फेसबुक तू आणि व्हाॅट्सँप मी

नमस्कार रसिकहो, पाट्यांच्या पुण्यात आपण आजुबाजुला पाहिल तर लक्षात येत की सगळेच एकमेकांशी 
डिजिटली जास्त कनेक्ट आहोत ,कवितेतला नायक त्याच्या नायिकेला या संभाषणाच्या व्यथा आणि फायदे सांगायचा प्रयत्न करतोय ....

फेसबूक तू अन व्हाॅटसॅप मी,नातं आपलं
ब्राॅडबँडचं
2G 3G दागिने घालून दोघांनी अाॅनलाईन
भेटायचं

लाइक सुपरलाइक स्पर्धेमध्ये,निखळ बोलण दुर्मिळ
झालं
तुझी माझी प्रेमपत्रं पोचवणारं कबुतर,डिजिटल दुनियेत बेकार झालं

प्लास्टिकचं प्रेम अन् प्लास्टिकचं भांडण 
अहो चाकापेक्षा कोरडं वंगण 
त्याच जुन्या भिंतींमध्ये रोज नवं सीमोल्लंघन

कुठली नाती अन् कसलं फिलिंग
आधी चॅटिंग नंतर डेटिंग
भावनेचं ...भावनेशी यांत्रिक सेटिंग

तरीसुद्धा आपल्या मैत्रीत एक मात्र बरं आहे
रात्री अपरात्री बापा देखत बोलायची सोय आहे

कोणी पाहिलं तर टेन्शन नसतं
स्कार्फ बांधायच कंपल्शन नसतं

इथे जात,गोत्र कुणी विचारत नाही ,आणि
प्रत्यक्ष पाहिल्याशिवाय खरं वय कळत नाही

म्हणून म्हणतो,

फेसबूक तू अन व्हाॅटसॅप मी,नातं आपलं ब्राॅडबँडचं
2G 3G दागिने घालून दोघांनी अाॅनलाईन
भेटायचं

!निनाद!

.........................