'ऐसीला विचारा ' : घरगुती व जनरल प्रश्न - भाग ३

कमीत कमी सामान आणि जागेचा अधिक वापर

स्पेस सेव्हिंग फर्निचर असं तूनळून बघा. बरेच परदेशी व्हिडियो मिळतील, पण त्यावरून प्रेरणा घेऊन पुण्यात हत्ती गणपतीजवळ एक गृहस्थ असं फर्निचर बनवतात. त्याची किंमत जरा जास्त असते.

फक्त फर्नीचर नव्हे तर एकूणच जापनी घराची रचना सुंदर असते.
खेळती हवा,स्लाइड दरवाजे,मोठ्या खिडक्या याबाबतीत कोणी तज्ञ आहे का?

फक्त फर्नीचर नव्हे तर एकूणच जापनी घराची रचना सुंदर असते.
खेळती हवा,स्लाइड दरवाजे,मोठ्या खिडक्या याबाबतीत कोणी तज्ञ आहे का?

मराठी विज्ञान परिषद जे मासिक प्रसिद्ध करते, पत्रिका, त्याचा मार्च २०१४ चा अंक पहा. त्यात 'कठीण समय येता' या शीर्षकाचा एक लेख आहे, त्यात काही माहिती आहे.

तुम्हाला जपानी वास्तुकलेतील तज्ज्ञांची माहिती हवी आहे असे दिसते.
प्रत्येकवेळी अमुक प्रकारचे तज्ज्ञ कुणी आहेत काय असेच आपण विचारलेत. कदाचित इथे तुम्हास योग्य माहिती मिळेल.

माझी बायको जपानमध्ये होती तेव्हा तिने केलेले निरिक्षण मांडतो आहे. ते प्रातिनिधिक आहे किंवा कसे याची कल्पना नाही, परंतु धक्कादायक जरूर आहे:
-- जपानमध्ये एकुणच अविवाहित महिलांची संख्या भरपूर आहे कारण लग्न झाल्यावर अगदी क्वचित नोकरी करता येते. शक्यतो लग्न झाल्यावर स्त्रीला पूर्ण गुहकर्तव्यदक्ष असावे लागते.
-- त्यामुळे आधुनिक पिढीतील बहुतांश मुली अविवाहित राहणे पसंत करत आहेत, तिथे कुटुंब संस्था बर्‍यापैकी कोलमडली आहे. ज्यांना मातृत्त्वाची आस आहे अशा अनेक मुली स्पर्म बँकेच्या मदतीने सिंगल मदर होणे पत्करत आहेत. अर्थातच अनेक पुरूषही जबरदस्तीने अविवाहित आहेत.
-- डिव्होर्सचे व पुनर्विवाहाचे प्रमाण प्रचंड आहे किंबहुना तेथील स्थानिक शैक्षणिक पुस्तकात जन्म, शिक्षण, लग्न, डिव्होर्स, रिटायर्मेंट/सन्यास व मरण अशा स्टेजेस दिल्या आहेत.
-- कौटुंबिक हिंसेचे प्रमाण बर्‍यापैकी असावे. माझ्या बायकोला ऑफिसातून निघायला उशीर होत असे कारण तेथील बहुतांश कर्मचारी उशीरापर्यंत काम करतात व क्लायंट निघाल्याशिवाय निघणे त्यांना अपमानास्पद वाटे. नंतर ते एकदर दारू प्यायला पबमध्ये जातात किंवा मग व्हिडीयो गेम्सकडे किंवा गेयशांकडे. थेट घरी जाणारा जापनिझ पुरूष एक तर नवविवाहित असतो किंवा बायकोचे नुकतेच पिरीएड्स येऊन गेले असतात असे चेष्टेने म्हटले जाते (ही माहिती माझ्या एका मित्राला त्याच्या जापनीझ कलीगने दिली आहे. खरे खोटे माहित नाही).रात्री उशीराच्या ट्रेनने गेल्यावर काही मध्यमवयीन बायका पुरूषांना स्टेशनवर रिसिव्ह करायला येतात असे दिसे. कारण त्यांचे पुरूष भरपूर पिऊन येत असत, त्यापैकी काही पुरूष स्टेशनवरच बायकांना मारत.
-- सामान्यतः बुद्धीनेही ते अत्यंत अ‍ॅवरेज वा बिलो अ‍ॅवरेज आहेत. मात्र तो बॅकलॉग ते अत्यंत हार्डवर्क आणि पर्फेक्शनच्या पराकोटीने भरून काढतात.
-- मागे भुकंप झाला तेव्हा माझा एक मित्र तिथे होते. बिल्डिंग हलु लागली तेव्हा मित्र घाबरून उभा राहिला. तरी सगळा स्टाफ शांत बसून होता. तेथील 'डीआराअर' ने सुचना देईपर्यंत सगळे शांत होते. मग सुचना आल्यावर जणु बागेत फिरावे तितक्या शांतपणे एका रांगेत एमर्जन्सी एक्झिट मधुन बाहेर पडले. सांगायची गोष्ट 'वरच्यांचा आदेश' त्यांच्यासाठी देवाच्या आदेशासारखा आहे. त्याआधी काम करत नाही आणि त्यानंतर काम केल्याशिवाय राहत नाहीत. स्वतःची बुद्धी वापरून काहि सुधारणा वगैरे करण्याचा विचारही त्यांना आगाऊपणा वाटेल.

मान खाली घालून दिवसभर मनापासून काबाडकष्ट करत राहणारा, अतिशय 'सिन्सियर' दिसणारा समाज रात्री घरांत पूर्ण वेगळा असेल असे जाणवत राहते.