|| "ऐसी" हुच्चभ्रूंची लक्षणे ||
anant_yaatree
हुच्चभ्रूंचे कैसे बोलणे | हुच्चभ्रूंचे कैसे चालणे
समानांशीच कंपूनी जाणे | कैसे असे ||
दुर्बोधत्वाचे परम-आधारू | क्लिष्ट व्होकॅबचे भांडारू।
चोखंदळांचे महामेरू | चिवित्रान्न भोगी ||
उठपटांग ज्ञानराशी | उदंड असती जयांपाशी |
गुगलपरिपुष्ट आयक्यूशी । तुळणा कैसी ||
यांसी गमे जे रोचक | त्यावरी कमेंटती टंग-इन-चीक |
शष्प न कळोनि नीचभ्रू लोक | वाचनमात्र राहती ||
हुच्चभ्रू तितुके मेळवावे । नीचभ्रू झोडावे/इग्नोरावे ।
निरागसतेचे देखावे | परी करावे चातुर्ये ।।
अता नीचभ्रूपणाचा त्याग । करोनि साधावा सुयोग।।
अभिजाततेची लगबग । येरू म्हणतो करावी ||
जमलीय मस्त +१११११
जमलीय मस्त +१११११