.

फेटलेल्या दह्यात सुद्धा मी थोडी मिरची, अगदी बारीक वाटून घालते . छान चव येते.

ही पाककृती अंडी न घालता करता येईल काय?