चहा
तर मी हल्ली चहा प्यायला शिकल्ये. अर्ल ग्रे प्रकारचा चहा, त्यात कॉफी क्रीमर घालून पिते. कॉफी क्रीमरची एक कुपी कपात रिकामी करायची, अर्ल ग्रेची एक पुडी कपात सोडायची, वरून उकळतं पाणी सोडायचं. पाच मिनीटांनी चहा प्यायला सुरुवात करायची.
आता अर्थातच चहाप्रेमी 'य'वी बाजू-लोक येऊन "ई, चहात कॉफी क्रीमर कसलं घालायचं", "चहात दूध घालणं हा नीचभ्रूपणा" वगैरे ढोस सुरू करतील. या लेखाच्या सुरुवातीला केलाय तसलाच -
How British colonialism ruined a perfect cup of tea
तर माझं असं म्हणणं आहे की चहा म्हणजे डॉ. पेपर किंवा कोक नव्हे की सगळ्यांनी एकाच चवीचं पेय प्यावं. तुम्हाला जसा आवडतो तसा चहा खुशाल प्या. चहाचं सपाटीकरण करण्याची गरजच काय!
मागे एक मित्र, मोगऱ्याच्या फुलांचा चहा करता का, असं विचारत होता. त्यात मी तरी चहा, दूध, आलं, असले काहीही प्रकार घालणार नाही.
चहा हा शब्द प्रेमासारखाच घासून गुळगुळीत झालाय. आईवर प्रेम, विज्ञानावर प्रेम, बॉयफ्रेंड/गर्लफ्रेंडवर प्रेम, रक्तवारुणीवर प्रेम आणि मांजरीवरही प्रेम ... आणि "खुद से प्यार जताऊं"सुद्धा आहेच. तसंच चहाचं. त्या लेखाच्या लेखकाला आणि बहुतेकशा चहाप्रेमींना हे समजत नाही की चहा या नावाखाली फार निरनिराळी पेयं पाजली, प्यायली जातात. दोन्ही पेयांना चहाच म्हणत असले तरीही अर्ल ग्रे निराळा आणि अमृततुल्य निराळा; शुगेऽऽर क्यूब्ज जिभेखाली ठेवून घोट घोट पित प्यायचा इराणी चहा आणखी निराळा; नारळाचं दूध घालून पिण्याचा थाई चहा आणखी निराळा.
पण "आरोग्यास चांगलं" म्हणून जे विकलं, दाखवलं जातं त्याला चहा म्हणू नये. त्याला आरोग्यवर्धक पेय म्हणावं. आणखी काय वाटेल ते नाव द्यावं. कॉफी, वारुणी, असल्या आवडत्या पेयांचे आरोग्यासाठी फायदे वगैरे बडबड कानावर आली की माझा संतापसंताप होतो. निव्वळ आनंदासाठी पिऊ द्या की काहीतरी भोसडीच्यांनो!
निव्वळ आनंदासाठी ___ द्या की
बस्स... क्या बात है. ___ इथे आपापली आवड फिक्स करा.
अवांतर - मला स्वत: चहा हे युनिवर्सल बुडवर वाटत आलेलं आहे. त्यात काहीही टाकून प्यावं, चव वाढते.
पाव , ब्रेड, बिस्कीटं (मारी हे मूर्ख बिस्कीट आहे.), चकल्या, बाकरवड्या, चिप्स(थोड्या तिखट- कारण मग तो तिखटपणा चहाला येतो).
==================
भूतकाळातील आस्वल्य.
मूर्खान्न
खरं तर इथे एक संपूर्ण निबंध लिहिता येईल.
बॉनबॉन नावाची बिस्किटं सर्वात हुशार असतात. अर्थातच. पण घरी वडलांनी बनवलेल्या नानकटायांना अधिक इमोशनल इंटेलिजन्स असतो, त्यात वडलांचं प्रेमही असतं ना! आईच्या हातची चकली, चितळ्यांची बाकरवडी, 'टेढा है पर मेरा है' कुरकुरे, वाण्याच्या दुकानातल्या बरणीत भरलेले सुटे टोस्ट यांमुळे स्मरणरंजनी न्यूरल नेटवर्क उद्दीपित होतं, त्यामुळे त्यांचीही किंमत अधिक. मग यांची कत्तल कशी करावी! हिंसा टाळावी म्हणून मांसाहार न करणाऱ्यांनी हे सगळे पदार्थ खाणंही बंद करावं.
मारीला मात्र चव ना ढव. पुठ्ठा खाल्ला काय आणि मारी खाल्लं काय, काहीही फरक पडत नाही. पुठ्ठ्याला भावना नसतात, आपल्या भावना पुठ्ठ्यात अडकलेल्या नसतात, घरच्या मांजरीत अडकलेल्या असतात तशा. मग मारी बिस्किट दणकून खावं.
शिवाय मारीचे कोणीही चाहते नसतात. मारीला गायीसारखे संरक्षक नसतात. मारीमुळे कोणाच्याही भावना दुखावत नाहीत. मारी मूर्खान्न असलं तरीही खुशाल खावं.
मारी चहात फार वेळ बुडवल्यामुळे चहात पडत नाही. चहाची चव बदलत नाही. मारी स्वतः फार चहा पीत नाही. पोळीही चहा पीत नाहीच, पण पोळीसोबत आईच्या, बहिणीच्या, बायकोच्या प्रेमाची गोलाईसुद्धा येते. मारीच्या गोलाईला असा काहीही आधार नाही.
मारी खावं. चिकार मारी खावं. मारी खाल्ल्यामुळे मार खावा लागत नाही.
---
सांगोवांगीच्या गोष्टी म्हणजे विदा नव्हे.
माहेर चेशरमध्ये असूनही मारीला
माहेर चेशरमध्ये असूनही मारीला मारी म्हणता? 'रिच टी बिस्किट्स' नाही म्हणत?
बादवे चेशर आणि तिर्री हे कनेक्शन आत्ता लागलं.
********
It is better to have questions which don't have answers, than having answers which cannot be questioned.
मला पाहा फुलं वाहा.
चार-दोन फ्रेंच शब्द शिकूनही मी बॉनबॉन असं स्पष्ट लिहिते; बोंबों असं लिहीत नाही, त्याबद्दल माझं अभिनंदन करा.
---
सांगोवांगीच्या गोष्टी म्हणजे विदा नव्हे.
बाँबाँ.....
ब्रिटानियामध्ये त्याला बर्बन असं म्हटलं जातं एवढं बोलून मी माझे दोन शब्द संपवतो.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
काय हे!
ब्रिटानिया! अहो, एका इंग्रज कंपनीनं भारतावर दीडशे वर्षं राज्य केलं ... आहात कुठे!
---
सांगोवांगीच्या गोष्टी म्हणजे विदा नव्हे.
से बाँ
हे नक्की काय आहे असा प्रश्न हे वाक्य वाचून पडला -
फ्रेंचमध्ये बोंबों म्हणजे अमेरिकेत ज्याला कँडी म्हणतात तो पदार्थ.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
शी शी
कँडी! माझी इंग्लिश अस्मिता ब्रिटिश आहे. स्वीट्स, स्वीट्स म्हणतात त्याला. मराठीत चॉकलेट-गोळ्या-बिस्किटं.
---
सांगोवांगीच्या गोष्टी म्हणजे विदा नव्हे.
निषेध निषेध
पण पोळीसोबत आईच्या, बहिणीच्या, बायकोच्या प्रेमाची
पोळ्या फक्त स्त्रियाच करतात / करू शकतात या सरसकटीकरणाबद्दल
प्रेमाची चव आई, बहिण यांनी
प्रेमाची चव आई, बहिण यांनी केलेल्या पोळीलाच येते. पुर्षांनी केलेल्या पोळीला येत नाही.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
आई,बहिण ~~~ ,पुढे ताई माई
आई,बहिण ~~~ ,पुढे ताई माई अक्का ,आत्या,मावशी चालेल. काका,मामा,बाबाही एकवेळ ठीक. पुरुष?
+1
थत्त्यांना +१.
गोलाई म्हटल्यावर मला स्त्रियाच आठवतात. पुरुषांची गोलाई ... मी नाही त्यातली!
---
सांगोवांगीच्या गोष्टी म्हणजे विदा नव्हे.
|| मारीचायनम: ||
मारींची बदनामी थांबवा!!!!!!
आवडे मारी त्याला कोण तारी?
आवडे मारी त्याला कोण तारी?
---
खातो खारी- ही आवड भारी.
==================
भूतकाळातील आस्वल्य.
यमक म्हणजे सत्य नव्हे.
उद्या म्हणाल, आली लहर केला कहर प्यायलं व्हिनेगर. म्हणजे काय आम्ही लगेच त्यावर विश्वास ठेवायचा का?
---
सांगोवांगीच्या गोष्टी म्हणजे विदा नव्हे.
कौतुकच आहे हे एक.
कौतुकच आहे हे एक.
श्रीमंत आहात
काटकसरी लोक चहाची पूड गाळल्यानंतर/चहाची पुडी बाहेर काढल्यानंतर दूध/क्रीमर घालतात.
नाहीतर चहाच्या चोथ्यात/पुडीत दूध/क्रीमर काही प्रमाणात शोषून वाया जाते.
बरं झालं.
संसारी लोकांचे सल्ले ऐकावेत ते यासाठी. पुढच्या वेळेस चहाची पुडी टाकण्याआधी चुंफून घेईन, आंब्याच्या बाठीसारखी.
---
सांगोवांगीच्या गोष्टी म्हणजे विदा नव्हे.
उलटपक्षी...
गरम पाण्यात अगोदर दूध/क्रीमर घातलेले असले, आणि नंतर मग त्यात चहाची पूड/पुडी टाकली, तर चहाचा अर्क पाण्यात तितकासा उतरत नाही, हाही तोटा आहेच. म्हणून दूध/क्रीमर शक्यतो नंतर घालावे.
मारी अतिशय सभ्य, सुसंस्कृत
मारी अतिशय सभ्य, सुसंस्कृत आणि सुसंस्कारी बिस्कीट आहे.
ग्लुकोजसारखं गोग्गोड नाही. त्याला स्वत:ची अशी बेचव चव आहे. चहात बुडवुन खाताना पट्टकन ते चहात पडलं की मग चमच्याने खायची मजा काही औरच.
__________
गवती चहा तर बेस्टच.
दे टाळी
दे टाळी शुचि! वरच्या मारी मूर्खान्न वगैरे प्रतिक्रिया वाचल्या आणि लॉगिन केल्याशिवाय रहावलं नाही! देवा, या अज्ञानी मानवाना क्षमा कर. त्याना मारी कसं खावं ते समजलंच नाही त्याला ते काय करणार? हाय कंबक्त तूने मारी नीट खायाही नही. तर ऐका. एक कप चहा घ्यावा, दूध/साखर घालून, पण आलं नको. साखर अर्धा चमचा जास्तच घालावी. अर्धा कप चहा जिभेला चटके देत प्यावा. तोपर्यंत तो पुरेसा गार / पुरेसा गरम, मारीला योग्य असा "गोल्डीलॉक्स" तपमानाला आलेला असतो. मग त्यात ४ ते ६ मारी बिस्कीटांची चळत टाकावी. ती चळत चहा शोषून घेते ते पहावं. चार पाचदा हा "मारी सेरेमनी" केल्यावर किती चहा उरल्यावर बिस्किटांची आहुती टाकावी याचं बरोब्बर जजमेंट येतं - जवळजवळ सगळा चहा मारी पिउन घेतात पण वरच्या बिस्किटाचा मधला भाग काही कोरडा रहात नाही. मग चमचा घेउन केक खावा तशी ही मारींची चळत खावी. तुम्हाला मारीचा फ्लेवर येत नसेल तर दुर्दैवाने या जन्मातलं हे तुमचं न्यून तुम्हाला जन्मभर वागवण्याला काहीही पर्याय नाही. काही जणाना तालाचं ज्ञान नसतं तसं हे एक अज्ञान. कधी बदल म्हणून उगाच त्या चळतीत एखादं ग्लूको नाहीतर ब्रिटानिया नाईस घालावं. अहाहाहाहाहा.... आणि म्हणे मारी मूर्ख बिस्किट आहे. खाता येईना तर म्हणे मारी वाईट
ता.क. - तरी हे परवडलं. मागे एकदा मेघनाने आमटीबद्दल अनुद्गार काढले होते. साक्षात आमटीबद्दल??? छ्या
--------------------------------------------------------------
लिखाण आवडलं तर तारांकीत करायला विसरू नका....
बिस्किटांमधला आलोक नाथच्
मारी अतिशय सभ्य, सुसंस्कृत आणि सुसंस्कारी बिस्कीट आहे.
>>> बिस्किटांमधला आलोक नाथच
(आता लोकांनी ग्लुकोज ते श्रूजबेरी इथे आणून त्यांना (अनुक्रमे. किंवा कसेही) सचिन महागुरू व नासिर वगैरेंच्या उपमा दिल्यातर मी जबाबदार नाही.)
या वरनं आठवलं ...
... आलोक नाथ जन्मल्यावर डॉक्टरानी आई-बाबाना काय सांगितलं असेल? "बधाई हो, आपको 'बाबूजी' हुए है" !!
--------------------------------------------------------------
लिखाण आवडलं तर तारांकीत करायला विसरू नका....
हा घ्या लेटेष्टवाला:
हा घ्या लेटेष्टवाला:
बाबुजींनी नविन इलेमेंट डिस्कव्हर केलं तर त्याचं नाव काय ठेवतील?
तत्सवितुर्वरेणियम..
*****************
मेरी मोटी है खाल, लेकीन नाजूक है दिल!!
हाकुना मटाटा!!
*****************
हत्तिच्या मारी
मारी हे महा बोअर बिस्कीट आहे. एकतर बव्हांश ममव कपांमध्ये ते सबंध घुसत नाही. दोन म्हणजे त्यासाठी त्याचा थोडासा तुकडा तोडावा तर चहासाठी वखवखलेल्या जिभेचा भलताच्च रसभंग होतो. कडक चपाती तिच्यायला.
चहात बुडवूनही काही फार खास लागेल असं काही नाही. उगीच स्वस्त बिनचवीचं आणि हॉस्पिटलात जाताना न्यायचं- थोडक्यात व्यक्तिमत्त्वहीन हे माझं मारीबद्दलचं मत आहे. लहानपणी हॉस्पिटलांत लोक फक्त तेच खाताना बघून वाटायचं की कायतरी रोग झाले (तरच) हे बिस्कीट खायचं असतं म्हणे.
अवांतर: हा व्हिडीओ पहा
Hope is for sissies.
त्यापेक्षा...
...कार्डबोर्डचा तुकडा (वहीच्या पुठ्ठा वगैरे) चहात बुडवून का खाऊ नये? सभ्य, सुसंस्कृत आणि सुसंस्कारी माझे डावे पाऊल!
सुसंस्कृत आणि सुसंस्कारी यांच्यात नक्की फरक काय?
हो आणि
आणि त्या पुठ्ठ्यावर एखादा सुविचार/ सुभाषित लिहून ठेवावे म्हणजे सभ्यसुसंस्कारित्व अगदी पोटात पोचेल.
अर्ल ग्रे
अर्ल ग्रे हा महान चहा आहे. टोटल फॅन. त्याचा वास (तोच तो अरोमा ई. प्रत्येकाने आपापले उच्चभ्रू/नीचभ्रू शब्द वापरावेत) मला एकदम नॉस्टॅल्जिक करतो. अमेरिकेत आलो तेव्हा हापिसात जे चहा उपलब्ध असत त्यात पहिल्यांदा हाच आवडला.
फ्रेण्ड्स मधे एमिली-रॉस वेडिंग इन्व्हिटेशन्स सीन मधे जो अर्ल ग्रे चा उल्लेख आहे ती चतुर प्रॉडक्ट प्लेसमेण्ट होती की काय असे वाटते आता. सेक्स ॲण्ड द सिटी मधल्या जिमी चू'ज सारखी.
सेक्स अँड द सिटी मध्ये
सेक्स अँड द सिटी मध्ये सगळ्यात जास्त पब्लिसिटी केली असेल ती मनोलो ब्लाहनीकची आहे. त्याच्यानंतर कॉस्मोपॉलिटन...
-------------
सेक्स अँड द सिटी फॅनाटीक
- लोग बदलते नही ग़ालिब, बे-नक़ाब होते है |
च्या-मारी
ही मराठीतील फ्रेज चहा व मारी एकत्रित खाण्यावरूनच आली असावी. मारी वर हल्ला करणाऱ्यांनी ग्लुकोज ला कसे सोडले?
मारीचे उपयोग
चहात बुडवून मारी खायची की नाही हा ज्याचा त्याचा प्रश्न आहे. पण् मारीचे आणखीही उपयोग आहेत.
तोंड उघडून, सबंधच्या सबंध मारी बिस्कीट तोंडात ठेवून तोंड मिटता येते की नाही, यावरुन तुमच्या तोंडाची कॅपॅसिटी मोजता येते. त्यानंतर, तोंड बंदच ठेवून, त्या मारी वर, जिभेचा आणि टाळुचा दाब देऊन, दांत न वापरता ते मोडता येते की नाही, ही एक कला आहे. त्याशिवाय, दांत न वापरता एखाद्याचे दमन कसे करता येते, त्याचा तो वस्तुपाठ आहे. किंवा, मारी वर दाब न देता, हळुहळु त्यांत लाळ मिसळून, ते कसे विरघळते, या अनुभवातून, एखाद्याचा, तब्येतीने आणि चवीचवीने कसा थंड सूड घेता येतो, त्याचेही ट्रेनिंग मिळते.
चव-न्युट्रलायझर
खेरीज, दोन अगदी भिन्न स्वादांच्या खाद्य अथवा पेय पदार्थांदरम्यान चव-न्युट्रलायझर म्हणूनही मारी बिस्किट उपयोगी पडते!
अतिसहमत.
अतिसहमत.
माहिष्मती साम्राज्यं अस्माकं अजेयं
>>तोंड उघडून, सबंधच्या सबंध
>>
.
अहो, तोंडाची वा अजून कशाची कॅपॅसिटी मोजण्याची अजूनही ईतर परिमाणे आहेत...
बाकी
बाकी मारी डाय्जेस्टिव आणि पतंजली यांनी मारीच्या सच्चवीला बट्टा लावण्याचा विडा उचललेला आहे . अजिबात खाववत/ पिववत नाहीत .
मारी
च्यामारी मधला मारी वापरला फक्त, अन च्या गौरान भाषेत म्हणजे चहा. चहा बरोबर खाल्ला तर चहा-मारी, नै खाल्ला तर च्यामारी.
चहा वर किती तरी साहित्य आहे (वर सांगितल्या प्रमाणे), मला भावलेलं एक...
चहा म्हणजे उत्साह..
दारू म्हणजे स्टाईल..!
चहा म्हणजे मैत्री..
दारू म्हणजे प्रेम..!!
चहा एकदम झटपट..
दारू अक्षरशः निवांत..!
चहा म्हणजे झकास..
दारू म्हणजे वाह मस्त..!!
चहा म्हणजे कथा संग्रह..
दारू म्हणजे कादंबरी..!
चहा नेहमी मंद दुपार नंतर..
दारू एक धुंद संध्याकाळी.!!
चहा चिंब भिजल्यावर..
दारू ढग दाटुन आल्यावर.!
चहा = discussion..
दारू = conversation..!!
चहा = living room..
दारू = waiting room..!
चहा म्हणजे उस्फूर्तता..
दारू म्हणजे उत्कटता..!!
चहा = धडपडीचे दिवस..
दारू = धडधडीचे दिवस..!
चहा वर्तमानात दमल्यावर..
दारू भूतकाळात रमल्यावर..!!
चहा पिताना भविष्य रंगवायचे..
दारू पिताना स्वप्न रंगवायची..!!
(कावळ्याच्या मुळ्याच्या चहाला नावं ठेवणाऱ्याच्या नानाची टांग)
('न'बा ह्या वनस्पतीच्या मुळ्या असतात हो)
भांबड आलं
मारीकडून धागा हाइज्याक
मारीकडून धागा हाइज्याक होताहोता टूच्चेश यांनी परत चावर आणला पण दालूशी तुलना करून नवीनच पेटारा उघडला.
ब्रिटिशांनी चहा बिघडवला का माहित नाही पण वरच्या थरातल्या कोणी आपल्याला आमंत्रण दिलं आहे याची धन्यता मानायला अंडरडॅाग्जना शिकवलं. जपानमध्येही टी सेरमनिमध्ये तेच अपेक्षित होते. बाकी टपरीवर यापेक्षा चांगला चहा मिळतो का हा प्रश्न फारच गौण असतो.
गावाकडचा च्या
गावाकडं चक्कर झाली कि च्या ला या म्हणणारे लै भेटतात अन दूध कम शक्कर जादा वाली डुळूकपाणी च्या पाजवतात तेंव्हा पळून जावंस वाटत. बाकी भात्यावरची च्या लै भारी, एका सीटिंग मध्ये चार-चार कप हाणतो. टीचर ची मी टी अन चेअर अशी फोडच केलीय बाकी. profession नुसार वागावं लागतं
भांबड आलं
माझ्या एका मास्तरांचा विनोद:
माझ्या एका मास्तरांचा विनोद:
निशाचर : रात्री जगणारा
जलचर : पाण्यात जगणारा
...
टीचर : चहात जगणारा.
(त्यामुळेच मास्तर आमच्याबरोबर तीन रुपयांचा चहा न पिता सात रुपयांचा प्यायचे.)
********
It is better to have questions which don't have answers, than having answers which cannot be questioned.
माझ्या एका मास्तरांचा विनोद -२:
संस्कृत विषयाची चेष्टा करणारे माझे एक शिक्षक भगवद्गीतेत चहा, पोहे व ते करण्यासाठी लागणारा "ष्टो" यांचे स्पष्ट उल्लेख आहेत असे पुढील श्लोकाचे उदाहरण देऊन सांगायचे:
सर्वस्य चाहं हृदि संनिविष्टो
मत्तः स्मृतिर्ज्ञानमपोहनं च ।
वेदैश्च सर्वैरहमेव वेद्यो
वेदान्तकृद्वेदविदेव चाहम्
गावाकडची च्या
ग्रामिण बोलींमध्ये "ती" च्या असते. शहरी बोलीत "तो" चहा. हा फरक का असावा? ऐसीवरील भाषा तद्न्यांनी यावर प्रकाश टाकावा
ग्रामीण बोली नावाची एकच एक
ग्रामीण बोली नावाची एकच एक बोली नसते. काही बोलींमध्ये ती तर काहींमध्ये तो च्या असतोय.
माहिष्मती साम्राज्यं अस्माकं अजेयं
इथे ओशाळला अर्ल...
बेर्गामोचा तलम सुगंध ल्यालेली चहाची पाने उकळत्या पाण्यात नाहताच उमलून येतात आणि त्या सुगंधाच्या मंद लहरींची जादू... वगैरे वगैरे वाचण्याऐवजी तुम्ही सोडलेल्या पुड्या वाचून तो बिचारा अर्ल त्याच्या कबरीत हेलावून गेला असेल. हे पुडी कुडी, तुझं माहेर कुठलं का असेना, असे धागे स्रवण्यासाठी का तुस्सी तिथे धाडलं होतं!
अर्ल ग्रे ची बदनामी थांबवा!
तुम्ही जाऊन ते मेलं डेली वाचा.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
:-))
--------------------------------------------------------------
लिखाण आवडलं तर तारांकीत करायला विसरू नका....
कुठे नेऊन ठेवलं ऐसी माझं!
"पुडी कुडी" आणि "तुस्सी" वगैरे ठीकच, पण एवढ्या दवणीय वाक्यानं प्रतिसादाची सुरुवात! तुम्ही पुण्यात हेच शिकला असाल तर पुणं अगदीच बोगस नसावंसं वाटतं.
---
सांगोवांगीच्या गोष्टी म्हणजे विदा नव्हे.
मारी गई गुलफाम
फ्रेंचमध्ये नवऱ्याला mari म्हणतात. (रोमेनियनमध्ये mări म्हणजे महान. पण ते एक असोच.)
गुजरातीत મારી म्हणजे माझी. (गुजरातीत 'नवरा' म्हणजे रिकामटेकडा. पण तेही एक असोच.)
यातून निर्माण होणाऱ्या द्वैभाषिक कोट्या मंडळींनी आपापल्या जबाबदारीवर कल्पून पहाव्यात.
काय बोलणार, शब्द संपले.
मरीआईचा कोप झाला आणि नंदननं कोट्यांची जबाबदारी आपल्यावर ढकलली.
---
सांगोवांगीच्या गोष्टी म्हणजे विदा नव्हे.
नंदनशेठ, नाउ युवर टर्न.
वरील कोटिक्रम पाहता, मरी-आई म्हणजे सासूबाई म्हणावं काय? एकूणच सासूसुनेच्या नात्याबद्दलचे कवित्व पाहता सदर उपमा अगदी चपखल वगैरे आहे.
माहिष्मती साम्राज्यं अस्माकं अजेयं
:D
>>> एकूणच सासूसुनेच्या नात्याबद्दलचे कवित्व पाहता सदर उपमा अगदी चपखल वगैरे आहे.
---- अगदी, अगदी!
(बैदवे, मरीआई केवळ महाराष्ट्र - कर्नाटक - तामिळनाडूतच आढळते म्हणे)
आपने दाद दी, और क्या पाहिजे?
आपने दाद दी, और क्या पाहिजे?
(येस. मरीअम्मन कोविल वगैरे ऐकलेय. इनफॅक्ट कराचीतही एक असे देऊळ आहे असे एका पाकी हिंदूच्या फोटोंवरून समजते.)
माहिष्मती साम्राज्यं अस्माकं अजेयं
मरिअम्मा
दक्षिण भारतातले क्रिस्टिअन लोक मेरी, मरिया, मरियम ही मदर मेरीची नावे आपल्या मुलींना ठेवताना मरिअम्मा अशी ठेवतात किंवा या मुली प्रौढपोक्त झाल्यावर इतर लोक त्यांच्या नावापुढे 'अम्मा' जोडतात.
अर्थात आपल्याकडे जरीमरीची देवळे असतातच.
+
बरेच दिवस मरीआई म्हणजेच मेरीमाता असावी, या समजुतीखाली होतो. मरीआई वायली आन् मेरीमाता वायली, हे खूप उशिरा लक्षात आले. (आणि हो, कर्झन वायली वायला आन् लॉर्ड कर्झन वायला, हेसुद्धा. हॅ हॅ हॅ.) (चट्टेरीपट्टेरी पैजाम्याची नाडी मिळणार नाही.)
मल्याळी किरिस्तांवांतील मरीअम्मा मात्र मेरीमाताच असावी, असे वाटते. (चूभूद्याघ्या.)
कर्झन वायली वायला आन् लॉर्ड
च्यायला, काय सांगता! पाहतोच थांबा. १८१८ नंतरचा कालखंड आता अभ्यासला पाहिजे.
माहिष्मती साम्राज्यं अस्माकं अजेयं
गेले ते दिन गेले !( उउर्फ आमचें बालपण)
ब्रूस ली च्या तीन बायका : पहिल्या बायकोचे नाव? थोर ली.
दुसऱ्या बायकोचे नाव ? धाक ली .
आणखी एकीने घटस्फोट घेतला. तिचे नाव?
वाय ली.
तुमच्याकडे...
...नाडी असलेला चट्टेरीपट्टेरी पैजामा आहे काय हो?
नाही म्हणजे, अलीकडेच 'ऐसी'वर असले विनोद करणाऱ्यांना चट्टेरीपट्टेरी पैजाम्याच्या नाडीने टांगण्याचा फतवा निघालेला आहे (संदर्भ: खरडफळा.), त्याच्या 'बेनेफिशियरीज़'च्या लाँगलिष्टेत मी आणि थत्तेचाचा यांच्यानंतर आता तुमचा नंबर आहे, म्हणून विचारले.
माझ्याकडच्या
माझ्याकडच्या चट्टेरीपट्टेरी पैजाम्याची नाडी मात्र चट्टेरी पट्टेरी नाही. ती फाशी देण्यासाठी चालेल का?
पैजाम्याच्या नाडीने आम्हास फाशी लागण्याऐवजी ती नाडीच आमच्या वजनाने तुटण्याची शक्यता आहे.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
अवांतर चहा
हा धागा चहाचा आहे. त्यामुळे फाशी द्यायचीच असेल तर चहाच्या पुडीच्या दोऱ्यानं फाशी देण्याच्या गोष्टी करा. म्हणजे कोणी 'अवांतर' म्हणून हिणवणार नाही.
---
सांगोवांगीच्या गोष्टी म्हणजे विदा नव्हे.
ऐसीवरचे कसाब
ऐसीवरचे कसाब इलॅस्टिकने फाशी देतात वाटतं. तरीच इथे फारसे कोणी/ कोणाचे आय्डी मरत नाहीत.
माझ्या समजुतीप्रमाणे...
... चट्टेरीपट्टेरी असण्याची रिक्वायरमेंट फक्त पैजाम्यापुरती असावी. नाडीला ती लागू नसावी.
तो प्रश्न तुमचा नाही. त्यांचा आहे.
(मी तर नाडी पुरविण्यास ठाम नकार देण्याचे ठरविले आहे. म्हणजे, माझ्याकडे चट्टेरीपट्टेरी पैजामा किंवा नाडी दोन्ही तसेही नाहीत, परंतु तरीही.)
झाशीचे युवराज - 'न'वी बाजू
मै अपनी नाडी नही दूंगा।
---
सांगोवांगीच्या गोष्टी म्हणजे विदा नव्हे.
बरोबर आहे, नाडी च० प०
बरोबर आहे, नाडी च० प० असण्याची आवश्यकता नाही.
- कीपर ऑफ नाडीज, ममव स्कूल ऑफ लेंगाज अँड लुंगीज
********
It is better to have questions which don't have answers, than having answers which cannot be questioned.
ॲक्चुअली
ऐसीवर टांगले जाण्याचा मान मिळवण्यासाठी नाडी चप असण्याची आवश्यकता नाही तसेच स्वत: चा पैजामाही चप असण्याची आवश्यकता नाही.
'कुणाच्या लेंग्यामध्ये कुणाची नाडी' वगैरे .
समजूत अनाठायी नाही
ही समजूत अगदीच अनाठायी नसावी. माझीच एक जुनी प्रतिक्रिया.
mari મારી mări मारी
भर्ता ममता बृहती भरती?
अखेर अदिती यांनाही त्यांचे
अखेर अदिती यांनाही त्यांचे महत्व कळाले आणि त्यांनी चाय पे चर्चा घडवलीच .. नमो नमः .
खरेच, नमोनामाचा महिमा अपार
खरेच, नमोनामाचा महिमा अपार आहे. अदितीने चायपे चर्चा घडवली, मंदिर वही बनायेंगे ला चिंजंची अनुमती मिळाली म्हणजे अजून काही व्हायचं राहिलंच नाही.
माहिष्मती साम्राज्यं अस्माकं अजेयं
या
मंदिर वही बनायेंगे ला चिंजंची अनुमती मिळाली म्हणजे अजून काही व्हायचं राहिलंच नाही.
या चहा टळपणाला काय म्हणावे ?
चहाला राजकीय रंग देण्याचा
चहाला राजकीय रंग देण्याचा प्रकाराचा निषेध.
कपाच्याकानातूनतीर मारायचा कशाला?
इथे {एक सोडून१} सर्व खेळीमेळीने घेतात त्यामुळे बरं वाटतं. दिवाणखान्यातल्या खुर्चीवरच्या गप्पा न वाटता ओसरीवरच्या वाटतात. चा पाठवा लवकर बाहेर.
*१ एक अपवाद ठेवायचा म्हणून
कशाला हो
आचरटबाबांनी धुर्त खेळी खेळून त्रिमीतीय चष्मा घालून दिलाय. सगळ्यांना वाटतय की तो १ मीच.
)
(ज्यांना वाटत नै ते फुटके
भांबड आलं
स्पेशल् कंस
स्पेशल कंस टाकून 'एक सोडून 1' म्हटल्यामुळे एका आड एक - alternate असे समजून निम्मी ऐसी निकालात काढली की काय असे वाटले. मग तळाला तळटीप पाहिली. हुश्श.
अर्धा कप पाणी खळाखळा उकळून
अर्धा कप पाणी खळाखळा उकळून त्यात आख्खा चमचा भरून चहा टाकायचा. रंग फुटायला लागला की साखर टाकायची दीड चमचा, त्यात थोडसं आलं चेचून टाकायचं, मग अर्धा कप दूध टाकायचं. पातेल्यातलं दूध संपलं असेल तर साय खरवडून घ्यायची, त्यातच चहा गाळायचा. कप भरून चहा फुर्र फुरके मारत सकाळी पाच- साडेपाचला 'ज्योती कलश छलके' नाय तर 'आनंदाचे डोही आनंद तरंग' असलं काही तरी ऐकत संपवायचा..
मी असला नीचभ्रू चहा पितो..
*****************
मेरी मोटी है खाल, लेकीन नाजूक है दिल!!
हाकुना मटाटा!!
*****************
"त्यात थोडसं आलं चेचून...."
"त्यात थोडसं आलं चेचून...." ईथपर्यंत मी तुझ्याबरोबर होतो. पण अर्धा कप दूध, साय वगैरे माझा प्रांत नव्हे. मी आपलं घोटभर दूध घालून "... चहा फुर्र" पासनं परत तुझ्या जोडीला आलो!!
--------------------------------------------------------------
लिखाण आवडलं तर तारांकीत करायला विसरू नका....
+१
भरपूर आलं घातलेला चहा हे फार भारी पेय आहे.
==================
भूतकाळातील आस्वल्य.
बिनदुधाचा चहा नाही बुवा
बिनदुधाचा चहा नाही बुवा घशाखाली उतरत..
*****************
मेरी मोटी है खाल, लेकीन नाजूक है दिल!!
हाकुना मटाटा!!
*****************
असते एकेकाची...
त्याला चहाही तसा लागतो.
मसाला दुधाची तिथी जवळ आलीय
मसाला दुधाची तिथी जवळ आलीय म्हणून विचारतो मसाला चहाची कुणी शिफारस कशी केली नाही॥
लहान असताना मळवली - भाजे -कार्ले ट्रिपमध्ये गुळाचा कोरा चहा प्यावा लागला होता तो आठवतो. घरी चहाची सवय होती परंतू बाहेर कधी पिण्याची वेळ आली नव्हती. इकडे मुंबईत कधी कडाक्याची थंडी अनुभवली नव्हती. रात्रीच्या पुणे प्यासिंजरने अडिचला पहाटे मळवली स्टेशनात सहापर्यंत कुडकुडल्यावर चहाच्या शोधात भाजेकडे निघालो॥ कुठे चहावाला दिसेचना. गावात गेल्यावर "मिळेल पण कोरा,गुळाचा." कसातरी गिळला तेव्हा तरतरी आली. थंडी घालवण्याचं पेय हे नक्की.
फजिती झालेल्या गोष्टी पक्क्या आठवतात.
रेल्वे प्रवासातही पहाटे तीन चारला स्टेशनात गाडी थांबली की कधी एकदा चहा मिळतो असे होते. कॅाफीवाल्यांचा सुस्तपणा वाखाणण्यासारखा असतो. मेले ते एकटे दुकटे केटली घेऊन धावणारे चहावाले जेनरलच्या डब्याकडे टोकाला धावतात. रिझव डब्ब्यांकडे येतच नाहीत. चा-उर्फ-तोंडधुवायचे-गरम-पाणी असले तरी त्याशिवाय चैन पडत नाही.
आमच्याकडे बाबाला उठल्या
आमच्याकडे बाबाला उठल्या उठल्या चहा हातात द्यायची सोय नाही म्हणून तो सगळ्यात आधी चहाच आधण गॅसच्या डोंबल्यावर ठेऊन ब्र्श घेऊन टूला पळतो. मग बाहेर आला की स्वतःपुरता गाळून पहिले घशात ओततो कि त्याच इंजिन सुरू. बाकी सकाळी उठून सगळ्यात पहिले चहा ठेवण्याच्या गृहकृत्यदक्षेतचं आपल्याला भारी कवतिक आहे....
- लोग बदलते नही ग़ालिब, बे-नक़ाब होते है |
चहा उकळण्याचा टैम आणि
चहा उकळण्याचा टैम आणि संडासमार्जनाचा टैम याचं कोऑर्डिनेसन करण्याच्या कलेचं जास्त कौतुक व्हायला पायजे.
********
It is better to have questions which don't have answers, than having answers which cannot be questioned.
ऐसीवरील सिद्धहस्त
चर्चा व / वा मौजमजा धागालेखकांसाठी "शौचहालय" हा विषय सुचविण्यात येत आहे.
शौच हाल य
शौच हाल य आणि
सौ. चहालय असे दोन धागे निघू शकतील.
कॅाफीवाल्यांचे असे मौजमजेचे
कॅाफीवाल्यांचे असे मौजमजेचे किस्से दाखवा इनाम मिळवा.
बाकी काहीही म्हणा, पण...
... तूर्तास ((त्यातल्या त्यात) परवडण्याजोग्या) चहांत हिरव्या लिप्टनसारखा चहा नाही!
(एके काळी लोपचू होता, परंतु आता तो बहुधा कोणालाच परवडण्यासारखा न राहिल्यामुळे गेली अनेक वर्षे दुकानदार तो ठेवत नाहीत. (कालाय तस्मै नमः।) बाकी, मकाइबाड़ी वगैरे फक्त नाव ऐकून आहे - कधी पिण्याचा योगही आला नाही, आणि आपल्या 'पहुँच'च्या बाहेरची चीज वाटते.)
(बाकी, 'वाघ बकरी दार्जीलिंग'बद्दल कोणी ऐकले आहे काय? होय, असाही प्रकार अस्तित्वात असतो!)
- (तूर्तास लोपचूची तहान हिरव्या लिप्टनवर भागवणारा) 'न'वी बाजू.
(स्पॉयलर अलर्ट: क्वचित्प्रसंगी मी हिरव्या लिप्टनात पावाचा स्लाइस बुचकळून खाऊ शकतो. कारण शेवटी आम्ही इ.इ.)
बाघबकरी नाही पण दार्जिलिंग
बाघबकरी नाही पण दार्जिलिंग चहा माहीती आहे .. पत्ती चहा आहे ना तो ? त्यात अगदी कमी साखर आणि दूध घातले तर अप्रतिम लागतो . वास पण सुंदर आहे त्याचा .
ग्रीन टी मला आवडतो .. आणि आईस लेमन टी सुद्धा मस्त असतो ,
एकूणच कुठल्याही प्रकारचा चहा मला अतीप्रिय आहे . आणि नशीबाने अनेक प्रकारच्या चहाची चव घेता आली.
*********
बेगानी शादी में अब्दुल्ला दीवाना |
ऐसे मनमौजीको मुश्कील हैं समझाना | है ना?
दार्जीलिंगपुराण, वगैरे…
हो. अजिबात कडक नसतो. (स्ट्रेंग्थच्या नावाने बोंब.) परंतु, फ्लेवर आणि सुगंध… निव्वळ लाजवाब! Worth its weight in gold. मात्र, पाण्यात उकळायचा नाही. पाण्यात उकळल्यास नको तितका अर्क पाण्यात उतरून अत्यंत कडू आणि भयंकर (उलटी येण्याइतपत) घाणेरडा लागतो. भांड्यात दार्जीलिंगची पत्ती आणि भांड्याखाली विस्तव एकसमयावच्छेदेकरून कधीही असता कामा नयेत. शक्यतो किटलीत दार्जीलिंगची पत्ती घालून त्यावर उकळते पाणी ओतावे. (प्रेफर्ड मेथड.) किंवा, ते शक्य नसल्यास, प्रथम भांड्यात पाणी उकळावे, नि मग विस्तव बंद करून त्यानंतर मगच दार्जीलिंगची पत्ती त्यात घालावी. (सेमाय-घाटी मेथड.) त्यानंतर मग कपात ओतून अगदी थोडी साखर नि नावापुरते (अक्षरशः थेंबभर; रंग बदलण्यापुरते) दूध घालून प्यावा. (‘पहिल्या धारेचा’ असल्यास साखर नि दूध घातले नाही, तरीही चालते.)
‘वाघ बकरी’ हा गुजरात्यांमध्ये अत्यंत लोकप्रिय असा कडक चहाचा (माझ्या लेखी थर्डरेट असा) एक ब्राण्ड आहे. नेहमीच्या यशस्वी कडक चहाबरोबरच त्यांचा एक (इतर दार्जीलिंग चहांच्या तुलनेत बऱ्यापैकी स्वस्त असा) दार्जीलिंग चहासुद्धा मिळतो (हल्ली कोण काय विकेल, सांगवत नाही!); मात्र, ‘वाघ बकरी दार्जीलिंग’ हे वदतो व्याघाताचे उत्तम उदाहरण आहे. (‘हातभट्टीची सिंगलमाल्ट’ म्हटल्यासारखे.)
माफ करा, परंतु उपरोल्लेखित ‘हिरवा लिप्टन’ बोले तो ‘ग्रीन टी’ नव्हे. ‘हिरवा लिप्टन’ बोले तो पूर्वी ‘लिप्टन ग्रीन लेबल’ या नावाने बाजारात मिळायचा, तो. हल्ली त्याचे नाव बदलले असून ‘लिप्टन दार्जीलिंग’ या नावाने विकतात. काळाच चहा; हिरवा नव्हे. हा तुलनेने जरा बऱ्यातला दार्जीलिंग. Certainly not one of the greatest, but fairly decent, and quite easily available in the market.
हो. त्याकरिता फार उच्च प्रतीची वगैरे चहाची पूड लागत नाही, परंतु उन्हाळ्यात अत्यंत छान लागतो. पाण्यासारखा/पाण्याऐवजी हवा तेवढा प्यावा! (मात्र, हिंदूंकरिता ही अक्वायर्ड टेस्ट असावी. प्रथमघोटे जमत नाही.)
यात आणखी एक caveat म्हणजे बिनसाखरेचा (अगोड, unsweetened) पाहिजे. आमच्या दक्षिण संयुक्त संस्थानांत याची एक भयंकर गोड अशी (“sweetened” अथवा सामान्य परिभाषेत “sweet tea”) आवृत्ती मिळते. त्याइतके भयानक लागणारे दुसरे पेय (कदाचित ‘रूट बियर’ नावाच्या आचरट बाळबोध प्रकाराचा अपवाद वगळल्यास) मी आजतागायत प्यायलेलो नाही. मात्र, आमच्या दक्षिण सं.सं.त प्रचंड लोकप्रिय आहे. इतके, की दक्षिणेत जर तुम्ही रेष्टारंटात गेलात, नि आइस्ड टी जर मागावयाचा असेल, तर आवर्जून Unsweetened iced tea (किंवा, सामान्य परिभाषेत, Unsweet tea. व्याकरणशुद्ध इंग्रजी वगैरे गेले तेल लावत!) म्हणून, unवर आघात देऊन सांगावे लागते; अन्यथा, नुसतेच आइस्ड टी म्हटल्यास हमखास गोड चहा पुढ्यात येतो. (इतके सांगूनही चुका करतात, त्या निराळ्या. मग बोंब मारून परत पाठवावा लागतो. तर ते एक असो.) उलटपक्षी, उत्तरेकडील रेष्टारंटांत unsweetened iced tea मागविल्यास, अत्यंत भंजाळलेल्या नजरेने, ‘नाहीतर मग आणखी कसा असू शकतो?’ अशा भावाने आपल्याकडे पाहतात. तर तेही एक असो.
तर असे आहे एकूण सगळे.
आम्ही गेली पण्णास वर्ष ब्रुक
आम्ही गेली पण्णास वर्ष ब्रुक बॉण्ड रेड लेबल चहा पितो.
बाकी सुद्धा पिऊन पाहिले आहेत. ते काही वाईट नव्हते. तसा मला कोणताही चहा चालतो.
आम्ही अशोकवनिका न्यायाने (किंवा ८ नोव्हेंबर न्यायाने) ब्रुकबॉण्ड रेड लेबल चहा पितो.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
हा नक्की कुठला न्याय म्हणायचा
हा नक्की कुठला न्याय म्हणायचा? संस्कृतात काहीतरी ३२ प्रकारचे न्याय आहेत म्हणतात, त्यापैकी आहे काय? लिष्ट पाहिली पाहिजे पुनरेकवार हुडकून.....
माहिष्मती साम्राज्यं अस्माकं अजेयं
त्यातलाच आहे. रावणाने सीतेला
त्यातलाच आहे. रावणाने सीतेला अशोकवनात का ठेवले यामागे काही खास कारण नाही. कुठेतरी ठेवायचे ते अशोकवनात ठेवले. हा तो अशोकवनिका न्याय.
तसेच नोटबंदी ८ नोव्हेंबरला का केली? ती ९ नोव्हेंबर किंवा १० नोव्हेंबर किंवा ८ डिसेंबरलाही करता आली असती. ८ नोव्हेंबरच का याला काही कारण नाही.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
धन्यवाद!
धन्यवाद!
माहिष्मती साम्राज्यं अस्माकं अजेयं
रावणाने सीतेला नगरात न ठेवता
रावणाने सीतेला नगरात न ठेवता मुद्दामहून वेशिबाहेर 'पब्लिकमध्ये' वनात ठेवले त्या वनाचं नाव अशोकवन ऐवढंच वाटलं होतंं.
# ८नोव्हेंबर ८/११?
अशोकवनिका ! नवीनच कोडं.
अशोकवनिका ! नवीनच कोडं. ब्रुकबाँड हा चांगल्या चहाचा चुरा असतो. कधीकधी चांगला असायचा.
आत्तापर्यंत
७२-७३ कप चहा झालाय, तरी तल्लफ भागत नाही.
मुरवणे
चहा मुरवण्याबद्दल अजून कुणी कसं लिहिलं नाही?
अगागा !
अगागा ! इथे एवढे 'चहा'नेवाले असतील याचा अंदाज नव्हता. सोसायटी मसाला चहा इज गुड वन. ट्राय करुन बघावा एकदा !
चहा नंतर काय???
ह्यावर पण चर्चा हवी, नै तर चहा अधुरा राहतो (भरपूर जणांचा)
गोग्गोड च्या वर पॉईंट २०% ज्यादा चुना लावून गायछाप...त्याची झनक अनुभवत डीपट्रान्स मध्ये जाणे हा लै झ्याक अनुभव है.
कडक १२०-३०० बार असेल तर अतिउत्तम. सिगरेट मात्र च्या बरोबरच घ्यावी.
नाहीतर तोंड आंबट पडायला चालू होतं नाही तर दात सळसळ करायला
भांबड आलं
नको!
चहा, (रक्त)वारुणी ही आरोग्यवर्धक पेये आहेत.
(उलटपक्षी, चुना-तंबाखू हे आरोग्यास घातक असल्याकारणाने, त्यांवर चर्चा होऊ नये, असे वाटते.)
- (भोसडीचा) 'न'वी बाजू.
तुम्ही कसले हो भोसडीचे!
चहा आणि (रक्त)वारुणी प्यायल्यामुळे मला अपार आनंद होतो. (कॉफीवरही माझा विशेष जीव आहे.) आनंदी राहिल्यामुळे आरोग्य सुधारतं. ज्या-ज्या पेयप्राशनांमुळे आनंद होतो, ती सगळं पेयं आरोग्यवर्धकच ठरतात.
---
सांगोवांगीच्या गोष्टी म्हणजे विदा नव्हे.
स्वत:ला निर्व्यसनी म्हणवणारे
स्वत:ला निर्व्यसनी म्हणवणारे लोक हे वापरताना पाहिले आहेत.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
मिश्र्या
मिश्र्या लावत्यात सकाळसकाळी परसाकडं जायचं कारण व्हायला, वरुन दातं बी साफ. कैक म्हतार्यायचे दात काळेझ्झर असून ते सुस्थितीत बी आसतेत ह्यामुळं. म्या बी कदीमदी चोरुन दात मारलाव मिश्रीवर, लै नादर लागतीया
भांबड आलं
मस्त चालू आहे कषायपेय पुराण
लमसा चहा आवडणारे आहे का कोणी ? फ्लेवर्ड चहा आहे हा. लहानपणापासून माझ्या घरी हाच चहा होतो. सपटच्या १ किलो चहात हा लमसा फ्लेवर्ड चहा १/२ किलो अशा प्रमाणात मिसळला कि अप्रतिम आणि थोडीशी वेगळी चव असलेला चहा होतो. सवयीचा परिणाम म्हणून असेल पण मला हा(च) चहा आवडतो. चहा हा विषय 'भेदाभेद भ्रम अमंगळ' असा असला तरी हा लमसा फ्लेवर्ड चहा मुसलमान लोकांमध्ये विशेष लोकप्रिय आहे असे निरीक्षण नोंदवतो. चॉकलेट चहा असे या चहाचे दुसरे नाव फेमस आहे.
दुकानांत पाहिलेला आहे
मात्र, कधी चाखून पाहिलेला नाही.
फ्लेवर्ड चहा - विशेषतः चॉकोलेट-फ्लेवर्ड चहा - कसा लागेल, कल्पना येत नाही. सपटमध्ये मिसळायचा म्हणताय म्हणजे कडक असावा बहुधा, आणि कडक चहाचा मी व्यक्तिशः भोक्ता नाही, त्यामुळे मला कितपत आवडेल ते सांगवत नाही, परंतु तुम्ही आता कुतूहल चाळविलेलेच आहेत, तर पुढेमागे जमेल तसे कधीतरी एकदा तरी ट्राय करेनच म्हणतो.
(सवांतर)
कषायपेय म्हणजे नक्की काय? चहा, की कॉफी?१
की दोन्ही?२
..........
१ दोन्ही प्रवाद ऐकलेले आहेत.
२ अत्र्यांचे 'कषायपेयपात्रपतितमक्षिकेप्रत' ऐकून आहे. मात्र, त्यातून त्या मक्षिकेच्या आत्माहुतिप्रसंगी अत्रे नक्की कशाचे प्राशन करीत असावेत२अ, यांचे नीटसे आकलन किमानपक्षी आम्हांस तरी होऊ शकले नाही. असो.
२अ कपातूनच. ग्लासातून नव्हे.२अ१
२अ१ वस्तुतः, कपातून पिण्याचे किमान एक तरी पेय किमान एका तरी ठिकाणी ग्लासातून(च) मिळते.२अ१अ घराबाहेर. टपरीवर. आणि तेथेच प्रमुखतः मक्षिका याही प्रकर्षाने, प्रादुर्भावाने आढळतात, आणि ग्लासातील त्यांच्या आत्मसमर्पणाची संभाव्यताही तेथे प्रचंड असते. शिवाय, टपरीवर शक्यतो चहाच मिळतो; कॉफी अभावानेच आढळत असावी. (चूभूद्याघ्या.) त्यामुळे, आत्रेयपेयाची समस्या चटकन सुटली, असे वरकरणी वाटू शकते. मात्र, तसे नाही. अत्रे टपरीवर जात असावेत काय, हा मूलभूत प्रश्न या गहन समस्येच्या मुळाशी आहे. तो सुटल्याखेरीज या समस्येचे समाधान नाही. असो.
२अ१अ पोऱ्याच्या बोटांच्या अर्कासहित.
कषाय अथवा कासाय पेयाची पाककृती
या दुव्यावर बघणे.
"कासाय" उच्चार लहानपणी एका परिचिताकडून ऐकला होता -- त्यांच्या घरीच हे पेय पिण्याचा योग आला होता.
हम्म्म्म्म्...
अत्रे असले काही पीत असतील असे वाटत नाही. सबब, साशंक.
इत्यलम्|
कषाय महणजे बहुधा (जनरिक) काढा
कषाय महणजे बहुधा (जनरिक) काढा. पाण्यात पाने व इतर द्रव्ये टाकून उकळलेले काहीही.
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
सहमत आहे.
सहमत आहे.
कषाय या संस्कृत शब्दाचा अर्थ 'सुवासिक'. त्यामुळे सुवासिक असलेला कोणताही काढा कषायपेय म्हणून खपवता येईल.
********
It is better to have questions which don't have answers, than having answers which cannot be questioned.
कषायपेय = भगव्या रंगाचं पेय ?
कषाय - गेरू किंवा भगवा रंग असा काहीसा अर्थ मी वाचला होता. हा शब्द अर्थासाठी विवेकानंदांचं चरित्र वाचत असतांना शोधलेला आठवतो. संन्यास घेतल्यावर स्वामी विवेकानंद आणि त्यांचे इतर गुरूबंधू 'कषायवस्त्र' नेसतात असा उल्लेख होता त्यात ( तेव्हाच 'परिव्राजक' हा आणखी एक शब्द शोधलेला अर्थासाठी असे आठवते).
चहासाठी 'कषायपेय' असा उल्लेख पुलंनी कुठेतरी केलेला वाचला आहे. नक्की संदर्भ आठवत नाहीये.
'काषाय' हा तो शब्द असावा असा
'काषाय' हा तो शब्द असावा असा माझा अंदाज आहे. स्रोत- युगंधर, मृत्युंजय, ययाति इत्यादी.
Hope is for sissies.
कषाय वायलं आन् काषाय वायलं.
कषाय वायलं आन् काषाय वायलं.
काषायपेय हे जनरली षायनेस कमी करण्यासाठी 'का षाय?' म्हणत (सहसा सोबतच्या स्त्रीमनुष्यास) देण्याचा प्रघात आहे.
(षायनेस अधिकच कमी करावयाचा झाला तर त्या पेयात इतरही पदार्थ मिसळले जातात. अधिक माहितीसाठी श्री. बिल कॉस्बी यांजषी संपर्क साधणे)
Liberalism is a mental disorder
"व्यक्ति आणि वल्ली"
मधे 'तो' ह्या व्यक्तिचित्रात
इतर चहासदृश पेयांस या धाग्यात
इतर चहासदृश पेयांस या धाग्यात स्थान असावे का?
१) डाळिंब साल
२) संत्र्याची साल
३) गुलाब पाकळ्या
४) बडिशोप
चहा = कषाय = काढा या न्यायाने
चहा = कषाय = काढा या न्यायाने हरकत नसावी. पण पानांचा काढा असा मर्यादित अर्थ असेल तर..... (पक्षी - कॉफी = बियांचा काढा).
--------------------------------------------
ऐसीवरील ग‌म‌भ‌न इत‌रांपेक्षा वेग‌ळे आहे.
प्रमाणित करण्यात येते की हा आयडी एमसीपी आहे.
का असू नये?
अमेरिकेत ‘अर्बल टी’ (herbal tea) या नावाने जे विविध भीषण प्रकार मिळतात, त्यांपैकी अनेकांत होमेपदीच्या औषधांत जितके औषध असते, तितकादेखील चहाचा अंश नसतो. (बोले तो, होमेपदीच्या औषधांत निदान मुळात कधी काळी औषध होते, असा (पोकळ) दावा तरी असतो. येथे तेदेखील नसते.) सबब, ‘उकळून पिण्याचा एक काढा’ अशा अर्थाने उपरोक्त प्रकार ‘अर्बल टी’ या प्रकारात घुसडून देण्यास हरकत नसावी.
(नाहीतरी गवती चहात तरी कोठे चहा असतो? तोही एका प्रकारचा ‘अर्बल टी’च म्हणायचा!)
आमच्या संस्कृतीत कषाय, मनोबल
आमच्या संस्कृतीत कषाय, मनोबल,विमानं, अस्त्रशस्त्रे, स्थापत्यकला,सुलभ शौचालये, नीति,अर्थशास्त्र वगैरे सर्व होतं - कागद बनवणे,ममी करणे ,सेफ्टी पिना सोडून.
अचरटबाबांना ते एकच वाक्य
अचरटबाबांना ते एकच वाक्य माहिती असल्याने सेफ्टीपिनेवरच पिन अडकलेली दिसतेय.
माहिष्मती साम्राज्यं अस्माकं अजेयं
मारी बिस्किटाचा एकमेव सुटेबल
मारी बिस्किटाचा एकमेव सुटेबल उपयोग बहुतेक ह्या मोजमापात 'उगी, अजून चारच सेमी र्हायले' म्हणायला होऊ शकतो.
Liberalism is a mental disorder
पाणी
तर मी खुप आधीपासूनच चहा आधी ग्लासभर पाणी प्यायला शिकलो. त्याशिवाय चहा घोटतच नाही, निदान पहिला तरी.
एका बैठकिला एका चहा आड दोन-चार घोट पाणी पिऊन पाच-सहा चहाही घेता येऊ शकतात.
चहाचा बेसिक बेसपण पाणीच आहे. चहा, कॉफि नंतर पाण्यावर एक धागा पायजेल
भांबड आलं
आलं घालुन, पाणी उकळवायचं आणि
आलं घालुन, पाणी उकळवायचं आणि ते उकळलं की त्यात चहापूड टाकायची. ते नाचरे कण खूप सुंदर मस्त दिसतात. जरा रंग आला न आला की दुध टाकायचं (कारण टॅनिन उतरु नये म्हणुन) मग दुधाचा शुभ्र रंग जाऊन बफदामी रंग येण्यास सुरुवात होते. थोड्या वेळात सर्व मिश्रण उकळलं की शेगडी बंद करुन पातेल्यावरती झाकण ठेवायचं. चहा मुरणे अति मतहत्वाचे. अन्यथा मजा नाही.
चहा दिवस का कायसासा
आज चहा दिवस का कायसासा आहे म्हणे.
---
सांगोवांगीच्या गोष्टी म्हणजे विदा नव्हे.
या निमित्ताने
वामनपंडितांच्या टी पार्टीची आठवण झाली.
वंशी नादनटी तिला कटितटी खोवोनि पोटी पटी
कक्षे वामपुटी स्वशृंगनिकटी वेताटिही गोमटी
जेवीं नीरतटी तरू तळवटी श्रीश्यामदेही उटी
दाटी व्योमघटी सुरासुखलुटी घेती जटी धूर्जटी ||
चवथी स्कॉलरशिपच्या परीक्षेत या श्लोकात टी हे अक्षर कितीवेळा आले (१७ वेळा) हा प्रश्न हमखास असायचाच....
माहिष्मती साम्राज्यं अस्माकं अजेयं
याच निमित्ताने...
...भूचर म्हणजे जेणेकरून भूवर बोले तो जमिनीवर संचार करणारे प्राणी, जलचर म्हणजे जलात बोले तो पाण्यात वावरणारे प्राणी, तद्वत टीचर म्हणजे टीत बोले तो चहात वळवळणारे प्राणी, हादेखील एक जुनाच शाळकरी विनोद आठवला.
आयला हा जोक नव्हता माहिती.
आयला हा जोक नव्हता माहिती. भारीच.
माहिष्मती साम्राज्यं अस्माकं अजेयं
कम टू थिंक अॉफ इट...
...अधिक चाळले असता, याच धाग्यात वरती श्री. आदूबाळ यांनी अगोदरच डकविलेला आढळला.
http://www.aisiakshare.com/comment/160515#comment-160515
फुर्रर्र
"च्या" च्या धाग्यावं शिळ्या कडी को उत क्युं
भांबड आलं
टंकाचा आकार वाढवणार नाही.
कढीची बदनामी थांबवा.
---
सांगोवांगीच्या गोष्टी म्हणजे विदा नव्हे.
नशीब जयश्री(आणि तिची बहिण) टी
नशीब जयश्री(आणि तिची बहिण) टी वर काही विनोद नाहीत. त्या दोघी नंतर गुजराती नाटकांत कामं करू लागल्या.