Skip to main content

नक्कीच माणसाची बदलेल जात पैसा....

जैसा जमेल तैसा आणा घरात पैसा
काट्यात शोध पैसा , फुलवा फुलात पैसा!

जेव्हा मनात असतो तेव्हा करात नसतो
असतो करात तेव्हा नसतो मनात पैसा !

असतेच माणसाची पैसाच जात हल्ली
नक्कीच माणसाची बदलेल जात पैसा...

उशिरा मला कळाले-ती नाचणार तोवर
जोवर असेल माझ्या नाचत खिशात पैसा..

दु:खात माणसाला लोटून तोच देतो
आणिक हळूच नंतर हसतो मनात पैसा !

दररोज साजरी तो करतो पहा दिवाळी
दररोज काढतो अन् त्याची वरात पैसा

घेईल का विकत तो प्रेमास काय
केव्हा..?
दररोज विकत घेतो जरी चांदरात
पैसा ..

ऋषिकेश Tue, 09/07/2013 - 16:55

ऐसीअक्षरेवर स्वागत!
कविता ठिक. पुढील कवितेसाठी शुभेच्छा!