दाक्षिणात्य भाषातील, अक्षरांचे, शब्दांचे देवनागरी-मराठी लेखन, उच्चारण कसे करावे ? आव्हान !

३. अशा प्रश्नांसाठी वेगळा धागा बरोबर वाटत नाही. (मराठी विकी आणि त्याच्या कामाला समर्थन आहेच, गैरसमज नसावा). असे छोटे प्रश्न हे 'मनातले छोटे-मोठे प्रश्न' धाग्यात विचारावेत किंवा विकीसाठी अनेक धागे बनवण्यापेक्षा एकच धागा बनवून त्यात विचारावेत असे वाटते.

विकीसाठी एकच धागा बनवून त्यात विचारावेत याला मुख्य धाग्यावर विषयांतरे वाढत नाहीत तो पर्यंत तत्वतः समर्थन आहे. देवनागरीत लिपीचिन्हे नसलेली उच्चारणे कोणती ?
हा ह्याच नाही तर आसपासच्या उद्देशाने धागा काढला, सुतावरून स्वर्ग गाठत झालेली विषयांतरे अभिव्यक्तीस्वातंत्र्याचा आदर म्हणून विषयांतरीत चर्चांच स्वतःच महत्वम्हणून ठिकच पण ऐसीच्या श्रेणी देण्याच्या पद्धतीत विषयांतर झालेल्या प्रतिसादांना चांगल्या मिळणार्‍या श्रेणींवर जळायच नाहीए पण एक नेमकी माहिती एवढी वेचणारा विकिपीडियन म्हणून ते एकुण त्रासदायक आहे. विषयांतर न करता नेमके प्रतिसाद देऊ इच्छिणार्‍यांना हतोत्साहीत करणार आहे.

२. ह्या गावाबद्दल विशेष आपुलकी का बरे? म्हणजे ह्या गावात इतके काय खास आहे? मलयाळम गावाचे नाव रोमन लिपीत नीट लिहिले गेले का हे पाहणे हे माझ्या मते मलयाळम भाषकांचे काम आहे.

विकिपीडियात दिली जाणारी माहिती वस्तुनिष्ठ असणे हे त्या त्या भाषिक विकिपीडियनचही काम आहे. मराठी विकिपीडियातन दिली जाणारी माहिती वस्तुनिष्ठ असणे हे मराठी विकिपीडियनच काम आहे. ( एखादा महाराष्ट्रीयन केरळात गेला आणि चुकीचे उच्चारण अथवा लेखन करू लागला तर ज्ञानकोशाचा उद्देश असफल होतो. या कंसातील वाक्यांचा खीसपाडून कुणी विषयांतर करणार नाहीत ही आशा)

तीच बाब इंग्रजी विकिपीडियाची आहे. अर्थात इथे रोमन लिपीचा उल्लेख संदर्भासाठी केला आहे. जिथपर्यंत मल्याळी भाषकांच काम आहे हा भाग आहे तर ते कोण्या मल्याळी माणसाने मराठी विकिपीडियावर दुरुस्त करण्याचा त्याच्या मतीने केलेला प्रयत्न फसला नाही तर माझ कशाला लक्ष गेलं असत आणि मलाही जुळणी करताना कुतुहल वाटल एकुण या विषयावर विषयांतर न करणारा एकच धागा असावयास माझी हरकत नाही.

२. ह्या गावाबद्दल विशेष आपुलकी का बरे? म्हणजे ह्या गावात इतके काय खास आहे?

काञ्ञङङाट् मध्ये .............................. ञ स्वतःच जोडाक्षर होऊन दोनदा पाठोपाठ ङ च जोडाक्षर आकारांत ङ (ङा) शी കാഞ്ഞങ്ങാട് या गावाच्या नावाकरता 'काञ्ञङङाट्' माझ हे लेखन बरोबर असेल तर सर्वसाधारण पणे याच उच्चारण कस करणार ? आता हे लेखन असच असेल तर याच्या उच्चारणात काही खास असेल ना ? मराठी विकिपीडियावर तमीळ व्यक्तीने "काञ्ञङ्ङाटु" असा लेखन प्रयत्न केला ङ् हा अर्धा लिहिलाय ട= ट तर ട്= ट् व्हावयास हवा असे वाटते (चुभूदेघे) ट् निभृत उच्चारण असून त्याच प्रत्यक्ष उच्चारण अथवा लेखन टु केल जात असेल तर ठाऊक नाही.

काञ्ञङ्ङाट् हे देवनागरी लेखन अचूक असल्याचे जवळपास निश्चित आहे पण ञ्ञङ्ङा अशा अनुनासिकांचे एकापाठोपाठ उच्चारण सर्वसाधारणपणे मराठी माणसाने कसे करावे असा एक प्रश्न शिल्लक राहतो

एकुण यात ञ्ञङङाट् च्या लेखन उच्चारणाच आव्हान असल्या शिवाय आव्हान हा शब्द लेख शीर्षकात वापरला नाही. आणि त्यात काहीच विशेष नसताना हा लेख धागा काढलेला नाही.

तिरुवळ्ळूर तट्टै कृष्णमाचारी असे लेखन करावे.

तमिळमध्ये त-द यांना एकच चिन्ह (த) आहे. तसेच ट-ड यांनाही एकच चिन्ह (ட) आहे. त्यामुळे चार पर्याय येतात. त्यातला पायजे तो निवडावा. बेष्ट आप्षन इज, लिसनिंग फ्रॉम अ तमिळ गाय. अपडेटः विकीवरील इंग्लिश स्पेलिंगनुसार तट्टै हा पाठ योग्य आहे.

शेवटच्या शब्दात लिटरली वाचले तर 'किरुष्णमाच्चारी' असे होईल. पण तमिळमध्ये जनरली कृष्ण हा शब्द किरुष्ण, कन्या हा शब्द कन्निया असा लिहिला जातो. तस्मात कृष्णमाचारी हाच पाठ योग्य आहे.

१) तमिऴ संधिनियमांमुळे काही प्रकारची जोडाक्षरे निषिद्ध असतात. अशा ठिकाणी ह्रस्व इकार घालून जोडाक्षर अलग करतात. (कित्येक प्राकृतांमध्येही काही विवक्षित नियमित ठिकाणी अशी "स्वरभक्ति" होते, हे समांतर आठवते.) "कन्निया", "पिरभाकरन्" वगैरेंकरिता हे स्पष्टीकरण.

२) अघोष-सघोष स्पर्श व्यंजनांत (म्हणजे क-ग, च-ज, ट-ड, त-द, प-ब या जोड्या) तमिऴ भाषा उच्चारांत फरक करत नाही, हे विधान बरेच शिथील आहे. संधिनियमांमुळे मूळ द्रविड तमिऴ शब्दांत या जोडीपैकी एकच कुठल्याही संदर्भात येऊ शकते. शब्दाच्या सुरुवातीला किंवा द्वित्त जोडाक्षरात स्पर्श व्यंजन येते, तेव्हा संधिनियमांच्या अनुसार अघोष उच्चरण होते (क*, च*, ट, त, प) आणि दोन स्वरांच्या मध्ये वा अनुस्वाराच्या नंतर जर स्पर्श व्यंजन आले, तर ते सघोष उच्चारले जाते (-ग*-, -ज*-, -ड-, -द-, -ब-). त्यामुळे एकाच चिन्हानी दोन्ही उच्चार लिहिले तरी कधीही घोटाळा होत नाही. संधी = "त्या भाषेतील सवयीप्रमाणे जीभ आपोआप वळून" अघोष किंवा सघोष उच्चार होतो.

काही शतकांपूर्वी संस्कृतोद्भव-प्राकृतोद्भव शब्द तमिऴमध्ये येऊ लागले, तसे दोन स्वरांच्या मध्येसुद्धा अघोष स्पर्श व्यंजने अर्थपूर्ण होऊ लागली, आणि काही लोकांची जीभही तशी वळू लागली. आता लिपी बदलण्याऐवजी द्वित्त वापरून अघोष व्यंजने लिहिण्यात येऊ लागली. द्वित्त (क्क, च्च, ट्ट, त्त, प्प) हे "अघोष" सांगते, दुप्पट वजन नव्हे. "आच्चारि" मधल्या द्वित्त "च्च"करिता हे स्पष्टीकरण.

तळटीप :
{*क, *ग,} {*च, *ज} : या दोन वर्गांत तमिऴ ध्वनी स्पर्शाकडून उष्मवर्णांकडे सरकलेले आहेत.
{*क, *ग,} -> ह
{*च, *ज} -> स
त्यामुळे अधिक गुंतागुंत होते.

कन्नडकानडीबद्दल नाही म्हणून चाल्ल्यात गमजा ;) ह. घ्या.

सिंह'चा उच्चार 'सींह' असा करणारे कित्येकजण मला माहीत आहेत.

वरील उच्चार हा मराठीच्या एकूण उच्चारपद्धतीशी सुसंगतच आहे. त्याला चूक म्हणणे हे चूक आहे.

अर्थात- ङ आणि ञ यांचे उच्चार माहिती नाहीत आणि ते असायला हवेत याशी सहमत आहे.

पयल्या जोकमध्ये भारतीय अन आम्रविकन ही लेबले इंटरचेंज करावीत असे अर्थदृष्ट्या पाहता वाट्टे.

तदुपरि- दुसर्‍या जोकची अजूनेक व्हर्जन ऐकली आहे. चेन्नई = चेन् + नाई अर्थात एकप्रकारचे कुत्रे. चेन् चा तमिळमध्ये अर्थ विसरलो. नाय् = कुत्रे.

बूच मारण्यात आले आहे. एकदाच काय ते लिहा बघू. दर वेळी नवीन प्रतिसाद म्हणून यायचे आणि तोच प्रतिसाद पाहायचा!

मराठीभाषक लेखकांना (आणि अन्यभाषक लेखकांना) सोयीस्कर अशी चिन्हे कळफलकावर सहज उपलब्ध असली, तर चांगली सोय होईल. अशा कळफलक-चौकटी (mapping) उपलब्ध करून देणे प्रणालीलेखकांकरिता अगदीच कठिण नसावे असे माझे (अज्ञानमूलक) मत आहे. असे व्हावे त्यावे प्रोत्साहन सदस्य माहितगारमराठी देत आहेत, ते उत्तम.

शोधयंत्रांबाबत त्यांचा मुद्दा उत्कृष्ट आहे. एकच लेखी/दर्शनी चिन्ह जर संगणकाच्या अंतर्गत लिपीत दोन-तीन वेगवेगळ्या प्रकारे योजलेले असेल, तर शोधात अडचण येईल. वापर करणार्‍याला कुठल्याही अंतर्गत प्रकारांनी केलेले उल्लेख सारखेच हवे असतात, पण शोधयंत्र प्रणालीला मात्र ते उल्लेख वेगवेगळे म्हणून कळून येतात.
याबाबत दोन्ही बाजूंनी उपाय हवा :
(अ) एक वर सुचवलेला उपाय, की इतःपर लेखन करताना त्या चिन्हाकरिता एकच काय ते प्रमाण वापरावे
(आ) पूर्वी लिहिलेला मजकूर शोधता यावा, म्हणून शोधयंत्राच्या प्रणालीत अमुक-इतके वेगळे अंतर्गत लेखनाचे प्रकार समसमान म्हणून नोंदण्यात यावे. याचे उदाहरण काही प्रमाणात रोमन लिपीतील शोधशृंखलांकरिता वापरलेले दिसते. अधिक विस्ताराने : एखाद्या शृंखलेत "i" हे अक्षर असले, जसे "higado" तर गूगल शोधयंत्र " í ì ï " वगैरे अन्य चिन्हे सुद्धा शोधते. आता Hígado हा शब्द स्पॅनिशमध्ये प्रचलित आहे, आणि जरी शोधातील चिन्ह वेगळे असले, तरी गूगल शोधात ते सापडते :
तुलना करा :
https://www.google.com/search?q=higado
https://www.google.com/search?q=h%C3%ADgado