.
सुशेगाद
प्रश्नचिन्हाच्या माळा लावोनी
दाखवे नवी बाजू
देइ दणका प्रतिक्रियेचा
ट्रोल लागले माजू
पुण्य जाहले कमी
असे का रे राजू
वाटे श्रेण्यांची खैरात
संपादक लागले कुजू
वैतागता विद्वान ऐसीवरचे
खरडावयास नको लाजू
काहूनी उचके खोपडी
खा तू सुशेगादचे ज्ञानकाजू
पुसती का परत आलो
नाहीतर कुठे मी खाजू?
प्रेरणास्रोत-नवी बाजूंनी विचारलेला गहन प्रश्न.
परत का आलात?
निराशा
'जू' असे शीर्षक वाचून, उवांबद्दल काही कविता असेल, अशा समजुतीखाली मोठ्या उत्साहाने वाचायला आलो, तर इतरत्र अगोदरच छापलेली तीच ती (आणि, मुख्य म्हणजे, उवांशी पूर्णपणे असंबद्ध) कविता वाचायला मिळाल्याने घोर निराशा झाली.
निदान एकदोन उवा तरी चवीपुरत्या टाकायला हव्या होत्या, असे राहूनराहून वाटते.
या दृष्टीने,
या ठिकाणी,
अशी सुधारणा सुचवू इच्छितो. कदाचित कवितेच्या प्रभावित्वात फरक पडू शकेल, अशा आशेने प्रयोग करून पाहावयास हरकत नसावी.
शिवाय,
या ठिकाणी,
असाही प्रयोग करून पाहता येईल. (शिवाय, त्याने चवीपुरत्या मोजून दोन उवाही होतील, हा बोनस फायदा.)
सूचनांवर जरूर विचार व्हावा.
एरवी, सुभान आला, माश्यासुद्धा आल्या, सग्गळे सग्गळे आले३, हे मुद्दाम वेगळे सांगणे न लगे.
पुढील प्रयत्नांस शुभेच्छा.
-------------------------------------------------------------------------------------------------
१ "सुशेगादचे ज्ञान-का???" हे "सुशेगादला ज्याच्याकरिता 'का???' असे विचारले, त्यामागील सुशेगादच्या कारणाचे ज्ञान" अशा अर्थाने.
२ आदल्याच चरणात खोपडी उचकल्यावर२अ "जू" - बोले तो, ऊ - भेटायचीच ना?
२अ चरणात खोपडी उचकल्यावर चरणांत उवा होण्याची शक्यता काय, हा प्रश्न तूर्तास भेडसावत आहे. पायांत उवा झाल्याच्या केसची आजवरच्या वैद्यकीय इतिहासात नोंद असल्यास कल्पना नाही - बहुधा नसावी, असे वाटते; निदान, ऐकलेली तरी नाही; चूभूद्याघ्या. - परंतु देअर क्यान ऑल्वेज़ बी अ फर्ष्ट. सबब, जरा जपून, एवढेच नम्रपणे सुचवायचे आहे.
३ फक्त, ज्यांच्यावर कविता आहे, त्या मुदलातल्या उवा तेवढ्या आल्या असत्या, तर फार बरे झाले असते. असो.