तक्रारींचा पाढा

पाढा वाचला. संस्थळ बंद का पडतं हे जाणून घ्यायचं आहे. कोडमधलं काही कळत नाही फक्त मोघम कारण जाणणे हा हेतू. बॅकप घेताना काही कोड उडल्याने नंतर तो कोणता उडला हे शोधताना वेळ वाया जात असावा.
चिकाटीला सलाम.

नवीन लेखनच्या खाली "सर्व नवीन धागे" आणि "माझे नवीन धागे" असे टॅब आले आहेत. त्यातल्या "माझे नवीन धागे" वर गेलं की प्रवेश प्रतिबंधित असं येत आहे.

धाग्याला तारका देण्याच्या सुविधेऐवजी काहीतरी वेगळंच आलं आहे.

प्रतिसाद लिहायला गेले की मराठी फॉन्ट उमटतच नाही.

वॉर्निंग आयी है आयी है स्ट्रिक्ट वॉर्निंग आयी है
बडे दिनों के बाद, उन व्हेरिएबलों को याद
ऐसी की मिट्टी आयी है

lipee devnagari asunahi devanagari madhe lihita yet naahee. kaay karave?

देवनागरी टंकनाशिवाय काही लोकांना लॉगिन करण्यासाठी अडचण येत असेल. तुमचं नेहमीचं सदस्यनाम आहे तेच ठेवून रोमन लिपीत पर्यायी लॉगिन आयडी बनवून, ते वापरणं शक्य आहे. यात काही मदत हवी असल्यास aisiakshare@जीमेल.कॉम इथे इमेल करावे.

Go to Top button has gone missing

visheshankachya links gandlya aahet

नवीन प्रतिसाद सगळ्यात वर दिसतो, पण नवीन उपप्रतिसाद खाली खाली दिसत जाताहेत. हे, तसेच एका पानावर किती प्रतिसाद ठेवायचे हे निवडायचा पर्याय दिसत नाही आहे.

देवनागरी टंकन सुरू झालेलं आहे (आणि ते झाल्याचं गुलाबी रंगातल्या संदेशामुळेही सध्या दिसत आहे). F9 ही कळ वापरून रोमन/देवनागरी असा लिपीबदल करता येईल. हे काम करून देणाऱ्या श्रवणचे आभार. त्यासोबतच टेक्स्ट-एडिटींगची बटणंही दिसायला सुरुवात झालेली आहे.

अजूनही श्रेणीच्या मॉड्यूलचा प्रश्न सुटलेला नाही. त्यामुळे प्रतिसाद कुठे संपला आणि स्वाक्षरी कुठे सुरू झाली हे नीट समजत नाहीये. प्रतिसादांत स्वाक्षरी लावणाऱ्या सर्व सदस्यांना विनंती की शक्यतोवर स्वाक्षरीच्या मजकुराचा रंग निराळा ठेवला किंवा मध्ये आडव्या रेघा, ** असे काही सेपरेटर्स वापरले तर वाचकांची सोय होईल.

कौतुक सुरू> रिसेंट अडचणींवर मात करून संस्थळ पूर्ववत करण्याच्या यशाबद्दल अदिती व इतरांचे हार्दिक अभिनंदन! कौतुक संपले>
:)
नो सिरियसली, हार्दिक अभिनंदन!!

आता बहुतेक तक्रारी दुर्लक्षणीय पातळीवर आल्यामुळे धमकी खरी ठरवण्याची घटिका समीप आल्याचं जाणवत आहे.

ऐसीच्या डेटाबेसचा आकार, विकत घेतलेल्या जागेपेक्षा वाढला होता. त्याबद्दल सेवादात्याकडून इमेल आलेलंही होतं, पण ते इमेल खातं बघण्यात माझ्याकडून हलगर्जीपणा झाला होता. इमेलात दिलेली धमकी खरी करत, सेवादात्यानं ३ जानेवारीच्या रात्री १२ वाजता (अमेरिकी इस्टर्न टाईम) डेटाबेस-विदागार नेहमीच्या जागेवरून हलवलं होतं. ३ जानेवारीला सकाळी उठल्यावर, इमेलं आणि व्हॉट्स़ॅपवर 'ऐसी बंद पडलं' आहे, लगेचच समजलं. पण नक्की का बंद आहे, हे तेव्हा समजत नव्हतं. म्हणून फोनाफोनी सुरू झाली. सेवादात्याकडे ज्यांना फोन केला होता, त्यांच्याकडूनही ही गोष्ट समजलेली नव्हती. मात्र, मधल्या वेळात फोनवर रँडम जॅझ संगीत ऐकून मुक्तसुनीत आणि माझा आयक्यू वाढवण्याचा आटोकाट प्रयत्न सेवादात्यांनी केला. त्यांचे आभार.

ऐसी बंद पडल्यावर बऱ्याच लोकांकडून आपण होऊन मदतीचा हातही पुढे आला. ऐसीवर पडीक नसणारा, पण अधूनमधून उगवणारा राहुल बनसोडेही त्यांतला एक. एरर मेसेज वाचून, नक्की काय झालं असावं याचा अंदाज त्यानं दिला. मग ते इमेल खातं तपासलं तेव्हा ही बातमी समजली. (आता ते इमेल खातं दुर्लक्षित राहणार नाही याची पुरेशी काळजी घेण्यात आली आहे.) मग ऐसीसाठी नवीन विदागार मागवण्यात आलं. ऐसीच्या नवीन विदागाराशी संबंध प्रस्थापित करण्यात दोन दिवस गेले. त्यामुळे मंगळवार ते शुक्रवार ऐसी बंद होतं. या काळात उदयनं बरीच हौसलाअफजाई (हा शब्द एकदातरी वापरायचाच होता) केली.

ज्यांना तांत्रिक बाबी समजत नाहीत, त्यांच्यासाठी राजेश घासकडवींच्या सोप्या शब्दांत - घरात बरेच दिवस राहिल्यानंतर सामान वाढत गेलं. त्याला घर कमी पडायला लागलं. म्हणून नवीन घर शोधलं आहे. आता नवीन घरात सामानासाठी योग्य जागा शोधण्यात वेळ गेला, तोवर ऐसी बंद होतं. सगळ्या गोष्टींसाठी नवीन घरात जागा शोधली तरीही, नवीन जागी गेल्यावर वस्तू पटपट सापडत नाहीत. त्यामुळे देवनागरी टंकन बंद होतं. अजूनही श्रेणीव्यवस्था सुरू नाही. हे काम श्रवण करत आहे. त्याच्याशी ओळख करून देण्याबद्दल निळोबांचे आभार. (या बदल्यात निळोबांना बॅन करायचं का कसं, याबद्दल उच्चस्तरीय शिखर परिषद सुरू आहे.) मराठी लेखन-वाचनाशी अजिबात संबंध नसताना, केवळ ओळखीखातर काम करणाऱ्या श्रवणचे मनापासून आभार.

गेल्या काही दिवसांत, देवनागरी टंकन, टेक्स्टबॉक्सच्या वर असणारी बटणं (लिंका देणं, फोटो लावणं ही बटणं), यांसाठी ड्रूपालचा कोड सुधारणं गरजेचं होतं. हे काम माझ्या पेग्रेडच्या वरचं आहे. श्रवण हा मात्र उत्साही मुलगा आहे; त्यानं फक्त गमभनचं टंकन नाही तर इनस्क्रिप्ट आणि गूगल ट्रान्सलिटरेटची सोयही करून दिलेली आहे. (तो तर माझ्याही पुढे गेला!)

सिरीयसली, मराठी बोलण्यात इंग्लिश शब्द आलेले ठीक. मटारी मराठीही चालेल. पण मराठी संस्थळ आणि देवनागरी टंकनाचा पर्याय उपलब्ध नाही, हे अगदीच लाजिरवाणं!

---

अजूनही -
ऐसी ड्रूपाल ६वर आहे. ड्रूपाल ७वर जाण्याची गरज आहे. त्याची दोन कारणं -
१. ड्रूपाल ही गोष्ट कम्युनिटीनं चालवलेली आहे. कोणी चार जाणते लोक ठरवून काही गोष्टी घडवून आणतात, असं १००% चालत नाही; काम करणाऱ्या स्वयंसेवकांनी चालवलेली सीएमएस - content management system - आहे. त्यात ड्रूपाल ६ कालबाह्य ठरलेलं आहे. सुरक्षिततेच्या दृष्टीनं ड्रूपाल ७वर जाणं इष्ट.
२. ऐसी मोबाईल, टॅबलेटवर धड दिसायचं असेल आणि उपलब्ध असलेल्या सजावटी-थीम्स वापरायच्या असतील तर ड्रूपाल ७वर जावं लागेल.

गेले काही महिने, ड्रूपाल ७वर जाण्याबद्दल चर्चा अधूनमधून सुरू असते. पण श्रेणीचं मॉड्यूल ड्रूपाल ७साठी उपलब्ध नाही. ऐसीच्या सर्व व्यवस्थापकांना, (कधी नव्हे ते) एकमतानं श्रेणीचं मॉड्यूल, ती सोय महत्त्वाची वाटते. ते नसल्यामुळे गेले अनेक महिने हे काम बाजूला टाकलेलं होतं. ऐसी पुन्हा 'दिसायला' लागल्यापासून अपग्रेड (पिडांकाकांचा लाडका शब्द उर्ध्वश्रेणीकरण) करण्यासाठी मी काम करत आहे. पण त्यातही कोडच्या तक्रारी आहेत, आणि पीएचपी कोड वाचून त्यात सुधारणा करणं, माझ्या पेग्रेडबाहेरचं आहे.

यावर उपाय शोधायला सुरुवात झालेली आहे. पण स्वयंसेवी पातळीवर चालणाऱ्या गोष्टी, आपल्या वेगानुसार, अपेक्षेनुसार भरभर घडतीलच असं नाही. ऐसीच्या सदस्य, वाचकांपैकी कुणाची यात मदत होणार असेल तर त्या सगळ्यांचं स्वागतच आहे.

मलाही उगाच क्लिकक्लिकाट करायची खोड लागून संस्थळं ,साइट्सचे सर्वर कुठे कोणत्या प्रकारचे आहेत दाखवणारे अॅप वापरून पाहात होतो तेव्हा ही ऐसीच्या साइटची तारीख(expires on 3 January 1978!) ३ जानेवारी दिसलेली. परंतू वर्ष 1978 दाखवत होते.! हे मी विचारले नाही/नव्हते.
असो.
आमचं वरातीमागून घोडं.

आधी शंका होतीच पण आता खात्री झाली.

'ऐसी' चालविण्यासाठी काही डेटाबेस विकत घ्यावा लागतो हे निश्चितपणे कळले.

'ऐसी' चालविण्यासाठी काही खर्च करावा लागत असेल तर त्याचा काही भाग उचलण्याची माझी तयारी आहे. मी ह्या संस्थळाचा लाभ घेतो तर त्यासाठी काही मूल्य देणे ही माझी नैतिक जबाबदारी आहे असे मी मानतो.

For the benefit of members who still face problem of Devnagri typing.

The Gamabhana module was not working on my laptop in Firefox & IE. So I was not able to type in marathi. During the correspondence I had informed Aditi about this.

All of a sudden on Saturday I noticed that I can see a red colour pop-up of Gamabhana. And I could type in marathi.

Today I have come to office and again I don't see that popup and can't type in Marathi.

So conclusion is the Gamabhana module is not getting loaded when I am logging in from office. But it gets loaded when I login from home. Some blocks that the office has put up. I have to wait till Gamabhana gets embedded in Aisi, because earlier before 3 January. I could type Marathi from office.