शेजारच्या काकवा गंमत ऐका

शेजारच्या काकू आपल्या मैत्रिणीशी गप्पा मारत होत्या. शेजारच्या काकूंच्या मैत्रिणीचा जीव कुणावर तरी जडला आहे. त्याबद्दल मैत्रीण बोलायला लागली.

मैत्रीण - मला तो आवडतो, पण तो आवडतही नाही.
शेजारच्या काकू - एक पे रहना, आवडतो का आवडत नाही?
मैत्रीण - आवडतो, पण तो माझ्याशी बोलत नाही म्हणून मला तो आवडेनासा झालाय. म्हणजे आम्ही दोघे मॅग्नेट्स आहोत..
काकू - म्हणजे ते पिझोमॅग्नेट्स असल्यासारखं का?
मैत्रीण - नाही, नाही, दोन विरुद्ध ध्रुव आहोत आम्ही!
काकू - म्हणजे आकर्षण आहे हे मला समजलं. पण विरुद्ध ध्रुव एकमेकांकडे आकर्षित होतात. एकसारखे असले की दूर ढकलतात. तुम्ही कुठले ध्रुव आहात?
मैत्रीण - म्हणजे आम्ही विरुद्ध ध्रुवच आहोत, पण आकर्षण होत नाहीये?
काकू - म्हणजे मी तुला समजावते कसं ते! थोडं फिजिक्स समजून घे आता.
मैत्रीण - …
काकू - तुमचं चुंबकीय आकर्षण खूप आहे, पण ते कमी पडतंय गुरुत्वाकर्षणासमोर. तुमच्या लोखंडात चिकार माती मिसळल्ये, त्यामुळे ते पिझोइलेक्ट्रिक…
मैत्रीण - काय? काय पिझोइलेक्ट्रिक?
काकू - मला आठवत नाही. गूगल करून सांगू का?
मैत्रीण - नाही, नको. इथे आपली चांगली कविता लिहिणं सुरू आहे आणि तुला गूगल कसलं आठवतं?
काकू - बरं. तर ते वस्तुमान फार जास्त आहे त्यामुळे चुंबकीय आकर्षण असलं तरी मॅग्नेटं जागची हलत नाहीयेत.
मैत्रीण - हां, आता मी माझं वस्तुमान खूप वाढवते. म्हणजे गुरुत्वाकर्षणानं तो ओढला जाईल माझ्याकडे.
काकू - पण गुरुत्वाकर्षणात तुला उजवं-डावं करता येणार नाही! त्यात सगळेच येतील. फेसबुकवरचे फेमस लोकही येतील!
मैत्रीण - अरे यार! तुला गुरुत्वाकर्षणात चुंबकीय आकर्षण वाढवता येणार नाही का? एवढी गणित-गणित करत असतेस आणि साधी बेरीज नाही का करता येत तुला?
काकू - … प्वाईंट आहे. केमिस्ट्रीत करता का बेरजा?
मैत्रीण - तू आता इथे उपमांची सरमिसळ करत्येस. आपण चुंबकांपासून सुरुवात केली ना! मग फिजिक्समध्येच राहू या. ज्ञानशाखांची सरमिसळ नको करायला.
काकू - ज्ञानशाखा म्हणजे काय जाती आहेत का, की विजातीय विवाह नको?
मैत्रीण - अरे यार … तू पुन्हा लग्नापर्यंत पोहोचलीस. मी इथे आकर्षणाचा गुंता सोडवताना कंटाळल्ये!
काकू - ...
मैत्रीण - तुला काय झालं, बोलत का नाहीयेस?
काकू - मी तेवढ्यात गूगल केलं. मला डायमॅग्नेटिझम म्हणायचं होतं, पिझोइलेक्ट्रिसिटी निराळी. पण तुझ्याशी बोलताना खाण्यापिण्याच्या गोष्टी जास्त सुचतात.
मैत्रीण - शीः! पिझोवरून पिझा … घाणेरडी आहेस! मी तुला एवढं महत्त्वाचं काही सांगत्ये आणि तू एवढी थंड-कोरडेपणानं का बोलत्येस माझ्याशी? नवऱ्याशीसुद्धा अशीच वागतेस का?
काकू - हो. ही माझी राजकीय भूमिका आहे.
मैत्रीण - कशाबद्दल? यात कसली डोंबलाची राजकीय भूमिका?
काकू - ग्लोबल वॉर्मिंगला विरोध करायला पाहिजे म्हणून मी कायम, सगळ्यांशी थंड वागते.