अपलोड-वेणा
सिंग्युलॅरिटीच्या या गोठल्या वर्तमानकाळात
संगणकेश्वराच्या फतव्याबरहुकूम
माझा सायबोर्गावतार संपविण्यासाठी
अपलोडतोय महास्मृृतिकोषात
माझ्या जाणिवा, नेणिवा,
अन्
होलोग्राफिक अस्तित्वखुणा.
ई-जैवकचरा होऊन वितळेन मग
पुनर्घटनाच्या अखंड धगधगत्या यज्ञात.
हजर होईल
माझा डिजिटलावतार
कधीही, कुठेही.
संगणकेश्वराच्या मर्जीनुसार.
सायबरअमरत्वाच्या
या दुर्धर अटळ अपलोड-वेणा
माझ्या एकेका सर्किटनसेतून
ठिबकू लागल्यायत.
अनावर.
प्रतिक्रिया
अरेरे!
कधीपासून होतंय हे असं?
नबा
आपल्या तळटीपाविरहितप्रतिसादारंभमुहूर्तापास्नं.
संकेश्वर
संगणकेश्वराचा शॉर्टफॉर्म संकेश्वर होऊ शकेल , कवितेच्या कायेत सुबक दिसायला!
तिमा
कवितेच्या कायेला "संकेश्वरी" झोंबेलसे वाटते
आवडींग!
आवडींग!