" आज मराठी भाषा- दीन ! "
धरला मी अभिमान मनीं
"आज मराठीभाषा-दिन "
मी मराठी तू मराठी
बोलू सारे आज सुदिन !
सुरेख उत्तम वा वा छान
म्हणत वाहवा करू -
जमेल तेथे मायमराठी
आपण जवळ करू !
मराठी निवेदक वदला- हाऊ नाईस !
मराठी अभिनेता कण्हला- गुड आयडिया !
मराठी नटी किंचाळली- वॉव फॅंटॅस्टिक !
मराठी परीक्षक ओरडला- ब्राव्हो सुपर्ब !
मराठी नेता गरजला- व्हेरी गुड !
मराठी जनता म्हणाली- गुड, छान !
भ्रमिष्ट ठरलो मी अभिमानी
जगास मराठी शिकवीन -
मजला पुरते कळून चुकले,
" आज मराठीभाषा- दीन ! "
प्रतिक्रिया
पटली नाही
कविता पटली नाही.
भाषा प्रवाही आहे.. ती बदलणारच! वगैरे वगैरे.. असो तळमळ समजली मात्र भावना पटली नाही
आजकाल "मराठी 'दीन' झाली आहे" वगैरे आरोळ्या "इस्लाम खतरेमे" यात फारसा फरक जाणवत नाही!
- ऋ
-------
लव्ह अॅड लेट लव्ह!
कविता
यात कविता कुठे आहे? हे तर निबंधाचे मुद्दे आहेत.