नक्की कोणता मी प्राणी ...!
मान हलवता सर मजला
'नंदीबैल' पहा म्हणती -
हुषार नाही म्हणून मजला
मित्र किती 'गाढव' म्हणती !
डबे शोधतो हळू नेहमी
'बोका' म्हणते आई मला ,
नुसता चरतो इकडे तिकडे
'घोडा' म्हणती वडील मला !
दादा म्हणतो 'लबाड कोल्हा'
पुढेपुढे मी करताना -
'माकड' समजे ताई मला
गडबड माझी बघताना !
'गरीब गाय' म्हणते मला
आजी माझी आवडती ,
जवळ घेउन आजोबा तर
माझा 'वाघोबा' म्हणती !
प्रतिक्रिया
बालकवीची अवस्था प्रश्न पडून
डुप्रकाटाआ
मधुमेहा विरुद्ध लढा
माझी जालवही
चालते-बोलते प्राणिसंग्रहालय आहे
चालते-बोलते प्राणिसंग्रहालय आहे हा छोकरा.
हा हा हा!
हा हा हा!
'मी कोण' हा प्रश्न लहानग्यांस पडावा असे वागतात खरे हे घोडे आय मीन मोठे!
- ऋ
-------
लव्ह अॅड लेट लव्ह!