भ्रष्टाचा-यांना थप्पड माराः अण्णा हजारे

अण्णांना प्रसिद्धीच्या झोताने बिथरवलं आहे की काँग्रेसवाल्यांशी उपोषणाच्या वेळी झालेले डील फिस्कटले म्हणून बिथरले आहेत हा शोध घ्यायचा मुद्दा होऊ शकतो.
स्वतःच्या भूमिकेवर ठाम असलेल्या व्यक्तीच्या मागे जनमत देखील ठामपणे उभे राहते.
पण वेळोवेळी कोलांटीउड्या मारल्यावर जनआंदोलनातली धार कमी होते हे अण्णांनी लक्षात घेतले पाहिजे.
भ्रष्टाचाराच्या विरोधात केवळ बोलून दाखवणार्‍या लोकांपेक्षा प्रत्यक्ष आंदोलन छेडणे ही काही कमी धाडसाची गोष्ट नाहिये. खूप मोठी हिम्मत लागते त्यासाठी.
अण्णांचे त्याबद्दल कौतुकच करायला पाहिजे.
पण त्यांनी भूमिकेत हेकेखोरपणा आणण्यापेक्षा मतांमधे, आचारांत आणि विचारांतही ठामपणा आणला पाहिजे.

भ्रष्टाचार्‍यांना ठोका हा संदेश देशाला हिंसेकडे घेऊन जाईल. हिंसक क्रांती ही नेहमी रक्त मागते आणि त्या क्रांतिला रक्ताची भूक किती आहे याचा अंदाज क्रांती सुरु करणार्‍यांनाही नसतो आणि त्याचे नियंत्रणदेखील नसते. एका हिंसक क्रांतीची लाट देशात कोणते उग्र रुप धारण करु शकेल हे सांगता येत नाही.
एका क्रांतीतून अनेक उपक्रांत्या जन्माला घालून जात-पात-धर्म यांचे तथाकथित संरक्षक देशात एक अंतर्गत युद्ध सुरु करुन देऊ शकतील.
इजिप्त, लिबिया या देशांतील रक्तरंजित क्रांत्यांनी आज काय रुप धारण केले आहे हे सांगायची गरज नाही.

विविधतेतून एकता साधणार्‍या भारताचे सगळे जग तोंडात बोट घालून कौतुक करते आहे, आणि आपण कोणत्या वाटेकडे चाललो आहोत याचे जनमानसाने विचार करणे फार गरजेचे आहे.

अण्णांनी परिणामांचा विचार करुन मगच कोणतेही वक्तव्य करावे असे मला वाटते.

जाऊ दे काय बोलायचं .. या वयात काही गोष्टी सांभाळता येत नाहीत म्हणायचं झालं!

अहो, ते मुळात "नथुरामवाल्यांच्याच गटातले" असं ते दिग्विजयसिंग म्हणतात ना?

"थप्पड मारा" फारसे रुचले नाही.

झापड मारा, मुस्काटा/डात मारा, कानाखाली मारा हे जास्त छान वाटते.

Archy: Danny, slap him.
[Danny slaps Bandy]
Archy: With the right, Danny, properly.
[Danny slaps Bandy]
Archy: No, no, no, no. Come on, do it properly, with the back of the right hand.

"कुठूनतरी प्रसिद्धी मिळवण्याचा हा प्रकार" असलाच तरी असू देत की.
लाखो करोडो, अरबो रुपयांच्या घोटाळ्यांच्या तुलनेत तो किती घातक ठरेल किम्वा ठरतो?

एनीवेज त्या प्रसिद्धीलोलुप माणसाला मुंबैच्या म्याचमध्ये जनतेने योग्य त्या ठिकाणी मारले आहेच.
तशाच तडफेने आम्हाला लुटणार्‍यांनाही त्याच ठिकाणी मारले असते तर बरे झाले असते.

अण्णांची वाटचाल चुकीच्या पध्दतीने चालली आहे हे निश्चित
थप्पड मारणे हा पर्याय होउ शकत नाही

मूळात वैचारिक स्पष्टता नसणे + लोकांनी मारून मुटकून एक मॅस्कॉट बनवणे + ते झाल्यावर स्वतःही हौसेने मॅस्कॉटगिरी करणे याचा हा परिणाम आहे. पण कुठून तरी प्रसिद्धी मिळवणे वगैरे प्रकार फार असावेत असे वाटत नाही.

अण्णा हजारेंना नथुराम बनवले. आता शरद पवारांना गांधीजी करु नका म्हणजे झालं.
परस्पर विरोधी विधाने केली जाणे, जसे बोलतो तसे न वागणे/जसे वागतो तसे न बोलणे हे राजकारणाचे व्यवच्छेदक आणि सनातन लक्षण होय.
बाकी गांधीजींनी स्वतःदेखील अहिंसा हे तत्व म्हणून स्वीकारले होते की धोरण म्हणून हे कळायला मार्ग नाही.

याआधी शरद पवार यांना थप्पड मारण्याची घटना घडल्यानंतर पहिली प्रतिक्रिया देताना अण्णांनी ‘ बस एक ही थप्पड मारा ’ असे वक्तव्य केले होते. अण्णांच्या या वक्तव्यावरुन राष्ट्रवादी काँग्रेस पक्ष नाराज झाला होता. त्यावेळी बोलताना अण्णांनी, थप्पड प्रकरणावरुन बोललो तर ती हिंसा आणि मावळ प्रांतात पोलिस शेतक-यांवर गोळीबार करतात ती अहिंसा आहे का ? , असा प्रश्न उपस्थित केला होता.

आर्ग्युमेंटाचा एकंदर दर्जा लक्षात घेता, पुढेमागे अण्णा मआंजावर दाखल झाल्यास कोणास आश्चर्य वाटू नये.

"भ्रष्टाचा-यांना थप्पड मारा.." यात चुकीचे काय म्हटले त्यांनी. आता तशी वेळ आलीच आहे.

तसेच त्यांनी स्वतःला कधी गांधी म्हणुन घेतले नाही. मी तरी त्यांना "गांधीजींच्या पायांशी बसायची माझी लायकी नाही" असेच म्हणताना ऐकले आहे. त्यामुळे आता त्यांना नथुराम बनायचे आहे असे मी म्हणणार नाही.

तसेच भ्रष्टाचाराविरुद्ध ज्यांना आंदोलन करावयाचे आहे (फक्त टीम अण्णाच नव्हे, तर सगळेच) त्यांच्याकडुन फक्त गांधीवादाचीच अपेक्षा का ठेवायची हे मला समजत नाही. म्हणजे लगेच बंदुका उचला असे मला म्हणायचे नाही, पण थप्पड मारा म्हटले की लगेच खुप मोठे पाप झाले या थाटात मिडीया मधे चर्चा चालु होते.

सगळे पक्ष (कधी ना कधी तरी) बंद वगैरे पाळताना, दगडफेक वगैरे करतात, तेंव्हा ते गांधीवादी आहेत की नथुरामवादी की अजुन कोणी, याची चर्चा करताना कोणी दिसत नाही. (बिच्चारे) अण्णा, त्यांनी "भ्रष्टाचा-यांना थप्पड मारा.." असे फक्त वक्तव्य जरी केले तरी गदारोळ होतो.

- सूर्य.
अवांतर : स्कोअर म्हणजे काय बॉ?

आधुनिक गांधीजी बनणं जमलं नाही म्हणून आता कायदा हातात घेऊन नथुराम होण्याचा प्रयत्न आहे का?
अहो - आधुनिक काळातच काय, प्राचीन काळात नि भविष्यकाळातही - गांधी होणं फारच अवघड हो त्यामानाने नथुराम होणं फार म्हणजे फारच सोपं आहे. आणि हल्ली प्रत्यक्ष हत्या न करताही टोपणनावाने जालावर गांधीची काल्पनिक हत्या केल्याचे समाधानही सहज मिळवता येते. (दोनचार पेग झाल्यावर तर हे अधिक सहज जमते.) बूड न हलवता नथुराम होता येते, आणखी काय पाहिजे?
ऐअ वर बोलवा त्यांना, गावगांधी नाही निदान वर्चुअल गांधी व्हायला जमतंय का बघा म्हणाव, नाहीतरी त्यांच्या आंदोलनाच्यावेळी फेसबुक-गांधी बरेच पाहिले आम्ही. खुद्द अण्णांनाच जमतंय का पहा म्हणावं.

रच्याकने, '...पुरूषो प्रसिद्धी भवेत्' असे काहीसे वचन आहे. (आमचे संस्कृत कच्चे आहे नि स्मरणशक्ती क्षीण, त्यामुळे पुरे आठवत नाही. )