मनातील छोटे मोठे प्रश्न किंवा विचार - भाग ३१

धन्यवाद. आंतरभारतीविषयी माहिती होती, पण मायमावशी पाहिलं नव्हतं. माझ्या प्रश्नाचं उत्तर - डॉ. वीणा मुळे ह्यांनी ही मराठी अनुवाद ग्रंथसूची तयार केली आहे. महाराष्ट्र साहित्य संस्कृती मंडळानं ती प्रकाशित केली आहे.

रोचक वाटताहेत ते अंक.

आता कोणत्याही विषयावरची मला ३०० पानांचे पुस्तक (कादंबरी) वाचायला ५-६ तास पुरतात पण रोमँटीक कादंबर्‍या / शरीरवर्णने असलेल्या कादंबर्‍या वाचतांना लग्न व्हायच्या अगोदर जास्त वेळ लागायचा.

चांगले कळून घेऊन वाचायचे पुस्तक असेल तर फक्त २ तास पुरतात.
(जास्त पृष्ठसंख्या असलेली डोक्याला जास्त त्रास देणारी पुस्तके मी सहसा वाचत नाही. वाचलीच तरी ती १०० ते १५० पानांच्या वर असणार नाही याची काळजी घेतो.त्यामुळे २ तास पुरतात)

अर्थात तुम्ही सलग ५-६ तास किंवा २ तास वाचता काय असा उपप्रश्न असेल तर त्याचे उत्तर खालीलप्रमाणे.

बिनडोक पुस्तके (म्हणजे डोके न लावता वाचायची पुस्तके) - इन वन सिटींग किंवा स्लीपींग म्हणा हवतर.
डोकेबाज पुस्तके ( म्हणजे अर्थ कळून घेऊन वाचायची पुस्तके ) - पहिली १०-१५ मिनिटे वाचन, मग त्यावर मनातल्या मनात (तोंड न हलवता) रवंथ करतो मग पुढील भाग. अन्न (विचार) पचायला जड असेल तर रवंथ करण्याचा कालावधी वाढतो.

सावकाश आणि फास्ट ( म्हणजे मराठीत वेगवान) वाचन ठरवून करता येत नाही. धार्मिक (नित्यनेमाची) पुस्तके आपोआप वेगाने वाचली जातात तर अधार्मिक पुस्तके सावकाश वाचली जातात.
कथा / कथासंग्रह वाचायला मला कादंबरीच्या तुलनेत (पर पेज / पर स्टोरी) जास्त वेळ लागतो. एका कथेतून दुसर्‍या कथेत शिरायला वेळ लागतो.

शाळा / कॉलेजात असताना पाठ्यक्रमाची पुस्तके एकदा वाचून प्रश्नोत्तरे लिहून बघीतल्याशिवाय डोक्यात राहत नसत त्यामुळे एकदा(च) वाचन व एकदा लिखाण असा क्रम असल्याने वेळ मोजला नाही.

वरील सर्व उत्तरे मराठी भाषेतील पुस्तकांसाठी लागू आहेत. वर्तमानपत्रांचे वाचन करतानाच्या मनोवस्थेचे अजून नीट अवलोकन करु शकलेलो नाहिये. कधीकधी शीर्षक आणि बातमीचा मजकूर एवढा विसंगत असतो की पूर्ण बातमी वाचल्यावर मी चु़कीचेच शीर्षक वाचले की काय असा भास होतो आणि मग पुन्हा वाचावे लागते.

माझा वाचन वेग- (विषयावर/ साहित्यप्रकारावर अवलंबून)
मराठी- ६० ते ९० पृष्ठे प्रतितास
इंग्लिश- ३० ते ४० पृष्ठे प्रतितास
हिंदी ४० ते ५० पृष्ठे प्रतितास
एकदा माझ्या पत्नीसह माझ्या एका मेहुणीकडे गेलो असताना संध्याकाळी ७ ते ८ वाजता त्या दोघींच्या टीवीवरच्या मालिका पाहून होईपर्यंत माझी १८० पानाची एक छोटेखानी कादंबरी वाचून झाली होती!
वाचनाचा वेग चांगला असायला हवा तर या छोटाश्या मानवी आयुष्यात थोडंतरी वाचून होईल!
मला माझा वाचनवेग अजून दुप्पटतरी करायचा आहे, पण...

आकडे वेगळे असतील पण मराठी वाचताना गाडी भरधाव सुटते. इंग्रजीत जरा कमी.
सरळसोट असेल तर मराठीत बहुतेक तासाला १००-१५० नक्कीच. इंग्रजीत बघायला पाहिजे- पण ७०-८० असावं.
काही लेखक वाचताना वर्णनं सरळसोट उडवतो, ज्यामुळे काहीच फरक पडत नाही. उदा. डॅन ब्राऊन.

कविता वाचायला उलटं. जेवढी छोटी कविता तेवढा जास्त वेळ लागतो ;)

गब्बरशेट स्वतः संपादक असणार किंवा करुन घेतले असणार वळखीच्या कोणाकडूनतरी.

>> मी २९ तारखेला ज्यावर प्रतिसाद दिला आहे तो प्रतिसाद ३० तारखेला गब्बर सिंग एडिट कसा करू शकतात?

'ही बातमी समजली का? - ५६' शीर्षकाचे दोन धागे झाले होते. ते आता एकत्र केले आहेत. म्हणून प्रतिसाद अद्ययावत दिसत असावा.

नाही.

नाही.

दोहोंपैकी काहीच नाही. कारण मी स्वतःदेखिल बीफ खाल्ले आहे/पुढेही खाऊ शकतो.

>> अमुक मनुष्य बीफ आणि बीफयुक्त पदार्थ खातो असं म्हटल्यावर तुम्हाला त्याच्याविषयी घृणा वाटते का किंवा परकेपणा वाटतो का?

एखादा मनुष्य हिंदू घरात जन्माला आला असेल आणि स्वेच्छेनं / आवडीनं गोमांसभक्षण करत असेल, तर त्याच्याविषयी असं वाटतं असं कबूल करणारे काही लोक माझ्या परिचयाचे आहेत.

=))

आमचे उत्तरः आज्याबात नाही. क्वचित कधी ३०-६० डिग्री फारतफार.

इथल्या काही मंडळींना मी सूज्ञ वगैरे समजत होतो.
त्यांच्या प्रतिसादामुळे त्यांच्याबद्दलची माझी मतं १८० अंशात बदलली. ;)
उदाहरणार्थ
.
.
.
नाही, उदाहरणे नकोच. मला माझे जाल अस्तित्व प्यारे आहे.

होय एकापेक्षा अधिकदा
पटकन आठवणारे मत समान नागरी कायद्याबद्दल. मी आधी त्याच्या पूर्ण विरोधात होतो आता धर्म व लिंगनिरपेक्ष समान नागरी कायद्याच्या बाजुने आहे.
दुसरे उदाहरण आरक्षणाबद्दल. मी त्याच्या विरोधात नव्हतो मात्र मत क्रिस्टलाइज झाले नव्हते. इथल्या चर्चेतून ते का आवश्यक आहे त्याबद्दल बरेच इन्साईट मिळाले.
तिसरे वादग्रस्त भुमींबद्दल, तेथील मिल्ट्रीच्या भुमिकेबद्दल श्रामोंशी वगैरे मागे आफ्स्पाच्या निमित्ताने इथे व ऑफलाइन झालेल्या चर्चेमुळे माझ्या विचारांवर असलेल्या राष्ट्रवादाच्या काचा फुटून अधिक तथ्याधारित मत बनवण्यास मदत झाली

अजूनही कैक उदाहरणे आहेत.

@बॅटमॅन, ३०-६० अंश बदल होत असेल तरी ठीकच आहे म्हणायच. अगदीच निष्फळ नाही :-).

@मनोबा, =)) कळतात हो असले टोमणे ;-)

@ऋ, हां हे रोचक आहे. आरक्षणाबद्दल मीदेखील कुंपणावरच होते (२००३ अखेरचा थोडाफार काळ सोडल्यास. तेव्हा मेडीकल पोस्ट ग्रेज्युएशनसाठी अँटीआरक्षण निदर्शन चालू होती) पण गेल्यावर्षी मराठा आरक्षण गदारोळादरम्यान मायबोलीवर एक धागा निघाला होता (जो दुर्दैवाने उडवला गेला). त्यातले प्रतिसाद वाचून मी एकदम प्रोआरक्षण झाले आहे.

बाकी आपल्या विदागुर्जींमुळे थोडाफार ऑप्टीमिझम आला.
मआंजावरच्यांनीच फेसबुकवर केलेल्या चर्चेतून झुफेलीया गुन्हा नसावा आणि भारतीय लग्नव्यवस्थेत सध्यातरी लग्नांतर्गत बलात्कार गुन्हा का होऊ शकत नाही वगैरेंची अर्ग्युमेंट पटल्या.

आपली मतं बदलू शकतात असं प्रामाणिक मत होतं.
पण इथली बरीचशी मतं पाहिल्यावर मतं बदलू शकतात हे माझं मत बदललं.
तेव्हा आता मतं बदलू शकत नाहीत असं मत आहे, ते तुमच्या ह्या प्रश्नामुळे पुन्हा बदललं आहे.
सो- ३६० डिग्री टर्न.

बदल होतो असं नाही काही टोकं घासून धार थोडी कमी होते.

गवि, आपण नविन व्यवस्थेतील गुन्ह्यांबद्दल बोलताय. एक मिनिट एकही गुन्हा होणार नाही असे माना.
=================
विवाह संस्थेत जे जे अंतर्भूत आहे त्या प्रत्येक गोष्टीचं काय काय होणार हा प्रश्न अधिक महत्त्वाचा आहे.
==================
समलैंगिकता हार्मोनल डिसबॅलँसमुळे असते असे म्हटले कि असहिष्णु पुरोगामी चिडतात. ते म्हणायची देखिल भिती आहे.

प्रश्न विचित्रबिचित्र कै नाहीयेत. योग्य आहेत.

माझ्यामते एकदा कायद्याने समलैंगिकता हा लैंगिकतेचा एक प्रकार मानला, की विनयभंग, बलात्कार यांच्या व्याख्या आपोआप समलैंगिकतेला अंतर्भूत करून वाचतील. (कायद्याच्या ड्राफ्टिंगचं एक मार्गदर्शक तत्त्वः अगदी अपरिहार्य असेल तिथेच शाब्दिक फेरफार केले जातात.)

इंट्रेस्टिंग प्रश्न हा आहे:

विरुद्धलिंगी व्यक्तीऐवजी आपल्याच लिंगाच्या व्यक्तीने छेडछाड, बळजबरी करणे हे भिन्नलिंगी व्यक्तींना अधिक मानसिक त्रासाचे ठरेल का? त्यासाठी अधिक कठोर कारवाई होण्याची मागणी झाली तर रास्त असेल का?

काही लोकांना नक्कीच अधिक मानसिक त्रासाचं ठरू शकेल. पण त्यासाठी अधिक कठोर कारवाईची मागणी चूक आहे.

कारणः
एखाद्या गुन्ह्याच्या सबसेटमुळे जर मानसिक त्रास वाढत असेल, तर केवळ "मानसिक त्रास वाढला" या कारणास्तव गुन्ह्याच्या कमाल शिक्षेपेक्षा अधिक शिक्षा देणे गैर आहे.

उदा.
एका स्त्रीला दाढी असणारे पुरुष आवडत नाहीत. विनयभंग करण्याला क्ष वर्षं तुरुंगवासाची शिक्षा आहे. दाढीवाल्या पुरुषाने विनयभंग केल्यास त्या स्त्रीला जास्त मनस्ताप होईल. पण या कारणास्तव शिक्षा क्ष वर्षांपेक्षा वाढवणं लॉजिकल नाही.

वरच्या उदाहरणात सब्स्टिट्यूटिंगः
दाढी असणारे पुरुष = लेस्बियन स्त्रिया.

उत्तर बदलू नये.

एका व्यक्तीने दुसर्‍या प्रौढ व्यक्तीवर त्याच्या परवानगीविना संभोगास वा कोणत्याही इंद्रीयात काहीही शिरवण्यासाठी बलप्रयोग केल्यास त्यास बलात्कार म्हणता यावे

क्ष ने य च्या कानात जबरदस्तीने इअर बड घातली तर तो बलात्कार म्हणता यावा? ट्रोल कुठले!!!

एखाद्या पुरुषावर स्त्रीने बलात्कार केला आणि एखाद्या पुरुषावर दुसर्‍या पुरुषाने बलात्कार केला तर दोन्ही बलात्कार सारखेच गुन्हे मानावेत का?
तसेच एखाद्या स्त्रीवर पुरुषाने बलात्कार केला आणि एखाद्या स्त्रीवर स्त्रीने बलात्कार केला तर पुन्हा समानच?

होय समानच. स्त्रीवर होवो नाहीतर पुरूषावर, होणार्‍या बलात्काराची वेदना सारखीच असेल.