आगामी कार्यक्रम - राष्ट्रगीताचं सहस्रावर्तन

हा आग्रह अतिरेकी आहे इतकेच म्हणणे आहे.

मस्त मस्त!!! छद्मी/खवचट धागा काढुन फोरमचा सदुपयोग केलायस. तो नियम म्हणजे तद्दन मूर्खपणा आहे खरच.

समजा एखादा बीग्रेडी सिनेमा असेल तर त्याच्याअगोदर राष्ट्रगीत म्हटल्याने गीताचा सन्मान वगैरे होतो हे अतिशयच रोचक वगैरे आहे.

ष्ट्रद्रोहाचा गुन्हा दाखल करावा. मात्र छापील वर्तमानपत्रांचा उपयोग कसा होतो याचा विचार करता, त्यांना यातून सूट द्यावी. मात्र प्रत्येक वृत्तपत्राने आपल्या रंगीत पुरवणीवर राष्ट्रगीत छापावे>>

जरा कठिणच आहे हो हे.
नाही म्हणजे आम्ही करायची ती अमंगळ कामे करण्यासाठी काळा पांढरा मुख्य पेपर की रंगीत गुळगुळीत पुरवणी असा भेदाभेद करत नाही.

जे लोक राष्ट्रगीत चालू असताना ताठ उभे रहाणार नाहीत त्यांना बाकीच्या राष्ट्रप्रेमींनी हाणा मारा झोडा करून शिक्षा करण्याची तरतूद कायद्याने असावी.
फार काय गोरक्षक किंवा मुतव्वीच्या धर्तीवर राष्ट्ररक्षकवीर पथक नेमले जावे आणि त्यांचे काम सगळे ताठ आणि उभे आहेत ना हे बघण्याचे असावे.
ते करताना त्यांनी ताठ किंवा उभे किंवा दोन्ही नसले तरी चालेल.

जे लोक हे पाळत नसतील त्यांना तिथल्या तिथे हा/मा/झो करायचा अधिकार या रारवीप मधल्या लोकांना असावा.

अजून सुचविनच!
राष्ट्रप्रेमी - साती!

डायनॅमिक केलायस का गं धागा? थांब मग लाईमलाईटकरता मीही मस्त मस्त अँटिक्स सुचवते. आठवु देत ;)

सध्याचे राष्ट्रगीत हे खरे राष्ट्रगीतच नाही असे आम्हाला शिकविले आहे. त्याचे काय ?
(पाचशे-हजारच्या नोटांसारखे रातोरात तेही बदलले गेले तरच आम्ही मान्य करू)

चालताना रस्त्यावरल्या खड्ड्यात पाय गेल्यास "आई गं!मेले" "देवा रे" असे उद्गार बाहेर न पडता ’जय हिंद’च उच्चारले गेले पाहिजे. याचे पालन होतेय की नाही बघण्यासाठी रारवीप आहेतच. त्यांच्यामुळे सुरूवातीला सवय नसली तरी हळू हळू कुठेही पडलं झडलं वा वाहनाचा धक्का लागला तरी प्रतिक्षिप्त क्रियेने हेच उद्गार येतील. अर्थातच असा बेदरकार वाहनचालक पकडला गेल्यास त्याने वाहन सुरू करण्याआधी उभे राहून राष्ट्रगीत म्हटले असल्याचा सेल्फी सादर केला तर त्याची शिक्षा सौम्य व्हावी.

चोर-दरोडेखोर पकडले गेल्यास त्यांनी चोरी/दरोड्याच्या आधी राष्ट्रगीत म्हटल्याचा त्या तारखेचा सेल्फी न्यायालयात सादर केल्यास शिक्षेत सूट मिळावी.

उद्धट कलाकार मंडळी मैफिल सुरू करण्याआधी तबल्याची ठोकठोक, तंबोर्‍याची टणट्ण ऐकवतात त्याआधी उभं राहून राष्ट्रगीत झाले पायजेल.

चित्रकाराने कॅन्व्हासवर ब्रश टेकवण्याआधी उभं राहून राष्ट्रगीत म्हटलं पाहिजे.

लेखकाने लिहीण्यासाठी कागदावर लेखणी टेकवण्याआधी. संगणकावर लिहीत असल्यास वर आदितीने सुचवलेली सोय आहेच.

जीआर आलाय का असा?
मला काईच म्हाईत न्हाई. :(

थुकरट संवेदन्शीलतेचा कहर...!

या मागण्या एक पहिली पायरी म्हणून ठीक आहेत. पण पुरेशा नाहीत. कारण लोक नुसतेच राष्ट्रगीत ऐकतात, उभे राहातात. त्यामुळे राष्ट्रगीताला मान मिळतो हे खरं असलं तरी त्यांच्या मनात त्यावेळी राष्ट्रप्रेमाची भावना भरून येतेच असं नाही. तेव्हा एक राष्ट्रव्यापी कार्यक्रम सरकारने हाती घेतला पाहिजे.

१. दारू प्यायली आहे की नाही हे शोधण्यासाठी जसा ब्रेथ अॅनलायझर असतो तसा एक इमोशन अॅनलायझर बनवावा. त्यातून माणसाच्या मनात 'च्यायला काय कटकट आहे, उभं राहावं लागतंय.' हा विचार आहे का हे समजलं पाहिजे. तसा दिसला तर तो बदलून 'मी राष्ट्रासाठी म्हणजेच सरकारसाठी प्राणही अर्पण करेन. आणि ते अर्पण करण्यासाठी मी बारा दररोज बारा तास रांगेत उभा राहायला तयार आहे.' असा विचार होईपर्यंत त्याला सतत राष्ट्रगीत ऐकायला लावावं. (यातल्या 'उभा राहीन' या शब्दप्रयोगावर अदिती 'जगात काय फक्त पुरुषच असतात का?' असा धारदार प्रश्न विचारेल याची मला खात्री आहे. मात्र स्त्रियांच्या मनात काय आहे हे साक्षात ब्रह्मदेवालाही कळत नसल्याने असल्या डिव्हाइसचा त्यांच्यावर उपयोग होणार नाही हे गृहित धरलेलं आहे.)
२. हा इमोशनल अॅनलायझर बनवण्याचं काम अंडानी प्रॉडक्ट्सना द्यावं. मार्केटिंग मात्र पतंजलींच्या रामदेवबाबांकडे द्यावं.
३. नुसतं राष्ट्रगीताच्याच वेळी नाही, तर थिएटरमध्ये खुर्चीवर बसल्यावर ते युनिट डोक्याला जोडून मनातल्या भावनांचं सतत रेकॉर्डिंग करावं. या महाप्रचंड विदचं विश्लेषण करून कोणती माणसं देशद्रोही आहेत हे कळेल. इतकंच नाही, तर कुठचे चित्रपट देशद्रोही भावनांना खतपाणी घालताहेत हेही कळेल.

आत्ता एवढंच.

जनतेकडून राष्ट्रगीत वारंवार म्हटले जाऊन त्यांचा पुण्यसंचय वाढावा ह्यासाठी एक सोपी technology आहे आणि तिबेटने ती कैक शतके आधीच शोधून ठेवली आहे.

व्यक्तीने खिशात बाळगायच्या छोट्या prayer wheels पासून कार्यालयांच्या दारात, स्टेडियमांच्या बाहेर, देवळांमधून ठेवण्यायोग्य अशी मोठी प्रार्थनाचक्रे उत्पादन करण्याचे सरकारी कंत्राट रामदेवबाबांना दिले जावे. त्या prayer wheels च्या आत एकापासून हजार-लाख-दहा लाख-कोटि असे बसतील तितके कागद, त्यावर राष्ट्रगीत लिहून, ठेवावे. प्रत्येकाने फावल्या वेळात आपली खाजगी आणि कार्यालयातील वगैरे सार्वजनिक चक्रे येताजाता फिरवीत जावीत. prayer wheelच्या प्रत्येक रिंगणामागे तिबेटमध्ये 'ओम मणि पद्मे हुं' हा मन्त्र एकदा म्हटल्याचे १ युनिट पुण्य गुणिले prayer wheelच्या आतील कागदांची संख्या इतके एकूण पुण्य त्या त्या व्यक्तीच्या पुण्यखात्यामध्ये आपोआप भरले जाते. आपल्याकडे राष्ट्रगीत तितक्या वेळा म्हटल्याचे पुण्य आपोआप देशप्रेम खात्यात भरले जाईल.

वेळ मोकळा असेल तेव्हा प्रत्येक व्यक्तीने कोठले ना कोठलेतरी यन्त्र फिरवीतच बसले पाहिजे असा कायदा करावा. मोकळा वेळ नुसताच जांभया देत वाया घालविणर्‍यांना पकडण्यासाठी स्वयंसेवक दल उभारावे. हे स्वयंसेवक लाठ्यांचे फटके अशा लोकांना मारून त्यांना देशप्रेमाच्या सरळ मार्गावर संचलन करीत राहण्यास उद्युक्त करतील. सौदी अरेबियामध्ये नमाजाच्या वेळी मशिदीत न जाता बाहेर चकाट्या पिटत बसणार्‍यांना फटके मारून मशिदींमध्ये पाठविणारे moral police असतात तसेच कार्य हे स्वयंसेवक करतील.

ह्यातच थोडी variety पण निर्माण करता येईल. प्रत्येक व्यक्तीच्या इच्छेनुसार त्याला 'जन गण मन' च्या ऐवजी 'नमस्ते सदा वत्सले मातृभूमे' हे गीतहि आपापल्या चक्रात भरता येईल आणि त्यालाहि तितकेच पुण्य मिळेल.

बेवारस प्रतिसाद इथे अप्रस्तुत अदिती ताईंनी उचलुन न्यायला नकार दिला.
म्युनिसीपालटी पण नाही नेणार त मग कोण उचलणार ?
प्रकाटाआ

ही प्रतिक्रिया इथे हलवली आहे.

पेट्रोल पंपावर या पेट्रोल नव्हते. पुढच्या पंपापर्यंत पोहोचण्याइतके नव्हते. बाबा म्हणाले xx xxx जप करा सर्वांनी. पुढच्या पंपाच्या होजापर्यंत जाऊन गाडी बंद पडली.
-
### पेप्रातून .तिरुवअनंतपुरम,बंगळुरु,मुंबई,नागपूर,इंदोर,दिल्ली येथून एकाचवेळी प्रकाशित.

**
बातमीचे templateमध्ये xxxx आणि ###च्याजागी आवडती नावे टाकून घेणे.
जनहितार्थ जारी केले.

राष्ट्रगीत हे प्रातःस्मरणीय म्हणून घोषित करावे. सत्यानारायणाऐवजी 'देशनारायणाची' पूजा करावी.

आहो पण ते सुडो सेकुलर जन्मनगण कशाला ? आपल्या वंदे मात्रम चे काय झाले ?