मनातले छोटेमोठे प्रश्न आणि विचार - ९९

ऐसीअक्षरे

ही धागामालिका आपल्या मनात येणारे, नेहमी नेहमी डोकावणारे विचार मांडण्यासाठी आहे. कधी कधी आशय फार मोठा नसतो. फार खोल विचार केलेला नसतो. तो विचार / कल्पना / प्रश्न / गंमत डोक्यात येते, जाते. कधी कधी आपण विसरतो, कधी कधी ती ती पुन्हा पुन्हा येत असल्याने आपण विसरू शकत नाही.
यापूर्वीच्या धाग्यावरचे प्रतिसाद १००+ झाले आहेत म्हणून हा पुढचा धागा.
---

चिमणराव Tue, 30/10/2018 - 21:34

टेस्ला कार चोरणे आणि ठेवणे सोपे का नाही हालेख वाचला androidpit dot com वर. मोबाइल स्विचॅाफ असला तरी gps signal पाठवत राहतो (१)तसंच ही कार पाठवते (२)म्हणे. ते (१) कसं?

चिमणराव Sun, 04/11/2018 - 11:49

The New Yorker मॅगझिन मधली " Backpack" podcast by Tony Earley ( October 30/ Nov 5 2018 )डाउनलोड केली. हे Newyorker paperपेक्षा वेगळे मॅगझिन?
न्युयॅार्कर सबस्क्रिप्शनशिवाय वाचता येत नाही म्हणून विचारलं.

३_१४ विक्षिप्त अदिती Sun, 04/11/2018 - 19:30

'द न्यूयॉर्कर' साप्ताहिकाची वर्गणी भरलेली नसेल तर इंटरनेटवर महिन्याला १० लेख फुकट वाचता येतात. त्यापुढे फुकटात वाचायचं असेल तर कसरती कराव्या लागतात.

'द न्यूयॉर्कर' साप्ताहिक स्वरूपात छापलं जातं. बाकी रोजच्या रोज बातम्या आणि इतर लेख त्यांच्या संकेतस्थळावर प्रकाशित होत राहतात. पॉडकास्ट, व्हिडिओ वगैरे गोष्टी अर्थातच छापता येत नाहीत.

'न'वी बाजू Sun, 04/11/2018 - 21:56

न्यूयॉर्करबद्दल कल्पना नाही, परंतु वॉशिंग्टनपोष्टादि अनेक ठिकाणी इन्कॉग्निटो मोडात लेख उघडल्यास फुकट लेखांची मर्यादा सहजरीत्या उल्लंघिता येते, असे निरीक्षण आहे.

चिमणराव Sun, 04/11/2018 - 19:52

आता बघू किती पॅाडकास्ट मिळतात आणि समजतात. राजकीय, सामाजिक संदर्भवाले किंवा त्यावर अवलंबून बातम्या,विनोद अर्थातच टाळणार आहे.

१४टॅन Wed, 07/11/2018 - 14:18

ही सकाळची 'बातमी'.

ह्या लोकांच्या प्रतिक्रिया.

राजकारण जे काय आहे ते इतकंच अमिताभ बच्चनचे जुने चित्रपटछाप राहिलेलं आहे का?

कासव Thu, 22/11/2018 - 10:20

‛अमुक’ (तूर्त व्यक्ती) माझी आहे, असं जेव्हा आपण म्हणतो; तेव्हा बाकीचे आपले नाहीत असा अर्थ होत नाही. पण जेव्हा मी हे विश्व माझे आहे म्हणतो त्यावेळी माझंपणाच्या पटलावर तर विश्वातले सगळेच येतात. पण या पटलावरील प्रत्येकाचं स्थान माझ्यापासून भिन्न असतं. मग सुरुवातीला म्हटलं तसं अमुक माझी आहे, असं जेव्हा मी म्हणतो तेव्हा तिचं स्थान माझ्यापासून जवळ असतं, आणि इतरांचं त्यावेळी त्यामानाने लांब असतं असं म्हणता येईल का? आणि सगळे एकाच अंतरावर ठेवणं कितपत योग्य/किचकट/अयोग्य ठरेल?

नितिन थत्ते Thu, 22/11/2018 - 10:22

ती व्यक्ती माझी आहे याचा अर्थ इतर व्यक्ती माझ्या नाहीत या पेक्षा "ती व्यक्ती इतरांची नाही" असा अर्थ जास्त करून असतो.

नितिन थत्ते Thu, 22/11/2018 - 13:08

>>मालकी हक्काची भावना? मग ती तरी कितपत योग्य/अयोग्य ठरते?

आपुन सिर्फ मतलब बताया. अईसा होना क्या नय होना उसके बारेमे कुच नय बोला.

तिरशिंगराव Thu, 22/11/2018 - 14:07

कोणावर मालकी हक्क गाजवायला जाण्यापेक्षा, आपलाच कोणी मालक निवडावा(निदान त्याला तसे भासवावे) म्हणजे तो ही खुष आणि तुम्ही गुड बुक्स मधे रहाता.

चिंतातुर जंतू Mon, 03/12/2018 - 15:31

शेतकरी मोर्चा, मराठा आरक्षण, वगैरे सोडून पुलंचे धागे हिट. ऐसी पार ममव संस्थळ झालंय की काय? :-)

बॅटमॅन Mon, 03/12/2018 - 18:45

ऐसी पार ममव संस्थळ झालंय की काय?

म्हणजे? ऐसी ममव संस्थळ नव्हतं? फार फार तर रोग-ममव म्हणू, पण खोळ पडली की आतला ममव दिसायचा राहील की काय?

चिंतातुर जंतू Tue, 04/12/2018 - 15:03

म.म.व नसलेले मराठी लोक इंग्लिश लिहीतात बोलतात.

आता हे उलट झालं आहे. ममव नसलेले लोक मराठी बोलतात लिहितात. ममवंची इंग्लिश माध्यमात शिकलेली मुलं आता आईबाप झालीत आणि काही तर आजीआजोबादेखील.

चिमणराव Tue, 04/12/2018 - 12:45

पण
पण
ममवंची खेचायला ममवंच्याच मैदानावर जावं लागेल ना?
चाळीत न राहणारे पुलं सठीसहामासी चाळीत राहून टिपणं घेऊन आले नसतील का?
मोठे मासे लहान माशांवरच जगतात. येताना छोटे मासे तोंडात रुपयाही घेऊन येतात हे वेगळेच.

'न'वी बाजू Tue, 04/12/2018 - 18:49

मोठे मासे लहान माशांवरच जगतात.

पु.ल. 'मोठे मासे' होते किंवा कसे, कल्पना नाही, परंतु माशांवर जगायचे, हे खरे. (लहान माशांवर किंवा कसे, कल्पना नाही.)

३_१४ विक्षिप्त अदिती Tue, 04/12/2018 - 20:40

म.आंजावर शहरी, वयस्कर आणि खाऊनपिऊन सुखी लोक बागडतात. पोटापाण्याची चिंता नाही आणि रामदासांनी एकदा 'चिंता करतो विश्वाची' म्हणून घेतल्यामुळे आता ते जगाचीही चिंता करत नाहीत. (इथे, ख्रिस्तानं जगाच्या पापांकरता बलिदान दिल्यामुळे ख्रिस्ती लोक पापं करायला मोकळे झाले आहेत, याची आठवण करून देणं इष्ट.)

सामो Wed, 05/12/2018 - 14:20

गंभीर लोकं स्मायल्या का टाकत नाहीत? आता ते गंभीर असतात म्हणुन हे गोल उत्तर नको.
.
स्मायल्या टाकताना चुकून हसण्याच्या नादात २-३ स्मायल्या जरा जादाच पडतात व मग प्रुफरीडिंग करुन स्वत:चे स्वत:ला त्या कमी कराव्या लागतात. हा अनुभव वैश्विक आहे की माझा फक्त वैयक्तिक?
.
स्मायल्या टाकल्याने लोक तुम्हाला सिरीअसली घेणे तर सोडाच पण थिल्लर समजतात - हे वैश्विक सत्य आहे की गृहीतक/गैरसमज?

३_१४ विक्षिप्त अदिती Wed, 05/12/2018 - 19:57

गंभीर लोकं स्मायल्या का टाकत नाहीत? आता ते गंभीर असतात म्हणुन हे गोल उत्तर नको.

स्मायल्या न वापरणारे लोक गंभीर वाटतात, असतीलच असं नाही. त्यांना विनोद करता येत नाहीत, ते लोक विनोद करत नाहीत, वा त्यांना विनोद समजत नाहीत; त्यावर ते लोक हसत नाहीत असा अजिबातच नाही.

शब्द आणि इमोटिकॉन्स एकत्र वापरणार नाही, असं मी काही काळ ठरवलं होतं. त्यामुळे अनेकांवर खवचटपणा वाया जातो, त्याचंही फार दुःख नाही. नवीन लोकांशी बोलताना, त्यांना माझी सवय होईस्तोवर इमोटिकॉन्स वापरते.

सामो Wed, 05/12/2018 - 20:11

स्मायल्या न वापरणारे लोक गंभीर वाटतात, असतीलच असं नाही.

चोक्कस!!
इन जनरलच नीरीक्षणांती खऱ्या आयुष्यात माझे मत असे झाले आहे की लोक दिसतात तसे नसतात. :( इन अ बॅड वे!!! म्हणजे स्वच्छ्ता, मॅनर्स, बुद्धी या सर्वच बाबतीत.
भारतात व्यक्तीकडे पाहीलं की वर्ग कळतो. तसे इथे होत नाही त्यामुळे असेल. गोरे सहसा पेडेस्टलवर बसवले जातात की यांना मॅनर्स असतील, हे स्वच्छ असतील वगैरे वगैरे. आणि ते तसे आढळत नाही. हे टिपिकल परदेशी लोकांचे अनुभवही असू शकतात.

सामो Thu, 06/12/2018 - 01:25

सतत ऐकून एखाद्या भाषेविषयक आपले intuitive ज्ञान वाढत असावे असे वाटते. उदाहरणार्थ blocked हा शब्द पूर्वी मला माहीत असुनही मी विचारले असते की कानात दडे बसण्याला इंग्रजी संज्ञा काय असे विचारले असते पण आता बऱ्याच आत्मविश्वासाने म्हणू शकते की blocked हीच संज्ञा असावी.

नंदन Mon, 10/12/2018 - 06:56

क्लॉग्ड (किंवा स्टफी) इअर्स ऐकले आहे*. इथे पहा: https://www.healthline.com/health/how-to-unclog-ears

त्याविरुद्ध, अर्थात कान मोकळे करण्याच्या क्रियेला, Popping Your Ears म्हणतात.

* यात विरोधाभास नाही.

चिमणराव Mon, 10/12/2018 - 09:58

कानात दडे
कान /दडे - ears/ hearing ability.
१) when you plug the ears, power of hearing is affected. It is Deadened.
2) experience deafening during diwali crackers. A very big one really stuns you for sometime.
3) wrapping cloth around a pistol muffles the sound.
4) closing the windows dampens the traffic noise from the streets outside.

काही ठराविक शब्दच त्या त्या भाषेचे असतात. उदा नखं कापताना खूप आत कापले गेले की 'जिव्हाळी लागते' - pair the nails to the QUICK. पण हा शब्द उलट शोधणे अवघड असते.

चिमणराव Sat, 08/12/2018 - 22:48

आता जिएसटी आला आहे, सोसायटीने कुणाला एका वर्षात पन्नास हजार रुपयांपेक्षा अधिक पेमेंट करायचे झाल्यास टिडिएस कापून घेण्याची गरज नाही????

चिमणराव Mon, 10/12/2018 - 10:06

असा खल झाला मिटिंगमध्ये. टिडीएस कापून पैसे द्यायचे का नाही यावर मेंबर बोलले जीएसटी आला आता काहीच करायचे नाही.
एका सीएने सांगितले काल - "टिडीएस कापावा लागेल पण तुमचे pan, tds अकाउंटच नसल्याने कसं कापणार/करणार?
दुसरा उपाय - रंग सामान सोसायटीने विकत घेऊन जिएसटी बिल घ्या. कंत्राटदाराला मजुरीचे पैसे चेकने जिएसटीसह द्या. "

नितिन थत्ते Mon, 10/12/2018 - 10:58

जीएसटी हा इन्डायरेक्ट टॅक्स आहे. टीडीएस हा इन्कमटॅक्सचा भाग* आहे.

टीडीएस कापण्यासाठी तुमच्याकडे टॅन नंबर असायला हवा.

*अनेक ट्रेड्समन किंवा सर्विस प्रोव्हायडर बऱ्यापैकी इन्कम कमावतात परंतु इन्कमटॅक्स भरत नाहीत. त्यांचा काहीही रेकॉर्ड सरकारकडे नसतो. अशा चोरांच्या हातची लंगोटी म्हणून सरकार म्हणते की जो पेमेंट करेल त्याने १० टक्के इन्कमटॅक्स (ॲट सोर्स) कापून तो त्याच्या नावे सरकारकडे जमा करा. आणि हे सरसकट सर्वांकडून कापायला लावतात. त्या सर्विसप्रोव्हायडरने इन्कम टॅक्स रिटर्न भरला तर त्याला एकूण टॅक्समधून या टीडीएसचे क्रेडिट मिळते.

तुम्ही रंग आणून दिलेत आणि रंगाऱ्याकडून लेबरचे बिल घेतले तरी त्या लेबरच्या बिलातून टीडीएस कापावाच लागेल.

चिमणराव Mon, 10/12/2018 - 11:15

>>टीडीएस कापण्यासाठी तुमच्याकडे टॅन नंबर असायला हवा.>>

सहमत.
या वरच्या खरडीशी सहमत आहे. टॅन नंबर नसल्याने त्याचा पॅन नंबर टाकून चारपार्ट चलन सोसायटी चेकने भरू शकेल का?

चिमणराव Mon, 10/12/2018 - 11:50

थत्तेसाहेब धन्यवाद.
समजा टॅक्स कापून भरला नाही तर पुढेमागे टॅक्सवाले सोसायटीच्याकडून वसुली मागायला लागले तर पंचाइत होईल.
रंगकामाचे पेसे मेंबरांकडून कॅश जमा करून कंन्ट्राक्टरला कॅशच देतात असे ऐकून आहे.

नितिन थत्ते Mon, 10/12/2018 - 11:48

>>समजा टॅक्स कापून भरला नाही तर पुढेमागे टॅक्सवाले सोसायटीच्याकडून वसुली मागायला लागले तर पंचाइत होईल.

येऊ शकतात.

>>आणखी एका शेजारच्या सोसायटीवाल्याने सांगितले की त्यांनी रंगकामाचे पेसे मेंबरांकडून कॅश जमा केले आणि कंन्ट्राक्टरला कॅशच दिली!!

मोदीजींनी काहीतरी स्कीम काढली होती ना? अशी ट्रान्झॅक्शन कळवा आणि बक्षीस मिळवा.

मारवा Sun, 09/12/2018 - 21:48

स्तनाग्रे वसते नक्षी
स्तनमध्ये तृप्ती
स्तनमुले स्थितो आनंद
निशाते स्तनदर्शनम
(स्तनाग्रे च्या पुढचा शब्द काय जमुन नाही राहीला रश्मि लावुन पाहीला पण ... नाही)
१-नक्षी...https://in.pinterest.com/juliec274801/breastnipple-tattoos/?lp=true

तिरशिंगराव Tue, 11/12/2018 - 10:26

त्या 'नक्षी' च्या ऐवजी, यमक जुळत नसले तरी, 'दुग्धम' घातले तर, सर्व चावटपणा निघून जाऊन, वात्सल्ल्याचा भाव येईल.

चिमणराव Mon, 10/12/2018 - 11:59

ट्विटरवरच्या खरडीवरून ( गेसंबंधी टिप्पणी) एका स्टारला एका कार्यक्रमाच्या होस्टिंगमधून काढले, मग तो त्या पोस्ट डिलिट करतोय, पण आता उशिर झालाय.
( बातमी समजली का धाग्यात हवय) , इकडेही मी प्रतिसाद बदललाय वरती कारण ऐसी बरेच लोक वाचतात.

चिमणराव Fri, 14/12/2018 - 07:24

तुम्ही बॅाण्डपट सिरिअसली घेता का?
- आगामी चर्चा लेख?
-------
अमची बऱ्याच गोष्टींची उपासमार होत असल्याने पाहतो. पाठलाग, लोखंडी दातवाला माणूस वगैरे.

चिमणराव Fri, 14/12/2018 - 19:49

खफवरून इथे
//
१४टॅन
शुक्रवार, 14/12/2018 - 11:02
पुणेकर सदस्यहो, तुमच्या मदतीची गरज आहे.
परवा रविवारी, १६ डिसें.ची पुण्याहून मुंबईला येणारी इंद्रायणी एक्स्प्रेस रद्द झाल्याची बातमी कालच्या पेप्रात आहे. तिची खातरजमा कोणास करता येईल काय? इथे 'डेफिनिटिव्ह' उत्तर मिळालेलं नाही.

नितिन थत्ते
शुक्रवार, 14/12/2018 - 12:07
>>तिची खातरजमा कोणास करता येईल काय?
आता प्रभू रेल्वेमंत्री नाहीत. अन्यथा त्यांना ट्वीट करून विचारता आलं असतं.

अभ्या..
शुक्रवार, 14/12/2018 - 12:17
आमच्या इकडून (सोलापूर) पुणेला जाणारी २.०० ची इंद्रायणी कॅन्सल आहे १ जानेवारीपर्यंत.
दुसरी एक ट्रेन ३ डि. ते १ जाने. पर्यंत बंद आहे. भिगवन ते वडशिंगे इंजिनिअरिंग ब्लॉक च्या कारणाने.
बंद असलेल्या ट्रेन ७१४१३, ७१४१६, ११००१, ११००२, १२१६९, १२१७०.
आता तुम्ही बघा ह्यातली कुठली ट्रेन आहे का लिंक आहे?

आचरटबाबा
शुक्रवार, 14/12/2018 - 12:42
चौदोबा यात काही सिक्रेट नसते. प्रेस रिलिज (१)पाहूनच जातो आम्ही. दुसरे NTES हे अधिकृत अॅप(२) प्रवासाच्या दिवशी आणि अगोदर एक दिवस cncelled trains देते. तर
(१)
सेंट्रल रेल्वेचे अधिकृत नोटिफिकेशन
cr.indianrailways.gov.in , press release, पहिली बातमी दादर माटुंगा ट्राफिक ब्लॅाकमध्ये पाहा
शनिवारी पुण्याहून येणारी(२२१०६), रविवारी सकाळी पुण्याला जाणाऱ्या(२२१०५) फेऱ्या फक्त रद्द आहेत

'न'वी बाजू
शुक्रवार, 14/12/2018 - 16:44
आमच्या इकडून (सोलापूर) पुणेला जाणारी २.०० ची इंद्रायणी कॅन्सल आहे १ जानेवारीपर्यंत.
इंद्रायणी सोलापुरापर्यंत कधीपासून जाऊ लागली?
१४टॅन
शुक्रवार, 14/12/2018 - 14:27
अभ्या आणि बाबाजी, अनेक धन्यवाद.
इथे रेल्वेंबद्दल बर्री म्हणजे बर्र-र्रीच माहिती असलेले लोक आहेत म्हणून विचारलं.
बाबाजी, तुमच्या लिंकवर
22106 Up Pune- CSMT Indrayani Express JCO 15.12.2018 will be cancelled
22105 Dn CSMT-Pune Indrayani Express JCO 16.12.2018 will be cancelled.
असं लिहीलेलं आहे.
म्हणजे १६.१२.२०१८ रोजी पुण्याहून मुंबईला येणारी इंद्रायणी चालूच असावी ना? कारण...
शनिवारी मुंबईहून पुण्याकडे जाणारी आणि रविवारी पुण्याहून मुंबईकडे येणारी इंद्रायणी एक्सप्रेस रद्द करण्यात आली आहे.
अशी स्पष्ट बातमी कालच्या पेपरात आहे. हा दुवा.
माणसाने करावं तरी काय?

आचरटबाबा
शुक्रवार, 14/12/2018 - 19:15
रेल्वे वेबसाइटची माहितीच अंतिम असते. आणि त्यांनीच रद्द केलेल्या ट्रेनचे रेझरवेशनचे संपूर्ण पैसे परत देतात. इतर कोणत्याही बातमीवर विश्वास ठेवू नये.
( शनिवारी इथून गेलेली इंद्रायणीच रविवारी परत येणार आहे.)

आचरटबाबा
शुक्रवार, 14/12/2018 - 19:27
नबा, सोलापुरकरांची मागणी पुणे ट्रेनची होती म्हणून इंद्रायणीच ट्रेन पुढे जाते सोलापुरपर्यंत पण पण वेगळ्या नावाने ( भीमा म्हणू) मुंबई ते सोलापूर जाण्यासाठी १५रुऐवजी ( सुपरफास्ट घंटा दर्जा दिल्याने) 15+20+20+टॅक्स असे रेझ चार्ज दोनदा देऊन तिकिट काढावे लागते. मुं ते पुणे,पुणे ते सोलापूर. येताना दोन .
सिंधी लोक उरळीकांचनच्या प्रयागउत्सवाला( संक्रांत) सर्व गाड्यांना स्पे स्टॅाप मागवून घेतात रेल्वेकडून.

आचरटबाबा
शुक्रवार, 14/12/2018 - 19:30
>>प्रभू रेल्वेमंत्री नाहीत. अन्यथा त्यांना ट्वीट करून विचारता आलं असतं.>>
एकदा करून पाहिलं होतं, उत्तर येतं थोड्या वेळाने. पण ते NTES APPकडे जा सांगतील.//

३_१४ विक्षिप्त अदिती Sat, 22/12/2018 - 23:06

आठवड्यातून निदान ४ दिवस 'गुड मॉर्निंग' नावाखाली व्हॉट्सॅप मेसेजेस पाठवणाऱ्या लोकांचं काय करता? सहनही होत नाही आणि सांगताही येत नाही, अशा लोकांकडून असे मेसेजेस तुम्हाला येतात का?

१४टॅन Sat, 22/12/2018 - 23:36

सरळ त्यांचे चॅट्स एकत्र सिलेक्ट करून डिलीट चॅट करावं.
महत्त्वाचं काही असेल तर त्याचे स्क्रीनशॉट काढावेत, ते आणि जुनं चॅट स्वत:ला किंवा विश्वसनीय व्यक्तीला 'इमेल चॅट' वापरुन मेल करावेत. पण मुदलात डिलीट चॅट करणं महत्त्वाचं.
नाहीतर थोडा कष्टाचा पर्याय म्हणजे तो मेसेज आल्या आल्या 'डिलीट फॉर मी' करावा.

चिमणराव Sat, 22/12/2018 - 23:49

>>'डिलीट फॉर मी'>> फारच निरुपयोगी. जेव्हा Unfollow येईल फेसबुकसारखं तेव्हा काम होईल. न बजेगी बासुरी न टुटेगा बाँस।

सिनिअर सिटिझेनच्या हातात वाटसप. अगोदर सिसिवर राग असतो त्यात हे कोलित. सर्वात अधिक गैरवापर हेच करतात.

३_१४ विक्षिप्त अदिती Sun, 23/12/2018 - 05:24

एवढ्या नियमितपणे डिलिट करण्याचा कंटाळा येतो म्हणून प्रश्न विचारला. अशा लोकांना समजावून सांगायचं असेल तर कसं सांगाल?

तिरशिंगराव Sun, 23/12/2018 - 08:26

स्पष्ट सांगावे एकदाच. परिणाम नक्की होतो. नाहीतर, खवचटपणाच करायचा असेल तर, 'तुमचं गुड मॉर्निंग आल्याशिवाय मला लागतच नाही हो, असा डायलॉग मारावा! समझनेवालोंको इशारा काफी है!

१४टॅन Sun, 23/12/2018 - 09:48

if n doesn't work
goto n+1

०. इग्नोरा.
१. स्पष्ट सांगा, तिरशिंगराव म्हणाले तसं.
२. परत एकदा स्पष्ट सांगा, कठोर भाषा वापरून.
३. लायकी काढा. काढताना 'लायकी'च्या ऐवजी 'औकाद' हा शब्द वापरा.
४. ब्लॉक करण्याची धमकी द्या.
किंवा
४. शिव्या द्या. शिव्यांमध्ये सर्जनशीलता दाखवा. (सर्जनशीलतेबाबत प्रश्न असल्यास मला व्यनि करा.) शिव्या माणूस ऑनलाईन अस्तानाच द्या. त्याने/तिने त्या वाचल्याची खात्री झाल्यावर शिव्या 'डिलीट फॉर एव्हरीवन' करा.
५. खरंच ब्लॉक करा. ब्लॉक करण्याआधी चॅटचे स्क्रीनशॉट काढून शोभा करण्यास वाव आहे. ह्याने फ्यूचर ऑफेण्डर्सना दहशत बसू शकेल.

'न'वी बाजू Sun, 23/12/2018 - 21:39

गधेगाळ हा एक पर्याय असू शकतो काय?

बोले तो, स्टेटस "गुड मॉर्निंग, फॉर्वर्डेड मेसेजेस इ. पाठवू नयेत; हे शासन जो भंग करी तेहाची माय गाढवे झविजे|" असे ठेवून, स्टेटसचित्र म्हणून ओणवी बाई आणि गाढव यांचे चित्र१ ठेवता येईल.

कदाचित, श्री. आदूबाळ यांच्या कथेतील 'शिन्मावाला वैजनाथ' आणि 'कोरडा होमो'वरून प्रेरणा घेऊन, चित्रात 'गुड मॉर्निंग पाठविणाऱ्याची माय' आणि 'गाढव' अशी लीजंडेही घुसडता येतील. चित्रकाराची चित्रकला चांगली नसल्यास (किंवा अन्यथासुद्धा) कोणतेही गैरसमज२ नकोत, म्हणून.

(एक काव्हियाट: चित्रात लीजंडे अवश्य वापरावीत. व्हॉट्सॲप, फेसबुक आदींवरील स्टेटसचित्रे ही परंपरेने सामान्यतः सेल्फ़ी किंवा अन्यथा स्वतःचीच चित्रे असतात, त्यामुळे, लीजंडे न घातल्यास (चित्रकला कितीही चांगली असली तरी) विनाकारण नसते गैरसमज उद्भवू शकतात. या प्रकारास सेल्फ़-गोल अशी संज्ञा आहे.)
..........

१ गधेगाळींमधील हे पारंपरिक चित्र असल्याचे कळते.

२ तशीही सोळा वर्षांची गाढवी ही घोडीप्रमाणे दिसते२अ, म्हणतात. आता, हे नर गाढवांना लागू होते की नाही, कल्पना नाही, परंतु समजा होत असलेच, आणि चित्रातले गाढव जर सोळा वर्षांचे असल्यागत उमटले, तर आली पंचाईत.

२अ याबद्दल एक शंका आहे. गाढवांचा (तथा घोड्यांचा) लाइफस्पॅन किती? बोले तो, सोळा वर्षांची गाढवी काय किंवा घोडी काय, ही (मानवी मादीप्रमाणे) नुकतीच तारुण्यात पदार्पण केलेली (तस्मात् डिज़ायरेबल२अ१) असते, या गृहीतकास आधार काय? (किंबहुना, या वयात तिचे लग्नाच्या ठिकाणी जे काही होत असेल ते होऊन तिला पोरेच नव्हे, तर नातवंडेसुद्धा झालेली असण्याची शक्यता किती?)

२अ१ कोणाला?

अतिशहाणा Mon, 24/12/2018 - 03:44

निरर्थक प्रश्नाला तितकेच निरर्थक उत्तर.

माहितीपूर्ण श्रेणी दिली आहे.

मिहिर Sun, 23/12/2018 - 11:14

जर ते लोक इतर काही फार महत्त्वाचे मेसेज पाठवत नसतील तर सरळ वर्षभरासाठी म्यूट करा. व्हॉट्सॅपवर आपोआप फोटो व व्हिडिओ डाऊनलोड होणे आधीच बंद केले नसल्यास करावे. मग येणाऱ्या अक्षरी संदेशांनी तशीही फार जागा व्यापली जाणार नाही. सारखेसारखे डिलीट करायची गरज नाही.

चिमणराव Sat, 22/12/2018 - 23:31

हो,येतात.
माझे स्टेटस " गुड मार्निंग, पुष्पगुच्च, फारवर्ड मेसेज नक्को" आहे.
त्याचा बराच परिणाम होतो. काही जणांना स्वत:च्या ब्राडकास्ट लिस्टसना ( त्याही अनेक असतील) मेसेजिस पाठवण्यातच रस असतो. त्यांना इतरांचे स्टेटस पाहण्याचा वेळ नसतो. त्यांचे अकाउंट म्यूट फर वन यिअरमध्ये ढकलतो.

चिमणराव Sat, 22/12/2018 - 23:41

घाटकोपरमधल्या एका मॅालमध्ये ( आर सिटी) भटकून आलो तिथे असलेल्या डिकेथलान - खेळाचे सामान विकणाऱ्या दुकानात विशेषत: फिरलो. तंबू, सॅकस, डोइदिवे पाहण्यासाठी.
शाळेच्या (दुसरी ते पाचवी) चार पाच बस पिकनिक आलेल्या. त्यांना मॅालमध्ये करमणूक काय? स्नोवल्ड? विडिओ गेम्स?
आठ दहा वर्षं कर्जतच्या रिजोर्टसला जाऊन कंटाळली मुलं. दूरवर नेलं की बसेसना अपघात होतात म्हणून सर्व शाळांनी बंद केल्या सहली.

चिमणराव Sun, 23/12/2018 - 13:27

पाठवणारे फारच जवळचे असतात, पुन्हा ज्येष्ठ नागरिक, स्मार्टफोनची गम्मत नवीनच कळलेले . अशांना कडकवगैरे सांगता येत नाही आणि सांगतही नाही. म्यूट हाच उपाय. अधूमधून ते चॅटच डिलिट मारतो न उघडता.

मारवा Mon, 24/12/2018 - 03:37

ममव ची लक्षणे वैशिष्ट्ये सवयी कोणत्या ? म्हणजे ममव ही विचार करु पाहील्यास डीफिकल्ट टु डीफाइन बाब वाटली. सहज विचार करुन पाहील्यास एक आदर्श ममव जो असतो तो साधारणपणे असा असतो वा असावा असे वाटले.
म्हणजे सर्वात अगोदर ममव हे कातडी बचाऊ असतात. शिवाय त्यांना मी कातडी बचावतांना कातडी कमावल्याचाही काहीसा अभिमान असतो. म्हणजे मी कधी मोर्चा काढला नाही , साधा निषेध केला नाही टाइप कविता या ममवत्वा चा गौरव करणाऱ्या कविता अप्रत्यक्षपणे ममव ची भुमिका दाखवतात.
ममव दुनिया भाड मे जाओ चिवटपणे लाइफ मस्तपैकी एन्जॉय करतो. यातला चिवटपणा मी महाकवी सुखाचा फुलाचे वेगाने माझ्या हाती होते दगड या ओळीत दिसतो. उदा. ममव दुष्काळ एन्ज्याय करतो, इराक वॉर मस्तपैकी चिप्स चाय वाय चे घुटके घेत टीव्ही वर एन्जॉय करु शकतो. म्हणजे काय वाट्टेल ती समस्या असो ट्रॅजेडी असो काहीपण असो तो मस्तपैकी एन्जॉय करुन दाखवतो. "आलीया उपभोगासी असावे सादर "ही ममव ची सर्वसाधारण भुमिका असते. ममव ला खोली चा व अतिरेका चा टोकाचा तिटकारा असतो. म्हणजे ममव ला खोलात फारसे शिरायला आवडत नाही. ममव ला स्वीमींगपुल मध्ये सेफ वाटतं कुठलाही विषय लवकरात लवकर कमीत कमी श्रमात समजुन घ्यायला व आपल्या चौकटीत बसवुन घ्यायला आवडतं. तसे करुन देणारे लेखक विचारवंत ममवला प्रिय असतात, उदा. अनिल अवचट. म्हणजे तुम्ही काय तो चाकोरीबाहेरचा अनुभव घ्यायचा तो घ्या लेको मला चार पानांत सोपी समरी मांडुन द्या ती आम्ही सुखेनैव चघळत बसु असे काहीसे ममव करतो.
ममव अंबानी चे मॅरेज पाहुन उत्तेजित होतो.
जागा अडवलीये नंतर लिहीतो

नितिन थत्ते Mon, 24/12/2018 - 06:38

>>मी कधी मोर्चा काढला नाही , साधा निषेध केला नाही

कारण दुसरे मोर्चा काढतील आणि त्याचा फायदा आपल्याला आपोआप मिळेल हे त्यास पक्के ठाऊक.
शिवाजी जन्मावा पण तो शेजारच्या घरात.....

अतिशहाणा Mon, 24/12/2018 - 03:42

भूमिका, मांडून, पाहून, बसवून वगैरे चुका आहेत.

(ममव) अतिशहाणा

मुद्दाम बूच मारले नाही.

चिमणराव Mon, 24/12/2018 - 06:33

कादंबरीचा नायक सुपरमॅन नसला, ममव पात्र असला तर फजिती सांगून करमणूकीला वाव असतो.
वाचक त्याच्याशी रिलेट होतात ( त्यांना तो आपला वाटतो.)

तिरशिंगराव Mon, 24/12/2018 - 11:00

पुण्यात आल्यापासून मी पूर्ण ममव झालो आहे.
गेटसमोर कोणी गाडी लावली तरी मी चिडत नाही, हवा काढणे दूरच!
फर्ग्युसन रोडवर क्रॉस करताना, राँग साईडने कोणी आला आणि म्हाताऱ्या, डोळे फुटले का, असं म्हणाला, तरी मी मुकाटपणे परत फुटपाथवर चढतो.
रिक्शाचे अठरा रुपये झाले असतानाही, तो वीसातले दोन परत देणार नाही, हे गृहीत धरतो.
कुठल्याही दुकानात, मुंबईच्या साधारण तिप्पट वेळ लागणार, हे मनाला बजावतो. रिसीट मागायला संकोचतो, कारण ती मागितल्यास, अजूनही तिप्पट वेळ जाईल, याचे भान ठेवतो.

चिमणराव Mon, 24/12/2018 - 11:19

असे समजूतदार नागरिक ( ममवच असतात असे नाही)सर्व शहरांत आहेत पण पुणेकरच किंवा पुण्यात नंतर आलेलेसुद्धा का कष्टी होतात?

अतिशहाणा Tue, 25/12/2018 - 20:13

http://m.nautil.us/issue/67/reboot/iron-is-the-new-cholesterol

आता म्हणे आयर्न हानीकारक आहे. डॉक्टर आणि तत्सम भोंदू लोकांना जोड्याने कसे मारावे हा प्रश्न पडला आहे.

'न'वी बाजू Tue, 25/12/2018 - 20:42

अतिरेकी लोह हे घातक आहे, यात नक्की नवीन काय आहे? लोह हा (मिठाप्रमाणेच) आवश्यक घटक आहे खरा, परंतु एका मर्यादेपलीकडे गेल्यास (मिठाप्रमाणेच) तितकाच घातकही आहे. या माहितीत नवीन काहीही नाही.

दोष डॉक्टरांत नसून, 'लेऊ लेणं गरिबीचं, चणं खाऊ लोखंडाचं' वगैरे वगैरे अतिरेकी भंपक काव्ये लिहून जनमानसात बेजबाबदारपणे चुकीची माहिती पसरविणाऱ्या महामूर्ख कवींत आहे. अरे, एवढेच असेल, तर हे 'लोखंडाचे चणे' खाऊन पचनसंस्थेतून जाऊन मग अंगी लागण्याच्या वेळखाऊ प्रक्रियेऐवजी, तेच 'लोखंडाचे चणे' थेट या कवीमंडळींच्या छातीत इंजेक्ट का करू नयेत? लोह रक्तनिर्मिती करते आणि हृदय रक्ताभिसरण करते म्हणतात, त्यामुळे होईल काय, की 'लोखंडाचे चणे' छातीत इंजेक्ट केले, की डायरेक्ट हृदयात बोले तो सोर्स ऑफ द मॅटरला पोहोचतील, आणि तेथून अभिसरणाने त्वरित शरीरभर पसरून चटकन अंगी लागतील!

पण नाही. ते होणार नाही. ते कवी गेले असली गाणी लिहून पैसे बनवून नि त्यावर मलिदा१ खाऊन; तुम्ही लेत बसा गरिबीचे लेणे, नि खात बसा लोखंडाचे चणे! नि मारत बसा डॉक्टरांना जोडे!

असो चालायचेच.
..........

१ हे नेमके काय पक्वान्न आहे, नकळे.

अतिशहाणा Tue, 25/12/2018 - 21:13

हा त्रागा निव्वळ लोहाबाबत नाही. हा एक पॅटर्न झालाय. आईचे दूध आधी वाईट होते ते नंतर चांगले झाले. तूप, शेंगदाणे वगैरे मेदयुक्त पदार्थ वाईट होते ते नंतर आरोग्यदायी झाले. काॅलेस्टेराॅलचा फ्राॅड आता लक्षात येतोय. ( पैसे घेऊन केलेल्या ) संशोधनांमध्ये कधी दारू चांगली तर कधी वाईट, कधी काॅफी चांगली तर कधी वाईट असे घोळ घालतात. हाईट म्हणजे निव्वळ डाॅ. अशी पदवी मिळाल्याने ती लावून सुबोध भाषेत लिहिणारे खरे खोटे लोक घटस्फोट, विवाहपूर्व किंवा बाह्य संबंध वगैरेवर अधिकारवाणीने सुहास थापा ठोकू लागतात हे सर्व डोक्यात जाते.

(शेवटचे वाक्य कुबेर स्टाईलने लिहिण्याचा प्रयत्न केलाय - जमला का ते आवर्जून सांगा!)

'न'वी बाजू Tue, 25/12/2018 - 21:24

हाईट म्हणजे निव्वळ डाॅ. अशी पदवी मिळाल्याने ती लावून सुबोध भाषेत लिहिणारे खरे खोटे लोक घटस्फोट, विवाहपूर्व किंवा बाह्य संबंध वगैरेवर अधिकारवाणीने सुहास थापा ठोकू लागतात

हा काय प्रकार आहे म्हणे?

(कुबेर वाचत नसल्याकारणाने पास.)

(ओह! खरे खोटे लोक. हं.)

अनुप ढेरे Wed, 26/12/2018 - 09:08

डाॅ. अशी पदवी मिळाल्याने ती लावून सुबोध भाषेत लिहिणारे खरे खोटे लोक

मिपावरला रेफरंस असावा.

राजेश घासकडवी Tue, 25/12/2018 - 21:44

खरंतर काहीतरी विशिष्ट व्याधी नसलेल्या व्यक्तीसाठी नियमित व्यायाम, योग्य तितकी झोप, पुरेसा सूर्यप्रकाश, भरपूर पाणी, व्यवस्थित भाज्याफळं, आणि नियमित वेळेला वैविध्यपूर्ण आणि पुरेसा पण अतिरेक नसलेला आहार, एवढंच महत्त्वाचं आहे. अतिरेकही अधूनमधून - महिन्यातून एकदा - करावा. पण या सगळ्याची जबाबदारी व्यक्तीवर येते. त्याऐवजी 'समाजालाच कीड लागली आहे' सारखा युक्तिवाद लोकांना जास्त पचनी पडतो.

३_१४ विक्षिप्त अदिती Wed, 26/12/2018 - 02:17

'हाईट म्हणजे' आणि 'डोक्यात जाणं' वगळता बाकीचं जमलंय. हे वाक्‌प्रयोग 'लोकसत्ता'मध्ये वापरता येत नसावेत.

या त्राग्यात सोयाबीन आणि नारळाचीही भर घातली की त्रागा सुफळ संपूर्ण होईल.

३_१४ विक्षिप्त अदिती Thu, 27/12/2018 - 09:23

सध्या ट्रंपतात्या आणि चीनचे जे काही व्यापारयुद्ध सुरू झालं आहे त्यात सोयाबीनचं काय होतंय, याबद्दल मला कुतूहल आहे. अमेरिका चीनला सोयाबीन निर्यात करतं. त्यावर चीननं जादा निर्बंध घातल्यामुळे अमेरिकेत (सध्या आव्होकाडो जसं पूर्णान्न समजलं जातंय, तसंच) सोयाबीनही पूर्णान्न होणार का, अशी शंका येते.

काय खावं, किती खावं वगैरे बोलण्यासाठी मी काही तज्ज्ञ नाही. मात्र गेली तीनेक वर्षं सर्वसाधारण जीवनपद्धती सांभाळून वजन आणि आकार प्रमाणशीर करत आणले आहेत; रक्तचाचणीत आकडेही व्यवस्थित दिसतात. विशेषतः कोलेस्टेरॉल, ट्रायग्लिसेराईड्स आणि दुसऱ्या बाजूनं हिमोग्लोबिन, कॅल्शियम हेही. त्यातून एक शहाणपण शिकले आहे. 'हे खाऊ नका', 'ते पिऊ नका' वगैरे सांगणाऱ्या लोकांकडे दुर्लक्ष करणं आणि शरीर आपल्याला नक्की काय सांगतंय हे पाहणं.

आता मला, खरं तर शरीराला, व्यवस्थित खाण्याची सवय लागली आहे की एक संपूर्ण जेवणच कच्चरपट्टीचं झालं तर दुसऱ्या दिवशी त्याची जाणीव होत राहते; लक्ष न लागणं, व्यायाम करता न येणं, झोप नीट न होणं, वगैरे. नारळ, सोयाबीन, कॉफी, रक्तवारुणी, आव्होकाडो, दूध, ग्लूटन, अशा सगळ्या 'वाईटसाईट' गोष्टी मी खाते/पिते. मुख्य पथ्य, जितकी कमी प्रक्रिया केलेलं अन्न खाता येईल त्यावर भर देते.

मार्मिक गोडसे Thu, 10/01/2019 - 23:42

हाईट म्हणजे निव्वळ डाॅ. अशी पदवी मिळाल्याने ती लावून सुबोध भाषेत लिहिणारे खरे खोटे लोक घटस्फोट, विवाहपूर्व किंवा बाह्य संबंध वगैरेवर अधिकारवाणीने सुहास थापा ठोकू लागतात हे सर्व डोक्यात जाते.
त्यामुळे त्यांना अधूनमधून ' शृंगापत्ती ' चे झटके येतात, मग तेथे भंपक चुकीचे वैद्यकीय दावे करतात.

anant_yaatree Tue, 25/12/2018 - 22:24

(विकीउवाच) Malida (alternatively spelled as Maleeda, popularly called, Urdu: چُوری, Hindi: चूरी) is a traditional sweet confection made out of leftover parathas or rotis by crumbling and pounding them coarsely and stir frying them with ghee, sugar, dry fruits and nuts. It is most popular in Punjab region of both India and Pakistan. This is specially given to young kids in the winter season as ghee is known to warm the body and keep young ones from catching cold and also used as a traditional dish for some Muslims in the last Wednesday of the Islamic month Safar.

अतिशहाणा Tue, 25/12/2018 - 22:41

गूळतूपपोळी कुस्करून केलेल्या पदार्थाला आम्हीही मलिदा म्हणतो!

(आता हे तूप (फ्याट), गूळ (शुगर) आणि पोळी (कार्ब) चालेल की नाही हे आपापल्या डाॅक्टरांना विचारुन घ्या!)

राजेश घासकडवी Tue, 25/12/2018 - 21:31

मी सगळा लेख वाचला नाही, पण एकंदरीत राईचा पर्वत करणं चालू आहे. हृदयविकार आयर्नमुळे वाढतो का? याचं उत्तर

Out of 55 studies, 27 supported a positive relationship between iron and cardiovascular disease (more iron equals more disease), 20 found no significant relationship, and 8 found a negative relationship (more iron equals less disease).

हे सांगून झाल्यावर त्यातल्या दोनतीन स्टडीजविषयी सांगितलं आहे - ते सर्व विकार होतो म्हणणारे.

डायाबेटिसविषयी - आयर्नची पातळी वाढलेली आहे यावरून डायाबेटिसचं निदान करता येतं. पण किती चांगल्या प्रकारे? तर माणसाचा बीएमआय जितकं चांगलं निदान करू शकेल त्यापेक्षा कमी चांगल्या प्रकारे!

यापुढचा लेख वाचला नाही.

चिमणराव Wed, 26/12/2018 - 06:52

संशोधनाचा विषय आणि सत्यता

१ ) सत्यता तपासणे ( डाइबेटिक पेशंटच्या रक्तात आयन अधिक प्रमाणात असते का?) आणि सत्य शोधणे ( आयनमुळे डाइबेटिस होतो का ) हे दोन वेगळे विषय नाहीत का? संशोधनातून लोक वेगळाच अर्थ काढतात.

२ ) मलिदा म्हणजे पौष्टिक खाणं, ते घोड्यालाही देतात.

३ ) डाइबेटिस म्हणजे रक्तातली साखर इतर अवयवांना उर्जेसाठी देण्याची असमर्थता. ती न मिळाल्याने अवयवांचा संदेश मेंदूस जात 'साखर पाठवा' ,मेंदू शरीराला सांगतो 'खा खा'. पण साखर रक्तात वाढतच जाते. त्याचे अणू आयनशी संयोगात राहात असतील व ते मोजूनही ( जे सोपे असेल) साखरेचा अंदाज बांधता येत असेल.

४ ) रक्तातल्या कोलस्टरॅालशी सोडियमचे अणू संयोगात राहात असतील व त्याचे मोठे अणू (परमाणू, मोलिक्युल) गुठळीकरण ( अग्लोमरेशन) होऊन रक्त प्रवाहीपणात अडचण आणून उच्च रक्तदाब निर्माण होत असेल. यालाच आयुर्वेदात पित्त म्हणत असतील. डोकेही दुखते. मीठ खाण्याने सोडिअम_कोलेस्टरालचे मोठे अणू बनण्यास मदतच होते.
तर हे अणू मिठापासून मोकळे केल्यास त्रास बंद होईल. केमिस्ट्री म्हणते की हे चिलेट्स असतात आणि इतर असेडिक अॅक्टिव रॅडिकल मिळाल्यास मिठाचा सोडिअम त्यास जाऊन चिकटेल. आवळा हे काम करतो हे म्हणून तो पित्तनाशक.
दुसरा उपाय म्हणजे दुसरा कोणतातरी धातू वापरून सोडिअम अणूला कोलेस्टरालपासून तोडायचं. होमिओपथीमध्ये ओरम (गोल्ड, सोनं) चे संयुग वापरतात.

'न'वी बाजू Wed, 26/12/2018 - 07:30

पण साखर रक्तात वाढतच जाते. त्याचे अणू आयनशी संयोगात राहात असतील व ते मोजूनही ( जे सोपे असेल) साखरेचा अंदाज बांधता येत असेल.

HbA1c?

चिमणराव Wed, 26/12/2018 - 08:46

तो HbA1c लेख वाचला. हे सर्व मॅानिटरिंग झालं. पण ती ग्लुकोज ट्रान्सफर क्रिया का बंद पडते इथे जाता आलेलं नाही.

बॅटमॅन Fri, 28/12/2018 - 18:05

गूगल वगैरे करीनच, परंतु तरी इथे अमेरिकेतील लोक असल्याने विचारत आहे.

अमेरिकेच्या टेक्सास राज्यातील ऑस्टिन व ह्यूस्टन यांमध्ये ये जा करायची तर ग्रेहाउंड आणि ॲमट्रॅक यांपैकी बेष्ट ऑप्शन कंचा?

३_१४ विक्षिप्त अदिती Thu, 10/01/2019 - 22:09

मोल्सवर्थ, अतिशहाणा आणि माझी मत्तं काहीकिंचित जुळतात असं दिसतंय.

चिकित्सा शब्दाबद्दल हे मिळालं.

विश्लेषण शब्द कोशात मिळाला नाही.

बॅटमॅन Fri, 11/01/2019 - 02:23

विश्लेषणापेक्षा चिकित्सा वेगळी म्हणजे असं, की एखाद्या गोष्टीचा कीस पाडणे याला फार चिकित्सा करणे असं म्हणतात. विश्लेषणात ही अर्थच्छटा नसते.

राजेश घासकडवी Fri, 11/01/2019 - 09:55

चिकित्सा हा शब्द चौकशीशी आणि तपासणीशी संबंधित आहे. म्हणजे डॊक्टरकडे रोगी आला की त्याला प्रश्न विचारणे, रक्ततपासणी करणे, इतर रीपोर्ट्स मागवणे ही झाली चिकित्सा. म्हणजे चिकित्सेत विदा गोळा करणं येतं. विश्लेषणात हाती आलेल्या विद्यावर शास्त्रीय निकष लावणं येतं. त्यातून पुढे निष्कर्ष निघतात. थोडक्यात डेटा ग्यादरिंग म्हणजे चिकित्सा, तर डेटा प्रोसेसिंग/अनालिसिस म्हणजे विश्लेषण.

सामो Sat, 16/03/2019 - 08:58

(१) स्वत:लाच एक व्यनि लिहा
(२) तो डिलीट करा
(३) खफ किंवा अन्य धाग्यावर जा
(४) ब्राउझरचं बॅक बटन दाबा
(५) तो डिलीट केलेला व्यनि दिसेल्
(६) तो उघडा
(७) आत 'वाचलेले संदेश' मध्ये आपले जुने जुने डिलीटेड व्यनि दिसू लागतात.

नशीब फक्त आपलेच दिसताहेत.

नितिन थत्ते Sat, 16/03/2019 - 15:31

माझे डिलीटेड संदेश दिसतील का?
मी तर कोणताच संदेश डिलीट केलेला नाही !!

--------------------
एक म्हातार्बुवा डोळे तपासणी क्याम्पात जातात. तिथे डॉक्टर त्यांना वाचायचा चष्मा देऊन वाचायला सांगतात. म्हातार्बुवा म्हणतात "नाही वाचता येत". डॉक्टर जास्त जास्त नंबरचा चष्मा देऊन बघतात. म्हातार्बुवांना काही वाचता येत नाही. डॉक्टरांकडचे सर्व चष्मे संपतात. शेवटी डॉक्टर विचारतात, "शेवटचं कधी वाचता येत होत?" म्हातार्बुवा म्हणतात, "कधीच नाही, वाचायला शिकलोच नाही"