ही बातमी समजली का? - २५

श्रावण किंवा संजयच्या आठवणी फारशा काढल्या नाहीत बहूदा, जयदेव डोळ्यांचं भाषण रंजक होतं, ते ऐकल्यावर मेधा पाटकर म्हणाल्या ते "श्रावण आणि संजय सारखी विचारवंत आणि राजकीय जाण असणारी माणसं आता आमच्या आजूबाजूला नाहीत" हे पटलं. निदान प्रेक्षकवर्ग बघून तरी जयदेवांनी भाषण करायला हवं होतं पण त्यांच्याही मर्यादा असाव्यात. मेधा पाटकरांनाही आपच्या अपयशाची कारण मिमांसा करताना आप-आत्म-परिक्षणाएवजी मोदींच्या अतिरेकी-भव्य-शोबाजीची चिकित्सा करणं टाळता आलं नाही, दुर्दैवाने मला मधेच कार्यक्रम सोडून जावं लागल त्यामुळे त्यांच भाषण पूर्ण ऐकू शकलो नाही आणि दीक्षितांचं भाषणही ऐकता आलं नाही त्यामुळे त्यांनी पुढे काय सांगितलं हे समजले नाही.

एक गोध्रा वगळता मोदींनी नक्की काय वाईट केलं आहे हे सांगताना ह्या बुद्धीवादी वर्गाची अडचण होते आणि मग स्पेक्युलशन(फारच कच्ची माहिती) करुन एक भेसुर भविष्याचं चित्र रंगवलं की त्यांना हायसं वाटतं आणि आपण ह्या सामान्य(मध्यमवर्गीय) क्लासपासून(त्याच्या चॉइस) कसे वेगळे आहोत हे वाटून घेण्यात समाधान मिळत असावं काय?

आता हा दुवा उघडत नाहिये, पण हाच जर फेसबुकवर फिरत असेल तर याच दुव्यावर सागरिका घोष यांच्यावर (मोदी निवडून येण्याची मोठी शक्यता असल्याने) फार अ‍ॅन्टी मोदी वक्तव्ये न करण्याचा दबाव होता असे लिहिले आहे (हा दुवा तो नसेल नसेल तर चेपु अ‍ॅक्सेस होऊ लागले की देता येईल)

हे खरे असले तर.... असो. समझदार को इशारा काफी है!

वागळे हे एक चांगले पत्रकार आहेत.

उत्तरप्रदेशात दोन बहिणींवर अत्याचार करुन फाशी दिले.

एका आठवड्यात एका राज्यात १७० बलात्कार?

१७०? मला त्या लेखात २०१३ मधल्या कुठल्यातरी आठवड्यात १२६ बलात्कार हा आकडा दिसला. (कदाचित असं आकडे फुगवणं वाढलेलं असावं) माझा असा अंदाज आहे की दर आठवड्यात १२६ बलात्कार नसून हा सगळ्यात मोठा आकडा असावा. पण उत्तरप्रदेशची लोकसंख्या भारताच्या एकशंष्ठांश आहे. त्यात ग्रामीण लोकसंख्येचं प्रमाण खूपच जास्त तेव्हा भारताच्या एक पंचमांश बलात्कार उत्तरप्रदेशात झाले असणं सहज शक्य आहे. म्हणजे वर्षाला सुमारे चार हजार. रेप सेंट्रल, रेप कॅपिटल वगैरे शब्द जास्त लोकसंख्येच्या शहरांना किंवा राज्यांना लागू केले जातात.

'वीस कोटीमध्ये वर्षाला चार हजार बलात्कार व्हायचेच, त्यात काय विशेष?' अशा प्रकारचा हा युक्तिवाद नाही. पण शून्य कमी करत गेलं की आपल्याला आकड्यांचा अंदाज येतो. वीस लाखांत वर्षाला चाळीस, वीस हजारांत वर्षाला चार दशांश, दोनशेमध्ये वर्षाला चार सहस्रांश. म्हणजे हजार लोकसंख्येच्या गावात दर पन्नास वर्षांत एक. हे डोळ्यापुढे स्पष्ट असल्यावर आपल्याला या प्रश्नाविषय़ी बोलताना पर्स्पेक्टिव्ह राहतो.

खरोखरच हे विष वाढू लागलं आहे. उगाच रिपोर्टींग वाढलं आहे नि दरडोई टक्का तोच आहे असे म्हणण्यात हशील नाही.

अहो, खरा तर आधुनिक समाजांत, शहरीकरणात हा टक्का कमी होताना दिसतो...

युआनश्वांग

या सद्गृहस्थांच्या नावाचा 'युआनश्वांग' असा उल्लेख शाळेच्या मराठी माध्यमाच्या इतिहासाच्या पाठ्यपुस्तकात वाचला होता, त्यानंतर प्रथमच असा वाचला, नि गहिवरून आले.

(अर्थात, त्यांच्या नावाचा खरा उच्चार काय, तो त्यांचा त्यांनाच ठाऊक.)

'आमच्या'कडे नाही का, उजवे लोक सत्तेवर आले, की लग्गेच विज्ञानाच्या अभ्यासक्रमातून उत्क्रांतिवाद काढून टाकून - किंवा, पूर्णपणे काढून न टाकल्यास, उत्क्रांतिवादास 'काही लोक असेही म्हण्टात बॉ... तुमचे तुम्ही ठरवा काय चूक काय बरोबर ते'-छाप पर्यायी थियरी म्हणून अभ्यासक्रमात ठेवून (हौ वेरी लिबरल ऑफ देम!) - त्या जागी (किंवा प्रकर्षाने त्याबरोबर) 'जगन्नियंत्याने (/ कोण्या बुद्धिमंत अमानवी शक्तीने, योजनाबद्धरीत्या) हे विश्व सहा हजार वर्षांपूर्वी सात दिवसांत निर्माण केले' आणि/किंवा 'डायनोसॉर हे येशूच्या समकालीन होते' असले काहीतरी घुसडू पाहतात - त्यातलाच प्रकार!

कारण कुणा एकाला झोडणे सोपे नै त्या संदर्भात म्हणून.

मला हे अलार्मिंग (काही प्रमाणावर) वाटते. जी वृत्तपत्रे मोदीविरोधी मजकूर छापतील त्यांना इतर बाबतीत छळणे सुरु केले तर अवघड आहे. मला स्मरते त्यानुसार बोफोर्स चे प्रकरण जाहीर झाल्यानंतर काँग्रेस सरकारने इंडियन एक्सप्रेस वर काही डझन (की काही शे) खटले दाखल केले. कंपनी कायद्याच्या विविध तरतूदी अन्वये. तसले प्रकार होता कामा नयेत.

लिबर्टेरियन लॉजिक नुसार सरकारला ह्याचे रेकॉर्ड जमवण्याचे अवश्य अधिकार असावे. फक्त रेकॉर्ड जमवण्यासाठी किंवा जमवल्यानंतर कोणावरही बळजबरी होता कामा नये व कोणाच्याही अधिकारांचे उल्ल्लंघन होता कामा नये. Govt should be able to use its existing rights to gather, warehouse, mine and analyze the content which is publicly available. पण हे सगळे पब्लिकचे च आहे हे सरकारने विसरू नये. Public is the owner of the information, machinery, algorithms and the results of the analysis - mainly because public is the owner of Govt. हे ही सरकारने विसरू नये.

हेतू वर शंका आहेच.

छे हो अलार्मिंग काय यात? आता जर एखाद्या सरकारला आपली प्रतिमा सुधारायची असेल तर जनमानसाचा कानोसा घ्यायला नको का? जर वर्तमानपत्रांत सरकारविषयी, धोरणांविषयी काय छापून येतं आहे हे वाचलंच नाही, तर या सरकारची जनतेशी असलेली नाळ तुटणार नाही का? असल्या बातम्यांबद्दल फिअरमॉंगरिंग करणं हे मोदीद्वेष्ट्यांचं कारस्थान आहे. डावे स्यु़डोसेक्युलर विचारजंत या कारस्थानाच्या मागे आहेत. मोदी सरकार तयार होतंय न होतंय तोच ते पाडायला निघाले आहेत. अशा प्रकारे लोकांच्या मनात भीती पसरवणं हा दहशतवादच आहे. तेव्हा त्यांची तुलना तालिबान्यांशीच करता येईल.

म काय करायचं म्हणता?

भारतीय नौदलाचा एकुण आढावा घेणारा हा २०१२ मधील लेख रोचक ठरावा.

सध्याची प्रगती ही आखलेल्या टाईमलाईन्सच्या वर्ष-दीड वर्ष मागे आहे हे ही खरे आहे. २०१३-१४ मध्ये याही क्षेत्रातील बदल अतिशय मंदावले होते. :(

वाईट झालं. :(

धक्कादायक.

ओह :-( आदरांजली.

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

जस्ट अनदर अ‍ॅक्सिडेंट ऑर हार्ट अ‍ॅटक.

गोपिनाथ मुंडे अपघातप्रकरणी आतापर्यंत असे सांगितले जात होते की, त्यांच्या गाडीला धडक देणारी इंडिका लाल सिग्नल तोडून चौकात आली होती. परंतु, आजच्या मटात काही वेगळेच आले आहे -

बीडला जाण्यासाठी मुंबई गाठता यावी म्हणून मंगळवारी सकाळी मुंडे आपल्या २१, लोधी इस्टेट या निवासस्थानाहून पृथ्वीराज रोडमार्गे ओरोविंदो मार्ग चौकात पोहोचले असता, त्यांच्या लाल दिव्याच्या (डीएल ८ सी बीएफ ००३४) मारुती एसएक्स-फोर गाडीने ६० ते ७० किमीच्या वेगाने लाल सिग्नल मोडला. त्याचवेळी हिरवा सिग्नल मिळाल्याने समोरून वेगाने इंडिका कार येत होती. इंडिकाचा चालक गुरविंदर सिंह याने जोरात ब्रेक लावूनही त्याची गाडी मुंडेंच्या कारला डाव्या बाजूला धडकली. याच बाजूला मुंडे पेपर वाचत बसले होते. इंडिकाची धडक लागताच मुंडे समोर आदळले आणि त्यांच्या नाक व चेहऱ्याला मार लागला. या अकस्मात धक्क्यामुळे हादरलेल्या मुंडेंनी त्यांचे स्वीय सहायक नायर यांच्याकडे पिण्यासाठी पाणी मागितले. नंतर तत्काळ हॉस्पिटलात नेण्यास सांगितल्याचे नायर यांचे म्हणणे आहे. पण 'एम्स'मध्ये पोहोचण्यापूर्वीच मुंडे यांची प्राणज्योत मालवली होती.

http://maharashtratimes.indiatimes.com/maharashtra/mumbai/munde-death-a…

पटवर्धनांना आदरांजली. :(

राम पटवर्धन कोण? मला व्यक्तिशः त्यांच्याबद्दल ० माहिती आहे. कुठे काही वाचायला मिळाल्यास आभारी राहीन.

मराठी सारस्वत त्यांचे ऋणी आहे.

पटवर्धनांना सरस्वतीची उपमा दिली आहे का?

>> जाता जाता: मिडीयाने या बातमीची दखलही घेऊ नये याचा अतिशय खेद वाटतो.

म.टा.च्या वेबसाईटवर अल्प परिचयासह बातमी आली आहे.

अरूंद विहीरी असणार तिथल्या. आपला प्रिन्स कसा बोअरवेलमधे पडलेला तसे काहीतरी.

मला कुणीतरी पुढील प्रतिसाद देइल असं अपेक्षित होतं.
जाउ दे. मीच लिहितो :-
ही कुणाला मोदीची हुकूमशाही वाटत नाही का ?
स्वतःच्या राज्याभिषेकास्/तख्तनशीन होण्यास/coronation ला इतर किरकोळ राजे, regional satraps बोलवायचे व
आपली स्थानिक ताकद दाखवायची ही ती मानसिकता.
त्यात मग आमच्याच भाषेचं वर्चस्व दाखवणंही आलच.

वाजपेयींनीदेखिल युनोत हिंदीत भाषण केले होते, त्याची आठवण आली!

होय, ते एन्डीएचे सदस्य आहेत.
सदर निर्णय फक्त आंध्रप्रदेशपुरताच (तेही सीमांध्रापुरताच) दिसतोय. तसेच निर्णय देशपातळीवर होतील असे सध्यातरी म्हणायला आधार दिसत नाही.

हा श्लोक अगोदरही वाचल्याचे स्मरते. राजमुद्रेत हा श्लोक होता ही मात्र बाकी नवी माहिती.

वाजपेयींचा संदर्भ नाही समजला.

सदर संघटना सावरकांच्या विचारांवर चालते असा त्यांचा दावा असल्याचे वाचले. संघटनेच्या अध्यक्ष महाशयांवर २० पेक्षा अधिक आरोप असून प्रक्षोभक भाषणांसाठी अनेकदा बंदी घातल्याचे दिसते.

असो आयटीत नोकरी करणाऱ्या मुसलमान युवकावर त्याचे आईवडील आर्थिकदृष्ट्या अवलंबून होते असे दिसते. शिवाजी आणि ठाकरे यांच्या चित्राच्या ज्याने विटंबना केली त्या विटंबनेची बरीच मोठी किंमत या युवकाच्या कुटुंबाला हकनाक चुकवावी लागली असे दिसते.