मी आडकित्ता कसा झालो?

सारीका माझ्या सख्ख्या बहीणीचे नाव होते. :(. मला हे नाव प्रिय आहे.
______

जालावर मला मराठी वाचायचे होते आणि एक मस्त सेन्स ऑफ बिलाँगींग हवा होता जो गटामध्ये येतो. मला खूप वाचायला मिळते आहे :). मला इथे खूप आवडते.

तुम्ही तुमचा आयडी का घेतला?

हाच प्रश्न सदस्यपानावरही आहे. तिथलेच उत्तर इथेही -

कर्णपिशाच्चाने येऊन कानात सांगितलं की हे नाव घ्या आणि अर्थातच, माझी मर्जी.

जालावर या आयडीने वावरताना तुम्हाला काय करणे अपेक्षित होते?(मला दंगा करायचा होता. पण इथे सगळेच मला डॉ. म्हणायला लागलेत. मग माझी जरा गोची झालिये.)

नावात काय असते? मी कोणतेही नाव घेतले तरी माझा उद्देश कायम असतो. मला इतरांची गोची करायची असते. ;-)

हे माझंच नाव आहे
कृपया जाइ न करता जाई असे टंका
आँलरेडी अमराठीभाषिकांकडून जेई जेयी जायी अशी नावाची काशी घातली जाते

मी या धाग्यावर प्रतिसाद देण्यास कायद्याने 'अपात्र' आहे कारण ज्यानी वेगळी आयडी घेतली आहे अशानीच इथे त्यामागील आपली भूमिका मांडावी अशी डॉक्टरांची लीगल वॉर्निंग आहे. या दुनियेत नवखा असल्याने मला आयडी वेगळ्या नावानेही घेता येतो हे काही जाणवले नाही वा तशी मला कुणी सूचनाही केली नाही. त्यामुळे सत्य नावानेच लॉग-ईन केले आणि पहिल्यात प्रयत्नात नाव स्वीकारले गेलेही.

पण "प्रोबॅबिलिटी" च्या दृष्टीने पाहिल्यास मला जर वेगळ्या नावाने आयडी घ्यावासा वाटला असता तर नक्कीच मी "ललित" ह्या पहाटेच्या वेळी गायल्या जात असलेल्या हिंदुस्थानी रागाचे नाव त्यासाठी घेतले असते. काही वर्षापूर्वी मी याच वेळेला फिरायला रंकाळा तलावाकडे जात असताना उपनगरातील एका छोट्याशा बंगलीतून पूरवी थाटाची बंदिश कुणी गुरु गात असल्याचे जाणवत असे. थोडावेळ मी तिथे नकळत रेंगाळत असू. नेहमीच ललित गात होते असे नाही, मात्र जे गायचे ते सुर्योदयापूर्वीचेच जसे भटियार, रामकली, जोगीया राग असत. पैकी ललित माझ्या मनी फार उतरला होता आणि या रागावर बांधलेले 'रैन बिती जाये' हे लताचे गाणेही.

अशोक पाटील

मला दुसर्‍या संस्थळावर सदस्य नाव घेताना एकही चांगलं नाव सुचलं नाही. आता काही सुचत नव्हत, म्हणून अनामिक. मग तेच कायम ठेवलं.

मी हे एवढं लांब सदस्यनाम का घेतलं याचा मूळ उगम मीच आता विसरले आहे.
मुळात मी जेव्हा मराठी आंजावर आले तेव्हा अदिती असं नाव मिळालं नाही म्हणून मग त्यात काही भर घालावी लागली. आडनाव वापरायचं नव्हतं, आडनावावरून जात समजते, इ.इ. कारणं होती. मी मराठी आंजावर आले त्या काळात विक्षिप्त हा शब्द माझ्या वापरात होता आणि मी बर्‍यापैकी विक्षिप्त आहे (असं मी धरून अनेक लोकं म्हणतात) त्यामुळे तो शब्द आला. पाय हा इरॅशनला आकडा मला आवडतो म्हणून तो ही घुसडून दिला. तेव्हा काही फार विचार केला होता असं वाटत नाही, पण एकदा नावाला 'ग्लॅमर' आल्यावर बदलण्याचा विचार केला नाही.
प्रत्यक्ष आयुष्यात दोन नावांमुळे शाळेत जायला लागल्यापासून त्रास आहेच.

धागा उडवा वगैरे कशाला, करू या "मौजमजा" नावाखाली मौजमजा.

आम्ही आमच्या अथांग गुणां(अवगुणां)ची कल्पना इतरांना यावी म्हणून सदर सदस्य नाम घेतले. ;-) आता तुम्ही म्हणाल सात समुद्रांना काय रोग झाला होता का? पण समुद्रात तो खेळकरपणा नाही! ;-)

मी ऐसीअक्षरेवर आलो तेव्हा माझ्या जालीय मित्र-मैत्रिणी आयडींनी दिलेलं 'ऋ' हे सदस्यनाव घेणार होतो पण मग दुसर्‍या कोणि 'ऋषिकेश' घेतलं तर (मला स्पष्टीकरणे देत बसावे लागेल असे वाटल्याने ;) ) सर्वत्र समान नाव ठेवावे लागले

टंकण्यास सोपा वाटलेला शब्द म्हणून. शिवाय माझ्या टोपण नावाच्या जवळही जातो.

वास्तवीक जगात ओझ्याच्या बैलासारख्या त्याच त्या जबाबदार्‍या घेऊन उगाचच मोठ्या माणसासारखा आव आणून जगण्याचा कण्टाळा आला म्हणून....
शिवाय कुणीससं म्हणून गेलय, लहानपण देगा देवा, मुन्गी साखरेचा रवा... तस गाण पण आहे.
थोडक्यात म्हणजे व्यवहारी जगात जे ढोन्गी मुखवटे चढवुन वावरतो त्याचा उबग आल्याने, निखळपणे व्यक्त होता यावे, थोड्याफार टॅम्प्लिजा नि एस्क्युजा मिळाव्यात म्हणून ही आयडी.
(अर्थात अपेक्षा एक अस्ते, घडते वेगळेच)

'मी' मी असल्याने 'मी' आहे.

मी खर्‍या नावानेच वावरतो.

काहीजण जालप्रसिद्ध आयडी घेऊन तोतयेगिरी करतात तसे मी नाही करत.

तुम्ही तुमचा आयडी का घेतला?

मी यशवंत कुलकर्णी आहे म्हणून !

सोपे आहे आणि उपलब्ध आहे म्हणून माझे खरे नाव घेतले.

आमच्या एका नातेवाईकांमधल्या भावा-बहिणीची भांडणे लहानपणी गाजलेली आहेत. तो तिला 'यल्लम्मा कैकाडीण' असे म्हणायचा. ती प्रत्युत्तरादाखल 'तिरशिंगराव माणूसघाणे' असे चिडवायची. ते नांव लहानपणीच मनावर कोरले गेले. आणि संधी मिळाल्यावर वापरले. तसाही गर्दीच्या ठिकाणी माझा जीव घुसमटतोच!

जे काही बोलायचं करायचं ते लपुन छपुन नाही तर खुलेआम हा स्वभाव असल्याने खर्र खुर्र नावच कायम ठेवलेलं आहे.

आडकित्ता दागदर तुस्सी तो छा गये!! जिकडे तिकडे तुमचे धागे दिसताहेत. पण मस्त धागे. मजा येते वाचायला. येऊंद्यात असेच. :)
अवांतर - या स्मायली आल्या ते एक बरं झालं

"The known joy" हा इंग्रजी शब्दप्रयोग देवनागरीत लिहून माझे सदस्यनाव बनलेले आहे.

टीप १ : आमच्या इकडे काही लोक "The"चे देवनागरीकरण "धी" असे करतात. उदाहरणार्थ "धी उडुपी अँड मणिपाल बँक लिमिटेड". मात्र इंग्रजी वर्गात मी शिकलो, की "धी" व्हॉवेलच्या आधी म्हणायचे असते, आणि कन्सोनन्टांच्या आधी "ध" म्हणायचे असते. म्हणून "ध"
टीप २ : "Joy Mukherjee"चे देवनागरीकरण "जय मुखर्जी" असे होते. तस्मात् सदस्यनामात दिसणारे देवनागरीकरण.
टीप ३ : मी अननुभवी होतो, तेव्हा मी धियंनंजय="The unknown joy" नावाने ओळखला जात होतो. प्रेमभंगाच्या काळात "The none-joy" असे नामही धारण करता झालो आहे. देन अमुक न्यू तमुक अँड डिड नॉट बिगेट ढमुक, वगैरे कथा पुराणात प्रसिद्धच आहेत.

भाईकाकांचे नंदा प्रधान हे माझे आवडते व्यक्तिचित्र. म्हणून हा आयडी घेतला.

५०चं टार्गेट या धाग्याने जमवलंय. सो पहिला सारांश द्यायची जबाबदारी धागा बनवला म्हणून माझी आहे.

काय सारांश फिरांश नै. धागा मौजमजेत हाय.

पन पैलं बक्षिस जातंया त्ये Theknownjoy भौ ला. तुमास्नी ३ रस्गुल्ले विरोपित केले हैत. प्रिन्टाऊट काढून खावा ही इनंती!~

(धाग्यांचे वस्त्र विणण्यात मश्गुल!) आडकित्ता!

-----------
स्ट्याचूटरी वार्निंगः
ग्वाड खाल्ल्यावर दात घासत जावा. न्है तर किडत्याल

आय शप्पत माजा काईबी दोश नाई
देवानं गायकवाडांच्या घरात जन्माला घातलं अन गायकवाडांनी मिळुन रविंद्र अस नाव ठेवलं मला कुनाला नावं ठेवायला आवडत नाय म्हून असच्या असं ठेऊन दिलं

नाव मोहन आहे, पण हा आयडि ग्राह्य न धरल्यामुळे पुढे राव लावला - मोहनराव!!

माधव ज्युलियन यांनी "फ्री व्हर्स" ही संज्ञा मराठीत आणताना त्याला "मुक्तसुनीत " असं नाव दिलं. मुक्तछंदातल्या कविता आवडतात. म्हणून ते घेतलं.

... हे नाव आम्ही का घेतल हे अजुन आम्हालाच नाही कळंल .. कुणाला काही कल्पना..?

म्या दुष्काळात आणि दुष्काळी भागात जनमलो, म्हणून..... हॅ..हॅ.हॅ

माझ्या नावाबद्दल सांगायलाच हवे का? :P

कोणी पुणेरी, कोणी कोल्हापुरी, कोणी नागपुरी तसे आम्ही (कुठेही गेलो बोंबलायला तरी) नगरी.

हे नाव माझीच रीव्हर्स (मराठी?) बाजू दाखवणारे आहे आणि जालावरचा माझा वावर त्या माझ्या बाजूचा शोध घेण्यासाठीच आहे, म्हणून ते सार्थ वाटले. ;;)

एका गणेशोत्सवात हौशी कलाकारांसोबत एक नाटक बसवले होते, बटाट्याच्या चाळीतील पात्रांवर. त्यात मी 'सोकाजीनाना' साकारले होते. त्यामुळे आयडी घेताना विचार न करता आपोआप हेच नाव सुचले.
तसेही टोपणनाव घ्यायचेच हा विचार ठाम होता. 'मोठेमोठे साहित्यिक' टोपणनावाने लिहीतात असे आमचे मराठीचे मास्तर आम्हाला शिकवायचे ;)

- (टोपणनाव असलेला) सोकाजी

अत्रुप्ती हा जिवनाचा मूलाधार आहे..(माझ्या ;-) ) ह्याची जितके टक्के खात्री असायला लागते,तितके टक्के खात्री आहे. म्हनुनशान म्या अत्रुप्त आत्माच हाय.

माझ्या नावाबद्दल जास्त काही सांगणे न लगे. बॅटमॅन हा सुपरहीरो (जरा जास्तच) आवडत असल्याने आणि शिवाय रात्री जाग्रणही दाबून होत/करत असल्याने हा आयडी घेतला.

बोलीभाषेत, 'उपवास' याचं 'उपास' झालं, अर्थातच उपाशी राहाणे इतकाच मतितार्थ नसून संयम, नियमन असा 'तृप्तीकडे नेणारा' आहे ;) नावाशी जवळीक आहेच पण मध्यमवर्गीय घरातील धार्मिक वातावरण (उपास्-तापास) इ.मुळे उपास हे संबोधन लहानपणापासूनच रुढ झाले, त्याच नावाने आंजावर सर्वत्र वावर!

शाळेत असताना एका धड्यात असलेल्या " बाबा बर्वे " ह्या व्यक्तिचित्राच्या आणि आम्च्या आडनाव-साद्धर्म्यामुळे शाळेतच अस्मादिकांना हे दुसरे नाव मिळाले होते. त्यामुळे आंतरजालावर नविन नाव घ्याय्ची गरजच उरली नाही ..

हे सदस्यनाम का घेतले? >>>>>

कोठे आणी काय बोलायचे आणि केव्हा नाही बोलायचे एवढे कळण्याएवढा सुज्ञ आहे म्हणून :)

माझी चार अक्षरे माझ्या नोकिआच्या छोट्या किपैडवर लगेच ठोकता येतात आणि माझं वागणं बोलणं बरंचसं आइडिशी मिळतं जुळतं आहे याबद्दल एकमत आहे .तंसं 'कटकट' ही चाललं असतं .