मोकळं मोकळं वाटतंय

दुटांगी धोतर
1 minute

टाचांच्या भेगा झोंबत नाहीएत
गुडघे दुखत नाहीएत
पाठीतून कळ येत नाहीए
सततचा खोकला थांबला एकदाचा
जवळचं लांबचं सगळं व्यवस्थित दिसतंय आता
हातपाय थरथरत नाहीत
छातीत दुखत नाही
सारखं लघवीला लागल्यासारखं वाटत नाहीए
डोकं जड जड झाल्यासारखं वाटत नाहीए
प्रकाशाचा त्रास होत नाही
कान किटत नाहीत
भाजतसुद्धा नाहीए अजिबात...
मोकळं मोकळं वाटतंय

1 minute

रमाबाई कुरसुंदीकर Sun, 15/04/2012 - 14:33

दुटांग्या, बरी केलीस हो कविता. सुरुवातीला वाचून वाटले की आमच्या 'ह्यां'नीच केलेय की काय हे काव्य ? पण ह्यांचा उभा जन्म गेला सरकारी फायली वाचण्यात्.असो. कैलास जीवन्,झंडु बाम्,अमृतांजन्,त्रिफळा चूर्ण तू ही जवळ बाळगतोस असे दिसतेय.
रमाबाई

विसुनाना Mon, 16/04/2012 - 10:51

भाजतसुद्धा नाहीए अजिबात

म्हणजे हिंदू असणार बहुतेक. "नाहीतर श्वाससुद्धा गुदमरत नाहीये अजिबात" असे काहीतरी आले असते.
श्रीराम जय राम जयजयराम!