कविता

विरक्तरसाची मात्रा

विरक्तरसाची मात्रा

कवी - सर्व_संचारी

पुष्कळ पाहिले देश
खूप झाले मुक्काम
जड झाले सामान

पुष्कळ झाली यात्रा
जरा घ्यावी विरक्तरसाची मात्रा

जिओग्राफी, ओर्थोग्राफी
मेमोग्राफी, टोपोग्राफी
बायोग्राफी, पोर्नोग्राफी
उदंड झाले हस्तमैथुन
तुटेल न
शिस्नावरची नस
च्यायचा… विरक्तरस.

नुसताच साचलाय गाळ
वाहत नाही गंगा
देहबुद्धी झाली
घेतला लाइफशी पंगा
चला! या जन्मीचं नाव सांगा
गेल्या जन्मीचं गोत्र
या जन्मी गाढव
गेल्या जन्मी कुत्रं

विशेषांक प्रकार: 

कविता

कवी - अनिरुद्ध अभ्यंकर

काळोख

आता मला हवा आहे
फक्त काळोख मिट्ट काळा...
ज्याच्या मिठीत
होतील अदृश्य
हे प्राक्तनाचे
ढळढळीत संकेत...
निदान टाळता तरी
येईल मला
माझीच नजर ...

--------------------------

निकाल

मला अजूनही
समजलं नाही...
प्रश्न सोपा होता
की
अवघड होते उत्तर...
पास की नापास
ते तर
तू
कधीच सांगितलं नाहीस...

विशेषांक प्रकार: 

प्रेम - दोन कविता

कवयित्री - सुवर्णमयी

या उंच कड्यावर
उभारलेलं घर
कोसळेल
केव्हातरी

कुणी बुलडोझरचा
धक्का देईल तेव्हा
या छोट्या दगडांच्या
चित्राचं काय होईल?

न जुमानता
विखुरलेले
एका ठिकाणी
गोळा केले
नीट रचले

इथं नवं काही
होईलही
नव्या माणसांना
त्या वेळी या
दगडांकडे पाहून
काही कळेल का?

कसे असतील ते दगड
काय करतीत ते त्यांचं?

गृहित धरलेले
सर्व तुटते
दूर जाते
विसंगत दिसणारं
राहतं काही शिल्लक
अनपेक्षितपणे

प्रेमाचं हे
एक वास्तव आहे !

--

ती

विशेषांक प्रकार: 

आधार नको

आधार नको

कवी - स्नेहदर्शन

सदैव उघडे मज दुःखाचे दार नको
फक्त वेदना आयुष्याचे सार नको

कोण खेळला कैसा येथे पाहून घे,
मला कुणाची जीत नको वा हार नको!

का विसरावी प्रीत माणसा मनातली
जगात कोणी इतकाही लाचार नको

मला झेलता यावे इतके पदरी दे,
मला पाहिजे तेही काही फार नको

माझा व्हावा मीच दिलासा कायमचा,
कोणाचाही खांदा वा आधार नको

विशेषांक प्रकार: 

दोन कविता

दोन कविता

कवी - श्रीरंजन आवटे

१.

स्तनाळली धरतीही
आज हसली मधाळ
काहुरल्या वार्‍याने गं
केली चुगली ढगाळ ॥१॥

आभाळीच्या समाधीचा
आज झाला म्हणे भंग
कामायनी धरतीचा
असा शृंगारी अभंग ॥२॥

अंग अंग शहारले
कण कण पुलकित
किती जन्मांची कहाणी
तरी मधुर गुपित ॥३॥

सारा सढळ संभोग
असा आदिम सर्जक
धरतीच्या गर्भाशयी
कुण्या झाडाचे अर्भक? ॥४॥

२.

चंद्रकिरणांच्या विभ्रमणानंतरही
मी नाही मोजू शकलो
तुझ्या डोळ्याचा अपवर्तनांक,

विशेषांक प्रकार: 

काव्यातली सृष्टी

काव्यातली सृष्टी

लेखक - धनंजय

(तीनही व्हीडीओ एकाच कवितेचे आहेत. वाचनाच्या वेगानुसार व्हीडीओ निवडता येईल.)

धीमी गती

सदानंद रेगेंच्या कविता

कविता

सदानंद रेगेंच्या कविता

- सदानंद रेगे (देवापुढचा दिवा)

निरर्थालाहि अर्थ येऊं पहात होता…
(अल्बेर कामू यांच्या स्मृतीस.)

विशेषांक प्रकार: 

नामदेव ढसाळांच्या कविता

कविता

नामदेव ढसाळांच्या कविता

- नामदेव ढसाळ

गांडू बगीचा

ना फुलं आहेत
ना पानं
ना झाडं आहेत ना पक्षी
नुसताच अहले करमचा तमाशा
मोहरबंद कस्तुरीचा गंध
पायातल्या शृंखलांचंच अस्सं
संगीतात रुपांतर...

हे दीदारे - यार, हे अहले - चमन

विशेषांक प्रकार: 

विद्रोही कवी प्रकाश जाधव यांच्या कविता

कविता

विद्रोही कवी प्रकाश जाधव यांच्या कविता

- विद्रोही कवी प्रकाश जाधव (दस्तखत)

या असंबद्ध रात्रींचे संदर्भ लागत नाहीत तात्त्विकांना
चार भिंतीतल्या सांद्र उजेडात
त्यांच्या सर्वदूर विचारांची उत्तुंग झेप औपचारिक अन् सरड्या एवढी
जिने उतरून खाली आल्याशिवाय
दिसणार नाही हा अपारदर्शी अंधार...

---

तुलसी परब यांच्या कविता

संकल्पना

तुलसी परब यांच्या कविता

- तुलसी परब (हृद)

ब्रँड आहे साहेब माॅल

ब्रँड आहे साहेब
माॅल कुठला देऊ
फुल की हाफ

देसी ब्रँडमध्ये
क्वार्टर आहे
देऊ

सिग्नेचरवर
ग्लास फुकट आहे
तो दे

पाने

Subscribe to RSS - कविता