मी नाही त्यांतला...

मी नाही त्यांतला...

- मासा

---------१---------

ती - वा! किती नीट दाबताय! असंच चालू ठेवा. चांगलं मर्दन करा.
तो - हो ना, मऊशार, मस्त आहे. दाबतोय जोर लावून.
ती - हां, छान चाललं आहे. सावकाश होऊ द्यात.
तो - कसा तजेला आला बघ. म्हणून म्हणतो, हे पुरुषाचंच काम. जेणो काम तेणो …
ती - म्हणूनच मी प्रेम करते तुमच्यावरती. अगदी छान कळतं तुम्हांला - कुठे, किती दाब देऊन तिंबायचं ते.

(नवरा कणीक तिंबून बायकोच्या हवाली करतो.)

--------२--------

ती - मी वर आणि तू खाली चालेल का?
ही - वरखाली कोणी का असेना, मला काही फरक पडत नाही.
ती - बघ हं, नाहीतर मी पुरुषांसारखी डॉमिनेटिंग आहे असं म्हणशील!
ही - तुझ्याशी कितीही भांडले, तरी तुला एवढ्या वाईट शिव्या देईन का मी, राणी?
ती - नाही गं! खरंय तुझं. मी आपला खुंटा हलवून बळकट केला.
ही - खुंटा? शिडी वापर, शिडी!

(दोघीही खिदळत बंक बेडकडे वळतात.)

---------३--------

तो - अगं ए! सोड ना.
ती - उम्म्म! आता नाही सोडायची मी.
तो - सोड गं राणी, काढू देत मला.
ती - काय गडे! मग घातलात कशाला? परत परत काढायला? एक तर घालून आम्हांला टीज्‌ करायचं आणि मग लगेच ‘काढतो-काढतो’. आमी नै ज्जा!
तो - (धापत धापत) दर वेळेस घातला की तुला जाम सोडवत नाही.
ती - असू दे ना राजा, गेल्या वेळेपेक्षा या वेळेला छानच बसलाय. जरा एन्जॉय करू देत की.
तो - थांब, तू नाही ऐकणार! मीच कसाबसा ओढून काढतो.
ती - अहो, किती ताणताय? नाही निघायचा असा. इश्श्य! अडकलाय तो. काय हा धसमुसळेपणा!

(झटापटीनंतर दोघे मिळून त्याचा टाय एकदाचा सोडवतात.)

---------४-------

तो - या वेळेस मागून हवाय की नेहमीसारखा पुढून?
ती - गेल्या वेळेला घातलंत की पुढून. जरा रुचिपालट म्हणून मागून द्या बाई.
तो - काय! तू म्हणतेयस हे? गेल्या सतरा वेळेस मी म्हणालो, मागून घे; तर म्हणालीस, नको, पुढूनच द्या.
ती - अहो, पण आता म्हणतेय ना मागून द्या? मेसी तर मेलं पुढून काय अन्‌ मागून काय, होणार ते होणारच. असं रागवायचं नाही गडे. गोडीत करायचं.
तो - (जोर लावत) हां, देतोय. घे… घे. हां, पकड. घट्ट दाबून पकड. घे ओढून. जरा पुढे-मागे ऍडजस्ट करून घे.

(दोघेही वायरीचे भेंडोळे काँम्प्युटरच्या मागून ओढून घेऊन कनेक्शन जुळवू लागतात.)

-------५--------

हा - किती ते पिळत चोखायचं! कधी न मिळाल्यासारखं करू नकोस.
तो - किती दिवसांनी मिळालाय! जरा मजा घेऊ दे की.
हा - अधाशी कुठचा! कसं दिसतं ते, काही विचार?
तो - घरातल्या घरात कसली आलीये लाज?
हा - पुरे तुझा अधाशीपणा! मला पटापट आवरायचं आहे.
तो - अरे!अरे! असा हातातून सोडवून काय घेतोस? अजून थोडा वेळ तरी चोखू देत.

(हा त्याच्या हातातून आंब्याची बाठ हिसकावून घेत, आवराआवरीला लागतो.)

-------६--------

तो - या वेळेस तू वर ये, मी खाली राहतो.
ती - माझं वजन पेलवेल का पण?
तो - अगं, ये तर खरी! पण जरा जपून हं. दुखापत नको - मलाही आणि तुलाही.
ती - हां, वरच छान वाटतं हो. माझं आता नियंत्रण राहील.
तो - मग? कितीदा म्हटलं, तू वर ये. आख्खं जग करतं. आपण का नाही करू शकणार? आता कसं छान हलवता येतंय तुला.
ती - इश्शं! आधीच करायला हवं होतं मेलं.

(थोड्या वेळाने)

तो - बरं, आता राहवत नाही मला. सोडू का?
ती - तुमची मेली घाईच नेहमी! थांबा. आधी मी येते, मग नंतर तुम्ही सोडा. उगा गेल्या वेळेसारखा बट्ट्याबोळ नको.

(शिडीवर चढून बायको सामान हलवते, काढते, ठेवते. नवरा खालून शिडी घट्ट धरून उभा राहतो. बायको आधी उतरते, मग नवरा शिडी सोडतो.)

---------७--------

तो - झालं का समाधान?
हा - तुझं झालंय का? किती ती काढघाल! पण माझी काही तक्रार नाही. तुझ्यासाठी कष्ट करणार नाही तर कोणासाठी!
तो - पुरेशी काढघाल झाली आहे, आता इकडून तिकडे घालतो. बघ हां.
हा - हं. घाल ना लवकर. मलाही घाई होते आहे. राहवत नाही आता.

(तो इकडची यूएसबी ड्राईव्ह काढून तिकडे घालतो. हा त्याच्या भाच्याच्या बारश्याचे फोटो उत्सुकतेने पाहू लागतो.)

--------८-------

ती - स्स्स्स्स्स्स... हळू ना!
तो - असं काय करता बाई? पहिल्या वेळेस त्रास हा होणारच.
ती - अहो, पण किती कडक आहे! तिथे दुखून आलं मला.
तो- थोडं व्हॅसलिन लावू का? मग सुरी लोण्यात जाते तस्सा जाईल आत.
ती - हां, लावा लावा.
तो - बरं वाटतंय का आता?
ती - जरा चोळा ना. जरा खाली - नाही, तिथे नाही - जरासं वर. हं, उंचवट्यावरच नीट चोळा. आता कसं, बरं वाटतंय…
तो - बाई, कधी घातला नाहीत का?
ती - इतका कडक नाही ना घातला!
ती - हाय हुई ...स्स्स .. मेले गं बाई! गेला... गेला आत. आह्ह्ह!
तो - (धापा टाकत) गेला... गेला. फिट्ट बसलाय. आता कसं वाटतंय?
ती - बरं वाटतय आता. काढू नका इतक्यात.
तो - (धापा टाकत) नाही, तुमचं मन भरेस्तोवर राहू द्यात. काही घाई नाही. थोडा मागे-पुढे करतो, म्हणजे तुम्हांलाही जास्त चांगलं वाटेल.

(शेवटी स्त्रीला सँडल पसंत पडतो आणि तीेही खूष, दुकानदारही खूश.)