Skip to main content

दोन ऋणांचा गुणाकार धन असतो

वृद्धाश्रम आणि अनाथाश्रम हे दोन्ही
एकाच संकुलात का चालवत नाहीत?
वृद्धांचं अनाथपणही दूर होऊ शकेल
अन अनाथांची पालकत्वाची गरजही पूर्ण होऊ शकेल
किती छान होईल जेंव्हा
एखादा अनाथ मुलगा सांगेल
‘मला २५ आजी-आजोबा आहेत, मी अनाथ नाही…'
किंवा एखादे एकाकी पडलेले आजी-आजोबा
दहा-वीस मुलांना रोज गोष्टी सांगून झोपवतील…
मुलांनी वृद्धाश्रमात टाकणं हे दुर्दैवच वृद्धांसाठी
आई-बाप नसणं किंवा त्यांनी टाकलेलं असणं
हेही दुर्दैवच अनाथांसाठी
दोन ऋणांचा गुणाकार धन असतो
तसा दोन दुर्दैवांचा मेळ
या दोघांसाठी
सुदैव ठरू शकेल का?

साभार- https://www.facebook.com/prasad.shir

मी Mon, 05/05/2014 - 10:51

काही ठिकाणी हा प्रयोग करुन झाला आहे, मुलांचा गोंगाट म्हातार्‍यांना सहन होत नाही आणि मग म्हातारे चीडचीड करत बसतात. बहुदा हा प्रयोग पुण्यातल्या 'आपलं घर'वाल्या फळणीकरांनी केला आहे.

सविता Mon, 05/05/2014 - 15:12

स्वतःच्या नातवंडांचे आवाज सहन होत नाहीत, किंवा त्यांच्या आई वडिलांना अपेक्षित असलेल्या सगळ्या गोष्ती आजी आजोबांकडून होणार नाही असे पालक / आजी-आजोबा किंवा दोन्हीना वाटल्याने नातवंडे डे-केअरला सोडलेली पाहिली आहेत

............सा… Mon, 05/05/2014 - 17:49

मूळात वृद्ध लोकांना सहजीवन, शांततामय आयुष्य, व्यायाम, खेळ, मनोरंजन, छन्दोपासना आदि अनेक गोष्टींची निकड असते, आवड असते हे लक्षात घेउन ती ती साधने उपलब्ध करून दिली पाहिजेत.
फक्त मुलांना सांभाळण्याच्या कामास वेठीस धरताच कामा नाही.