तत्कालिन : डाॅल्बीविरुद्ध सेनापती विद्यानंद बापट

विद्यानंद बापट कमालीचे चॅनेलप्रिय व्यक्तिमत्व झाले आहेत. गेल्या चारपाच दिवसात त्यांच्या अनेक मुलाखती गाजत आहेत.
कुठेही बोलताना एकही वावगा शब्द त्यांच्याकडून येत नाही. तर्ककर्कश्य म्हणावे इतक्या कठोरपणे ( पण आवाज खाली ठेवून)आणि कोऱ्या चेहऱ्याने बोलत असतात.
गणपती उत्सवानिमित्ताने होणाऱ्या ध्वनिप्रदूषणाविरुद्ध बोलत असतात. समाजातील बराच मोठा वर्ग सोशल मीडियावर त्यांच्या बाजूने लिहीत आहे आणि काही त्यांच्या बोलण्यात खोट काढण्याचा प्रयत्न करणाऱ्यांच्या वर तुटून पडत आहेत.
त्यांना गप्प करण्याचा प्रयत्न करणाऱ्या लोकांचेच हसे होत आहे. (उदा. भाजप शहरप्रमुख घाटे) राजकीय पार्श्वभूमी कुठलीच नसल्यामुळे सर्वपक्षीय ( अगदी भाजप सुद्धा) मध्यमवर्ग त्यांच्या बाजूने उभा राहिला आहे. शुद्ध आणि स्पष्ट मराठी , हातासरशी सॉक्रेटिस ते तुकाराम ते भारताची राज्यघटना याचे दाखले देत असल्यामुळे कि काय माहित नाही , लोकांना ते परके वाटत नाहीत.
नारायण पेठेतले आहेत . नारायण पेठेतील तळटिपांसकट तर्कशुद्ध लिहिणारे आमचे मित्र इथे आपल्याला परिचित आहेतच.
गेले चारपाच दिवस पुण्यात धमाल उडाली आहे या विषयावर.
for a change , उत्सवाच्या निमित्ताने धुमाकूळ घालणारे राजकीय पाठबळ असणारे पुंड प्रवृत्तीचे लोक बॅकफूट वर आहेत .
मजा आ रहा हय .
परदेशी राहणाऱ्या इथल्या लोकांना काय चाललंय हे बघायचं असेल तर त्याच्या मुलाखती बघाव्यात ( starting from महानगरपालिका सभागृहात जाऊन त्याने आपला मुद्दा मांडला आणि तिथे काय गदारोळ उठला. करमणूक आहे )

मेरी भी तळटीप : इथे डॉल्बी , DJ, प्लास्मा इत्यादी शब्दांचा अर्थ अत्यन्त मोठ्या असह्य आवाजात लावले जाणारे स्पिकर्स असा घ्यावा.

>>>अखंड हिंदूराष्ट्र, राष्ट्रप्रथम वाल्या लोकांची पंचाईत झाली आहे.

हा शोध खूपच गंमतीचा आहे. कोणते ए आय वापरले?

कारण महाराष्ट्रात बरेच ठिकाणी कामानिमित्त गणपती उत्सवात फिरत असतांना डीजे लावणारे कार्यकर्ते सर्वपक्षीय असतात... आणि बहुतेक डीजेवाले मराठा आणि ओबीसी समाजातून येतात. त्यांच्याकडे काम करणारे (जे स्वतःला मुजिशीयन) असे म्हणवून घेतात ते बरेचदा शेड्युल्ड कॅटेगरीतले असतात. या डीजेवर नाचणारे सुद्धा हेच लोक असतात. तथाकथित अभिजन यात नसतातच. त्यामुळेच सरकार पटकन डीजेवर बंदी आणू शकत नसावे असे वाटते.
म्हणून विचारले की कोणते ए आय वापरले..? उत्तर अडचणीचे असेल तर दिले नाही तरी चालेल.

>>>सरकार पटकन डीजेवर बंदी आणू शकत नसावे असे वाटते.>>
का बरं?
किती मोठा आवाज किती वेळ सार्वजनिक ठिकाणी करता येणार नाही याचे नियम असतीलच. तो नियम लावा आणि करा बंद.
चैत्र महिन्यापासूनच ( गणपती भाद्रपदात येतात)बंदी आणली असती तर ढोल ताशा सराव पथकांचा सराव वाचला असता.
तर बापटांनी तुतारी हाती घेतली आहे .कुणी मला आणून द्या बोलले नाहीत.

दोन वेळा प्रतिसाद.

बापट कॉमर्स graduate आहे. BPO मध्ये नोकरी करता. ही पार्श्वभूमी उलट त्यांना अधिक आकर्षक बनविते. ते पारंपरिक कार्यकर्ते किंवा पारंपरिक बुद्धिजीवी वर्गातून आलेले नाहीत असे असूनही एक सामान्य माणूस असूनही ते ज्या passion ने आपला मुद्दा मांडत आहेत भांडत आहेत ते खूप कौतुकास्पद आहेच आहे.
संस्कृत इंग्रजी मराठी सर्व भाषा वापरून तार्किक बोलून बहार आणले त्यांनी. त्याहून महत्वाचं ज्या मुद्द्यावर कोणीच तोंड उघडत नाही आणि ताप ओढवून घेत नाही तिथे हा माणूस आपली Time energy लावतोय हेच खूप आशावादी आहे.
मात्र अखेरीस फार काही होणार ही अपेक्षा भाबडी आहेच. एक साध उदाहरण राज ठाकरे सारख्या मोठ राजकीय पाठबळ असलेल्या नेत्याने जे आक्रमक सुद्धा आहेत कार्यकर्त्यांची फौज ही आहे तरी त्यांना मशिदींवरील भोंगे बंद करता आले नाहीत.
त्यामुळे बापट काही क्रांतिकारी बदल घडवून आणतील असे तूर्तास तरी वाटत नाही.
अंदाज चुकला आणि क्रांती झाली तर आनंदच वाटेल.
बघूया

Dj, डॉल्बी, लेसर ह्या वर पूर्ण बंदी ही भूमिका अगदी योग्य आहे.

मग लग्न असू किंवा कोणता ही कोणत्या धर्म चे धार्मिक सण असू किंवा जयंत्या.

ही. भूमिका मांडणारा व्यक्ती आस्तिक किंवा
नास्तिक असण्या च काही संबंध नाहीं.

विद्यानंद बापटांवर मारहाणीचा प्रयत्न; हल्लेखोर संतोष चव्हाण पोलिसांच्या ताब्यात.

राजकीय प्रचार, समाज माध्यम वरील प्रचार, ह्याचा इतका परिणाम लोकांवर होत आहे की आर्थिक प्रगती च ध्यास सोडून फालतू गोष्टी महत्वाच्या वाटत आहेत.
मराठी लोक च जास्त ह्या गोष्टी चे बळी ठरत आहेत.

सर्वप्रथम, I must confess that I am terribly impressed. (अर्थात, ते महत्त्वाचे नाही. कारण, 'न'वी बाजू नावाचा अटलांटातील कोणी सोम्यागोम्या impress व्हावा, हा बापटांचा फोकस असेलसे वाटत नाही. (तसा तो असूही नये.) त्यांना जे पटते, ते ते निर्भीडपणे, रोखठोकपणे मांडतात, असे दिसते. कोणी त्यातून impress व्हावे, हे त्यामागील उद्दिष्ट नसावे.)

(त्यांच्या अनेक मुलाखती पाहिल्यावर त्यांत अनेक मुद्द्यांचा तोचतोचपणा जाणवतो खरा, परंतु, तो त्यांचा दोष नव्हे. त्यांना दर खेपेस जर तेचतेच प्रश्न विचारले गेले, तर त्यांची प्रत्येक खेपेस निरनिराळी उत्तरे त्यांच्यासारख्या logically consistent माणसाने द्यावीत, अशी अपेक्षा कशी करता येईल बरे? मात्र, या निमित्ताने त्यांची विचारपद्धती अनेक जणांपर्यंत पोहोचते आहे, हे चांगले आहे.)

माणसात वैचारिक स्पष्टता तथा तर्कसुसंगती, दोन्हीं दणकट आहेत, हे निश्चित. आजकाल हे दोन्हीं गुण दुर्मिळ आहेत.

ते स्वतःला नास्तिक म्हणवतात. तो अर्थात त्यांचा दृष्टिकोन आहे, नि तो आपल्या जागी ठीकच आहे. आणि, नारायण पेठेत राहून जर ते left of center राहू शकत असतील, तर, good for him, and may his tribe grow!

Having said that,

"प्रथा परंपरेच्या नावाखाली सतीप्रथा, बालविवाह, जरठकुमारी विवाह, केशवपन या सगळ्याचं तुम्ही समर्थन करायला जाल."

यात एकच गोष्ट खटकते. म्हणजे, बापट स्वतः प्रतिपक्षाच्या आर्ग्युमेंटांमधील logical fallaciesचे दाखले देत असतात. (आणि, ते चपखलही असतात; त्याबद्दल वाद नाही.) परंतु, प्रतिपक्षाने जो मुद्दा केलेलाच नाही, त्यावरून त्याला ठोकणे, हे नक्की कोठल्या fallacyचे उदाहरण म्हणता येईल बरे? (तर्कशास्त्राचा माझा अभ्यास तितकासा चांगला नसल्याने हा प्रश्न विचारतोय. कदाचित हे गुगलून काढता येईलही. परंतु, ही जी कोठली fallacy असेल, ती असो, परंतु, हे चटकन डोळ्यांत भरले नि खटकले खरे. कारण, आजमितीस सतीप्रथा, बालविवाह, जरठकुमारी विवाह, केशवपन, यांपैकी कोठल्याही कुप्रथेचे समर्थन प्रतिपक्षापैकी कोणीही केल्याचे निदान माझ्या माहितीत तरी नाही. (Although, not necessarily on account of any enlightenment, I am pretty sure. It is merely that justification of such practices is so last century, you know, and certainly not the in thing these days. Unless, of course, some socio-political entity decides to make it the in thing again. But, until then...) उगाच 'उद्या तुम्ही समर्थन कराल' या जर-तरला काय अर्थ आहे?)

(आता, मी हे जे काही मांडले, तो वरकरणी (बापटांच्या लाडक्या) tu quoque fallacyचा प्रकार वाटू शकेल कदाचित. तर तो तसा नाही. बापटांनी जी भूमिका मांडलेली आहे, ती एकंदरीत मला पटते. तिला माझा अजिबात विरोध नाही. (त्यात त्यांच्या नास्तिक्याचा किंवा नास्तिक्यवादी भूमिकेचा जो भाग आहे, तो त्यांच्या वैयक्तिक विचारसरणीचा भाग झाला; त्यांच्या भूमिकेचा तो भाग मला शंभर टक्के पटेलच, असे नाही, परंतु, त्याला माझा विरोधही नाही, आणि, at least, I think I understand where he is coming from.) आणि, ती भूमिका मांडताना त्यांची तार्किक सुस्पष्टता वाखाणण्याजोगी आहे. फक्त, त्या तर्कशुद्धतेला तर्कदोषाचे हे किंचितसे गालबोट लागू नये, म्हणून हा खटाटोप. (अर्थात, त्यांची मुलाखत घेणार्‍यांपैकी किती जणांना हा किंचित तर्कदोष लक्षात येईल, हे शंकास्पदच आहे म्हणा! चालायचेच.))

(बाकी, बापटांचे हे किंचित 'चुक्याच' हे मी त्यांचा right to be wrong म्हणून सोडून देतो. असो.)