रशिया - युक्रेन युद्धाबद्दल

मला या विषयात काहीही गती नाही, त्यामुळे माझं काहीही मत नाही.

अमेरिकी शेअर बाजार आक्रमणाच्या पहिल्या दिवशी कोसळला, आणि लगेच पुन्हा परत वर गेला. यावर माझ्या जुन्या कंपनीतल्या सीटीओचं (प्रमुख तंत्रज्ञान अधिकारी) म्हणणं होतं की बायडननी योग्य निर्णय घेतले, आततायीपणानं सैन्य पाठवलं नाही, 'नो फ्लाय झोन' वगैरे काही केलं नाही; मात्र रशियाच्या आर्थिक नाड्या आवळायला सुरुवात केली त्यामुळे शेअर बाजार सावरला.

बाकी सगळ्या अमेरिकी माध्यमांत रशियन नागरिकांनी पुतीनचा, युद्धाचा धिक्कार केल्याच्या चर्चा आहेत. मात्र एनबीसी वाहिनीवर एका चर्चेत एक बाई म्हणत होती की ती गेले काही आठवडे मुद्दाम रशियाचा राष्ट्रीय टीव्ही बघत आहे. त्यातला प्रचार सगळा पुतीन आणि रशियाच्या आक्रमणाची भलामण करणारा आहे. सगळे निषेध, धिक्कार वगैरे मॉस्को, सेंट पीटर्सबर्गमध्ये, म्हणजे शहरांमध्ये होत आहेत. पण ग्रामीण भागांत लोकांपर्यंत फक्त सरकारी प्रचार, प्रॉपगंडाच पोहोचतो. त्यामुळे सामान्य रूसी नागरिकांना युद्ध नकोच आहे, असं कुणी गृहीत धरू नये.

'न्यू यॉर्क टाईम्स'मध्ये फरहाद मंजू नामक तंत्रज्ञानावर लिहिणारा कॉलम्‌निस्ट आहे. त्यानं प्रश्न विचारला आहे की २०१६च्या अमेरिकी निवडणुकांत फेक न्यूज, वगैरे मोहिमा चालवण्याइतपत, आणि त्या प्रकारांमुळे अमेरिकी निवडणुकांमध्ये फरक पडण्याइतपत रशिया (किंवा पुतीन) अंदाधुंदीचा सर्व‌ेसर्वा आहे का?
Putin No Longer Seems Like a Master of Disinformation

गेल्या रविवारी अमेरिकेत सगळीकडे युक्रेनसाठी निदर्शनं झाली. शिकागोमधले काही फोटो.

प्रतेक घटकाचा त्या मध्ये स्वार्थ असतो.
मीडिया ही कोणत्या ही देशाची असू ध्या ,गुलाम असतें
स्वतंत्र विचारांची मीडिया जगात कुठे च अस्तित्वात नाही
प्रतेक मीडिया हाऊस कोणाचे तरी गुलाम आहे.
युद्ध एकच आहे ,सत्य पण एकच आहे.
पण प्रतेक देशातील मीडिया नी अनेक सत्य निर्माण केले आहेत
रशिया मीडिया चे सत्य वेगळेच आहे.
अमेरिका वेगळेच सत्य सांगत आहे
भारतीय मीडिया तर मूर्ख च आहे ते हिशोबत च नाहीत.
सामान्य लोकांना स्व अनुभव असला तरी त्यांना कोणी विचारत नाही.
जे स्वतःला सामान्य नागरिक आहे म्हणून विचार व्यक्त करत असतें.ते व्ह्यूज वाढले की पैसे मिळतील हा विचार करून व्यक्त होत असतात
वाट पाहणे निकाल जो पर्यंत लागत नाही तो पर्यंत.
हेच शहाणपण.
सामान्य लोकांनी स्वतःची दुसऱ्या कोणी तरी दिलेल्या माहिती वर अक्कल पाजळू नये.

जोकोविच काका,
तुम्ही युद्ध फॉलो करत असावेत. तर इथे अपडेट देत जाल का , रोज काही ?
रशियात मिळणारे चिखलयुक्त खनिज तेल म्हणजे काय ?
जरा माहिती सांगाल का ?

असा प्रश्न अयोग्य आहे.

युक्रेन आणि रशिया पासून अमेरिका खूप लांब आहे.
येथील युद्ध आणि अमेरिका काय संबंध .
हा प्रश्न योग्य आहे .

चीन आणि ब्रिटन नी हा प्रयोग यशस्वी केला आहे.
खूप प्रचंड ऊर्जा अणू चे फ्युजन करून निर्माण केली आहे
भविष्यात खनिज तेल वापरण्याची खरे तर गरज पडली नाही पाहिजे
.
जे दावे संशोधक फ्युजन एनर्जी बद्धल व्यक्त करत आहेत त्या वरून वाटते
अजून कोळसा महत्वाचा असेल
खनिज तेल महत्वाचे असेल.
तर आपण नक्की काय प्रगती केली?
हा प्रश्न आ वासून उभा राहील.

पुतीनच्या तोंडी "डी-नाझीफिकेशन' हा शब्द अत्यंत विनोदी वाटतो, कारण रशियन ऑथोडॉक्स चर्च च्या अधिपत्याखाली जी पारंपरिक "बृहद-रशिया" ची निर्मिती त्यांना करायची आहे, तो अतिरेकी-राष्ट्र्रवादी प्रकारही नाझीवादाहून फारसा वेगळा नाही. सुप्त ज्यू-विरोध तर रशियात अनेक जागी टिकून असल्याचे इथले रशियन मित्र सांगतात.
अर्थात युक्रेनमध्येही अतिरेकी-राष्ट्रवादी भरपूर आहेत, सध्याच्या सरकारमध्येही ते शिरले आहेत, त्याबाबत युक्रेननेही कृती करण्याची गरज आहे. . त्यांच्या ध्वजावर नाझींचे "उलटे स्वस्तिक" ("Hakenkreuz", "TWISTED CROSS" ) असते.
https://www.opindia.com/2022/02/ukraine-dalliance-with-nazi-forces-prob…

फ्यूजन ; एक नवा, बिनधोक आणि कार्बन-प्रदूषण-मुक्त ऊर्जास्रोत: नवा तांत्रिक ब्रेक-थ्रू :

https://www.benzinga.com/pressreleases/22/03/n26074883/tokamak-energy-m…
(फिजिक्स मध्ये शून्य "गती" असल्यामुळे (काय शब्द आहे! वाहवा!) यावर कॉमेंट करत नाही. )

ते यूक्रेन नि ते रशिया दोघेही मरू देत तिथे युरोपात. काल “आपल्या” लोकांनी “त्यांच्या” हद्दीच्या सव्वाशे किलोमीटर आतपर्यंत वगैरे (“चुकून” म्हणे!) मिसाइल फेकले, त्याबद्दल काय म्हणणे आहे?

(अशा “चुका” होऊच कशा शकतात? की, मोदी है तो साला कुछ भी मुमकिन है?)

—————

(टीप: ‘साला’ हे येथे ‘(कुछ भी) मुमकिन’चे विशेषण आहे; मोदींचे नव्हे! (हल्ली हेसुद्धा स्पष्ट करावे लागते!))

पोलिसांकडून बंदूक साफ करत असताना कधीकधी बंदुकीतून गोळी उडते अशा बातम्या आपण वाचतो पण फार गंभीर चर्चा करतो का?
बडे बडे शहरोंमे ऐसी छोटी छोटी बाते होती रहेती है l

भारताचे एक missile फायर होवून पाकिस्तान च्या हद्धीत पडले.
त्या विषयीं भारत सरकारने दिलगिरी व्यक्त केली आहे.
तांत्रिक बिघाड " हे कारण त्या साठी दिले गेलेले आहे.
Missile कोणत्या तंत्रावर चालतात ते फायर होणे ,दिशा ठरणे,किंवा मध्येच दिशा बदलणे असे अनेक प्रकार त्या मध्ये असू शकतील
त्या तंत्र ज्ञान विषयी काहीच माहिती नसेल तर उलट सुलट मत व्यक्त करण्यात काही अर्थ नाही.

समजूतदार पना भूमिकेत असलाच पाहिजे.

रशियन अर्थव्यवस्था कितपत तग धरू शकेल? जर रशिया आपलं खनिज तेल विकू शकलं (जे होताना दिसत आहे), तर ते महसूल उत्पन्नातली तूट बर्‍याच काळासाठी भरून काढू शकतात. पण इतक्यासार्‍या देशांनी टाकलेल्या निर्बंधामुळे एकंदर अर्थव्यवस्थेवर भार इतका असेल की साधारण वर्षभारातच जीडीपी १०% ने कमी होईल. आणि लेखकाच्या मते ती अजून तळाला जातच राहील.
युद्धाच्या खर्चाचे आकडे पहाता (आणि यदाकदाचित युद्ध लांबले तर), कुठल्याही देशाला (खासकरून चीनला सुद्धा) अशी पावलं टाकताना शंभर वेळा विचार करावा लागेल.

दुर्दैव इतकेच की, बहुसंख्य रशियन लोकांना अजूनही याची जाणीवच नाही. बाकी, भारतीय माध्यमांबद्धल न बोललेच बरे.

ह्युमन कॅपिटल मधला लॉस. (मारल्या गेलेल्या सैनिकांनी भविष्यात जीडीपी मध्ये भर घातली असती, असे समजून). पण तो जरी गृहीत धरला नाही, तरी आतापर्यंतचा अंदाचे खर्च ५० बिलियन डॉलर्स आहे. तसं बघायला गेलं तर रशियासारख्या देशासाठी "५० बिलियन डॉलर्स फक्त" एकवेळ खपूनही जातील. पण रशियन बहुसंख्यांकांच्या नजरेतून चालू असलेले हे "स्पेशल मिलिटरी ऑपरेशन" अजून अनिश्चिततेच्या कालावधिसाठी चालू राहिले, आणि लेखात म्हटल्याप्रमाणे निर्बंधांमुळे अर्थव्यवस्था आकुंचित पावली तर तो खर्च न पेलवणारा असेल.

युद्ध म्हणजे दोन देशात नसते.
युध्दाची कारण जी सांगितली ती नसतात.
हा सर्व बुद्धीचा खेळ आहे.
युद्ध करणारे देश,युद्ध घडवून आणणारे देश
युध्दाची सामान्य लोकांच्या नजरेतून विश्लेषण करून फायदे तोटे सांगणारे बुद्धी वान लोक.
सर्व सुत्र्धार आहेत.
Covid काळात जगात अती श्रीमंत लोकांची संख्या वाढली
माझा पण अनुभव आहे माझ्या matual फंड मधील गुंतवणुकीची किंमत covid ची लाट आली की वाढते.
युद्ध चा फायदा घेवून जगाची संपत्ती काहीच लोक आपल्या ताब्यात घेत आहेत
खूप भयंकर आहे हा बुद्धीचा खेळ
आपण सामान्य लोक जसा विचार करतो तो एक भास आहे .
खरी स्थिती सूत्रधार काहीच लोक आणि त्या वर कला दाखवणारे abjo लोक ..
अशी काही शी अवस्था आहे
खूप भयंकर आहे है.

युध्दाचा परिणाम म्हणून कोणत्या देशावर आर्थिक ताण पडेल हा प्रश्न निर्माण करणे हाच बुद्धिभेद आहे.
सरकार वर ताण पडेल म्हणजे सर्वसामान्य लोकांवर ताण पडेल
जो देश बाधित म्हणून सामान्य लोक समजतील त्या देशातील नेते ,उद्योग पती मात्र श्रीमंताच्या यादीत असतील

नीट चोफर विचार करा

युद्ध अजून संपले नाही आई अर्थव्यवस्था पण संपली नाही

या युध्दामुळे तेल आयात करणारा भारत तेल निर्यातदार देश बनला आहे. 😀
🕺🕺🕺

काही अंदाज साफ चुकले. आज या गोष्टीला २+ वर्षे झाली. वाटले नव्हते की इतकावेळ चालेल. जगाने निर्बंध घातल्यावर रशिया एकाएकी पडेल असे वाटले (अर्थात चीन आणि काही मिडल इस्ट सोडले तर) पण तसे काहीही झाले नाही. भारतानेही व्यापारी संबंध कायम ठेवले. इतकेच नाही तर काही खाजगी अमेरिकन आणि युरोपिअन कंपन्यांनीही व्यापारी संबंध कायम ठेवले. रशियन एक्स्पोर्ट खास करून कच्च्या तेलाचा व्यापार सुखनैव चालूच राहीला. त्यामुळे सुरुवातीच्या अपेक्षेइतकी झळ रशियाला काही बसलेली दिसत नाही. तरीही रशियाने काय साध्य केले हा प्रश्न उरतोच.

२०२० च्या तुलनेत रुबल दुपटीने घसरला. ५० रुबल प्रति डॉलर ने शंभरी पार केली आहे. रशियन महागाई २०२० नंतर अफाट वाढलेली आहे. २०२२ मध्ये तर महागाईचा दर १५% पर्यंत पोहोचला होता. याची परिणीती त्यांच्या व्याजदरावरही दिसते आहे. तो २०% च्या आसपास गेला आहे. "सरकारी आकड्यांचा" जीडीपी पण गटांगळ्या खातो आहे. युद्धाच्या खर्चा मुळे हेल्थकेअर आणि शिक्षण यावरचा खर्च कमी झाला आहे. दुसर्‍या एका लेखात अपौरुषेय यांनी जी न्यूयॉर्क टाईमच्या लेखाची लिंक दिली त्यावरून हेच म्हणता येईल की, इतके सगळे होऊनही त्या देशात पुतिन विरोधात बोलण्याची कुणाची हिम्मत नाही. त्यामुळे सगळा दोष मध्यवर्ती बँकेच्या अध्यक्षावर टाकण्याचा खेळ सध्या चालू आहे. महागाई दरात जरी वाढ झाली असली तरी उत्पन्न वाढवण्यात आलेल्या थोड्याफार यशामुळे आणि अधिच तुलनेने कमी असलेल्या सरकारी कर्जामुळे, अजून कर्ज काढून हे युद्ध काही काळ रशिया चालू ठेवू शकते असे CASE च्या अर्थतज्ञांना वाटते आहे.

अमेरिका हा जगात सर्वात शक्तिशाली देश आहे. रशिया काही अर्थाने अमेरिकेच्या तोडीस आहे. पहिले रशियाचे तुकडे करून अमेरिकेने विजय प्राप्त केली. पण पुतीन आल्या नंतर रशिया पुन्हा शक्तीशाली होऊ लागला. या शिवाय यूरोपियन देश ही आर्थिक रूपेण शक्तीशाली होऊ लागले होते.अमेरिकेला यावर उपाय शोधणे आवश्यक होते. . युक्रेन हा पूर्वी रशियाचा भाग होता. युक्रेनच्या काही प्रांतात रशियन लोक बहुमत मध्ये होते. अमेरिकेने याचाच फायदा घेतला. युक्रेनच्या गादीवर जेलेंस्की नावच्या एका मूर्ख व्यक्तीला आणले. रशियाला युद्ध करण्यास भाग पाडले. अमेरिका युक्रेनला तेवढीच मदत करणार जेणे करून तो युद्ध करत राहील. पण रशियाला पराजित करू शकणार नाही. या युद्धाचा तोटा यूरोपियन देशांना ही होत आहे. त्यांच्या अर्थव्यवस्थेवर ही याचा परिणाम झाला आहे. अमेरिकन शस्त्र निर्माते भरपूर कमाई करत आहे. अर्थात अमेरिकन सरकारच त्यांची सर्वात मोठी ग्राहक आहे. शस्त्र निर्मात्यांनी बाइडेन सरकारला सत्तेवर आणले. हा निष्कर्ष काढण्यात काहीच गैर नाही.
अमेरिकेने पूर्वी ही खेळी अफगाणिस्तान मध्ये ही रशिया विरुद्ध खेळली होती. त्यासाठी धर्मांध शैतानांचे ही समर्थन केले होते. संपूर्ण मध्य आशिया तर अमेरिका आणि रशियाचा शीत युद्धाचा आखाडा आहेच. आत्ताही सिरियात ईसीसला अमेरिकेने समर्थन दिले आहे. असद रशियात पळाला अशी अफवा आहे. त्याचा परिणाम भविष्यात अमेरिकेलाच भोगावा लागणार हे निश्चित आहे. हम्मासचे इजराईल वर आक्रमण अमेरिकी शस्त्र इजराईल कडे वळविण्याचा रशियन डाव होता. अर्थात अमेरिका आणि रशियन युद्धात युक्रेनी आणि फिलिस्तिनी मरत आहे. बाकी जेलेंस्कीचा तख्ता पलट झाल्या शिवाय हे युद्ध थांबणार नाही. किंवा ट्रूम्प सत्तेत आल्यावर काही तोडगा निघू शकतो.

वेगळा विषय गेल्या दहा वर्षांत भारताची आर्थिक परिस्थिति बरीच सुधारली आहे. सीआयए आणि डीप स्टेट भारताला अस्थिर करण्याचा प्रयत्न करतो आहे. तूर्त भारताला चारी बाजूंनी घेरण्याचा प्रयत्न होत आहे. त्यासाठी बांगलादेशची सरकार सीआयए ने पडली. (बांगलादेशी प्यादाला नोबेल पुरस्कार ही मिळालेला आहे) अर्थात त्याला अनेक वर्षांपासून सीआयए पाळत आला आहे. गेल्या पाच वर्षांत दिल्ली सीमेवर अनेक आंदोलने झाली आहेत. चुकून भाजप हरियाणात पराजित झाली असती तर या घटकेला दिल्लीला चहू बाजूंनी घेराव झालेला असता. बाकी बायडेन यांचा जानेवारी पूर्वी मोदी सरकार पडण्याचा कट अयशस्वी झालेला आहे.
बाकी या युद्धाचा लाभ भारताला ही झाला आहे. भारत अमेरिकी दबावाखाली झुकला नाही. आपण रशियाशी संबंध तोडले नाही. चीन ने ही वस्तुस्थिती समजून भारताशी संबंध सुधारण्याचे प्रयत्न सुरू केले आहे. तूर्त आपला हिमालय काही वर्ष शांत राहील. शस्त्र निर्माण उद्योग ही भारतात मोठ्या प्रमाणात विकसित होत आहे. भविष्यात आपण शस्त्रांसाठी अमेरिकेवर किंवा रशियावर निर्भर राहणार नाही.

नेत्यांनी आपला हट्टीपणा सोडला तरच युद्ध थांबेल.

ह्या धग्यावर जितक्या कंमेंट आहेत त्या सर्व कंमेंट जगातील सर्व मीडिया मध्ये जी स्वार्थी मत लिहली गेली आहेत त्याच अर्थच्या सर्व id न च्या commemt आहेत.
शिक्षित, उच्च शिक्षित लोक इथे आहेत पण स्वतःच्या बुद्धीचा वपार करणारे ह्या शिक्षित, उच्च शिक्षित लोकात पण कोणी नाहीं.
सब घोडे बारा टक्के च आहेत.
वाटले होते युकरेन, रशिया युद्ध बद्धल काही वेगळे वाचायला भेटेल

जाहिरात करत नाहीत हे बरोबर.

जाहिरात कुणीच करू नये.

हसे करून घेत आहेत हे बरोबरच.

>>त्यांच्याकरिता अशा जाहिराती जो कोणी बनवितो, त्याला काही किमान समज नको काय?>> इथेच तर मेख आहे. मंत्री वेगळे आणि अंमलबजावणी करणारी सरकारी खाती चालवणारे वेगळे. मंत्र्यांच्या सावलीत स्तुती करत राहिले की निवृत्ती नंतर काही समित्यांवर वर्णी लावून घेण्याची तजवीज उच्च अधिकारी ५५-६० वयात करत असतात. जाहिरातींमुळे हे उपद्व्याप जनतेला कळले पण दरवाजा मागे बऱ्याच क्लुप्त्या चाललेल्या असतात. पवाडे गात असतात. विशेष सेवा देत असतात. तो पडला उच्चाधिकारी आणि त्याने टूम काढली की त्यावर टीका कोण करणार? पायावर धोंडा पाडून कोण घेणार. मंत्री असतो पाच वर्षांपुरता खुर्चीत. तोही दुर्लक्ष करतोच. त्याला साहेब नसतो. जनता जनार्दन. जाहिरातींवर टीका म्हणजे सरकारवर टीका किंवा मत्सर म्हटले जाते.

यावरून आठवले. आमच्या शाळेत जेव्हा पाहुणे किंवा शिक्षणाधिकारी तपासणीला येत तेव्हा आमचे मुख्याध्यापक त्यांना प्रथम स्वच्छतागृह दाखवायचा कार्यक्रम करत. मग वर्गावर.

आता स्वच्छतेबाबत बोलायचे तर भारतात ९८% जनतेला काही देणेघेणे नसते. कुठेतरी कार्यक्रम उरकायचा एवढेच.
#वृंदावन, गोकूळ (२००६) ..स्वच्छतागृहापाशी भांडण..एकीला दोन रुपये? हा काय अत्याचार?
# गुजरातमध्ये जेव्हा गांधीजी रस्ते साफ करत होते तेव्हा..सकाळी... थांबा थांबा ..म्हातारा साफ करून जाऊ दे मग बसूया.
# लोनली प्लॅनेट पुस्तक ...all open spaces are public latrines...avoid beach walks. Be careful.

सांडपाणी
सांडपाणी सरळ कोणती ही प्रक्रिया न करता नदी, समुद्र ह्या मध्ये सोडले जात आहे.
पण जिथे प्रक्रिया करून सोडण्याची व्यवस्था केली आहे त्याचीही अवस्था वाईट आहे. कारण १.लोकसंख्येचा शहरातील रेटा खूप अधिक सांडपाणी निर्माण करते त्यास विघटनासाठीचा वेळ अपुरा पडतो. २. संडास बाथरुमात टाकली जाणारी जंतूनाशके विघटन करणाऱ्या जंतूनाही मारतात. एवढंच काय गोठ्या तल्या शेणाचा बायोगॅस करणारी संयंत्रे ही काहीवेळा बंद पडतात.कारण गायींना दिलेली औषधे नंतर शेणात जात असावीत.