गारुडी
गारुडी
गारुडी डमरु वा जवतो
लोक शहाणपणा
सोबत असतात ,
भुक देखील खोटी
वाटावी ईतक्या.
ते त्याच्या तालाला
भूलत नाहीत ,
आकर्षणावर
झुलत नाहीत.
चिमुटभर व्यथेच्या
मणभर फारकतीसाठी
थांबतात आणि
साधतात ,
डोंगराएवढा
दांडगा उपकार.
चेकाळतात जहरी,
गारुड्याची फिरकी
घेणार्या गड्यावर .
खपाटी गेलेलं पोट
खाली सरणारी पँट,
सावरत गारुडी
करतो व्याकूळ
परफाँरमन्स.
परडीतल्या थिजलेल्या
सापला डिवचत.
डमरूला प्रतिसाद
देणार्या मुलाचा ,
बाहेर पडलेला
खोल कष्टी आवाज
भेदू शकत नाही.
शहाणपणांचं अभेद्य
कवच.
लोकांच्या काना मनावर
तगडं पोलादी चिलखत
अलगद.
दर्शनोत्सूक डोळे ,
हरकतात थाळीतल्या
आवाजा ईतक्याच
नाण्यानं.
एकावर एक परडी
वळतो गठडी..
एकमेकांना आधार देत ;
नव्या चौकाची वाट.
लटपटत्या पायांना
भुक कापत जाते,
डमरु घुमल्याचा
आवाज आता
कानात घुमतोय...
----------------------------------------------------
सतीश वाघमारे. पुणे.
प्रतिक्रिया
खूप आवडली ही कविता.कवितेतील
खूप आवडली ही कविता.कवितेतील भूकेचं, दैन्याचं वर्णन खूप चटका लावतं. खरच डोंबारी, गारुडी, वासुदेव वगैरे लोक कधी मुख्य प्रवाहात येणार, कशी येणार?
धन्यवाद सारिका .
धन्यवाद सारिका .
प्रभावी-
प्रभावी, व्यथित करणारे शब्द.
डोंगराएवढा दांडगा उपकार; तगडं पोलादी चिलखत; शहाणपणांचं अभेद्य कवच... चपखल.
अधिक वाचनीय होण्यासाठी योग्य formatting उपयुक्त ठरते. (जाणकारांनी मार्गदर्शन करावे)
शुभेच्छा!