ही वेळ निराळी आहे
छातीत फुले फुलण्याची
वार्यावर मन झुलण्याची
ती वेळ निराळी होती.... ही वेळ निराळी आहे.
डोळ्यात ऋतुंचे पाणी
मौनात मिसळले कोणी
वाळूत स्तब्ध राहताना
लाटेने गहिवरण्याची
ती वेळ निराळी होती.... ही वेळ निराळी आहे.
तू वळून हसलीस जेव्हा
नक्षत्र निथळले तेव्हा
मन शहारून मिटण्याची
डोळ्यात चंद्र टिपण्याची . . .
ती वेळ निराळी होती.... ही वेळ निराळी आहे.
ज्या चंद्र कवडशा खाली
कुणी साद घातली ओली
मग चंद्र वळून जाताना
किरणात जळून जाण्याची
ती वेळ निराळी होती.... ही वेळ निराळी आहे.
पाऊस परतला जेव्हा
नभ नदीत हसले तेव्हा
कोरड्या मनाने कोणी
गावात परत येण्याची
ती वेळ निराळी होती.... ही वेळ निराळी आहे.
थबकून थांबल्या गाई
की जशी शुभ्र पुण्याई
त्या जुन्याच विहिरीपाशी
आईस हाक देण्याची
ती वेळ निराळी होती.... ही वेळ निराळी आहे.
गावाच्या सीमेवरती
जगण्याच्या हाका येती
त्या कौलारु स्वप्नांना
आयुष्य दान देण्याची
ती वेळ निराळी होती.... ही वेळ निराळी आहे.
हे गाणे जेव्हा लिहिले
मी खूप मला आठवले
शब्दास हाक देताना
आतून रिते होण्याची
ती वेळ निराळी होती.... ही वेळ निराळी आहे.
प्रतिक्रिया
छान कविता
गेलेले दिवस परत येत नाहीत, तसंच गेलेलं मनही पुन्हा मिळत नाही. त्या ऊर्मी, ते हेलावणं कुठे जातं कळत नाही. ते हलकंफुलकं मन गेलं, आणि आत्यापर्यंतच्या ओझ्यांनी झालेलं हे जडशीळ काहीतरी वागवत बसायचं, हे आणखीनच एक ओझं.
स्वागत
ऐसीअक्षरे वर स्वागत.
कविता आवडली. आणखी अशाच वाचायला मिळतील अशी आशा आहे.
नो आयडियाज् बट इन थिंग्ज.
कविता आवडली. अरूण म्हात्रे
कविता आवडली.
अरूण म्हात्रे यांनीच लिहीलेलं 'उंच माझा झोका' या मालिकेचं शीर्षकगीत इथे आहे. (माहितीचा स्रोतः रामदास)
---
सांगोवांगीच्या गोष्टी म्हणजे विदा नव्हे.
आवडली कविता. गोष्टी हातातून
आवडली कविता. गोष्टी हातातून निसटतात हे फार सहजपणे व्यक्त केलं आहे तुमच्या शब्दांनी.
***
अब्द शब्द
कविता आवडली.
कविता आवडली. अजून येऊद्यात.
मस्त
कविता आवडली.
एका शब्दपेक्षा दोन बरे.
अप्रतिम!!!!
हे आठवले -
To everything there is a season,
a time for every purpose under the sun.
A time to be born and a time to die;
a time to plant and a time to pluck up that which is planted;
a time to kill and a time to heal ...
a time to weep and a time to laugh;
a time to mourn and a time to dance ...
a time to embrace and a time to refrain from embracing;
a time to lose and a time to seek;
a time to rend and a time to sew;
a time to keep silent and a time to speak;
a time to love and a time to hate;
a time for war and a time for peace.
+१
मला "वो शाम कुछ अजिब थी" आठवलं. ही कविता छानच.
व्वा...मस्तच आहे हे..
सुंदर संदर्भ दिला आहे..मस्त आहेत या ओळी..
मेदिनी..
वा छान आहे कविता आवडली
वा छान आहे कविता
आवडली
.
लिरिकल
लिरिकल-सहजसुंदर कविता ! वरील प्रतिसादांशी सहमत, आणखी कविता येथे वाचायला मिळाव्यात !
"शब्दास हाक देताना आतून रिते
"शब्दास हाक देताना
आतून रिते होण्याची....."
- मस्त !
अहाहा!
अहाहा!
आवडती अवतरणे वेगळी काढता येणार नाहीत.. सारी कविताच आवडली आहे!
- ऋ
-------
लव्ह अॅड लेट लव्ह!
अप्रतिम!
अप्रतिम!
वा
गाणे म्हणूनही छान वाटेल.
वाह
सुंदर कविता.
तुम्ही
कविता वाचून तुम्ही एक प्रथितयश कवी आहात असे वाटते. नसाल तर नक्कीच व्हाल.
कविता / गाणे अतिशय आवडले.
कविता / गाणे अतिशय आवडले. शेवटी शब्दांना हाका नाहीत फक्त रितेपण आहे हे जाणवून खिन्न झाले.
सुंदर आहे कविता
सुंदर लय आहे कवितेला..पण उदासिनताही.
मेदिनी..
अप्रतिम..!!
अरुणजी अप्रतिम कविता...!!!
चन्द्रशेखर केशव गोखले
दस्तुरखुद्द अरुण म्हात्रेंची कविता?
अरे वा
सुंदर कविता आणि खयाल आहेत