"मैफिलीच्या पुढच्या रांगात"
मिलिन्द
मैफिलीच्या पुढच्या रांगात ते मानाने बसलेले,
बसविलेले असतात: पुरुष आता टक्कलवंत,
स्त्रिया भारदस्त श्वेतकेशा विरागिणी,
दोघेही आदरास सरावलेले.
यांना तरुण लोक "सर" , "मॅडम" म्हणतात,
पळत जाऊन त्यांच्यासाठी पाणी, टॅक्सी घेऊन येतात,
इतर "मोठयांच्या" पाठीत धपाटे मारून हे
खदाखदा हसतात , नवविवाहितांची अश्लील टिंगल
करतात . उभ्या उभ्या लग्ने , नोकऱ्या जमवितात.
अनेकांना मी बघून ओळखतो.
मी देश सोडण्यापूर्वी हे लोक
माझ्याच वयाचे , चाळिशीतले होते.
यूट्यूब पाहताना धक्का बसतो :
माझ्या आईवडिलांची जागा यांनी
कशी काय घेतली?
मी "तिथेच राहून गेलो" की काय!
जॉगिंग , केस बारीक कापणे,
स्नीकर्स , टी शर्ट, जीन्स,
सर्व सोडले पाहिजे मला !
xxx
मी "तिथेच राहून गेलो" की
जन्म माझा सफल व्हावा हे मनासी बांधिले