सध्या पॉर्नचा विषय केंद्र सरकारने मनावर घेतलंय. पॉर्नवर बंदी घालायची का नाही यावर सरकारचं मागेपुढे सुरू आहे. बंदी घालायची, उठवायची, निर्णयाचा निषेध करायचा, समर्थन करायचं वगैरे गोष्टी करणं कष्टाचं आहे. डेट मिळवणं, डेटिंग करणं त्यापेक्षा सोपं असेल. तर मग आपण काठाकाठाने चर्चा करू. पहिल्यांदा पॉर्नशी संबंध कसा, कधी आला?

पॉर्नबॅन वगैरे सेमी कोमट चर्चा वाचताना अस्मादिकांना एक कोमट वृत्तांत लिहिला असल्याचे स्मरण झाले. जीमेल भांडार उत्खनून तो वृत्तांत सादर आहे. बिग बॉस या कार्यक्रमात सन्नी लिओन पाहुणी म्हणून येणार होती. तेंव्हा त्या कार्यक्रमात स्वामी अग्निवेष सुद्धा उपस्थित होते. तीन महिने एका घरात ७/८ चमत्कारिक लोकांना टीव्ही, फोन शिवाय एकत्र ठेवून त्याचे २४/७ चित्रीकरण करतात आणि षौकीन त्याचा आस्वाद घेतात. हा वृत्तांत निवडक लोकांसोबत शेअर केला होता. ऐसी अक्षरेवर शेअर करायला हरकत नसावी असे वाटले.

साधू संत येती घरा तोची दिवाळी दसरा ...............

नुकताच ऐसी अक्षरे या संस्थळावर स्वघोषित विचारजंत श्री. चिंतातुर जंतू यांनी 'पॉर्नबॅन आणि गजेंद्र चौहान - एक अन्वयार्थ' हा मोदीद्वेषाने ठासून भरलेला लेख वाचनात आला. एफटीआयआय या संस्थेच्या संचालकपदी थोर कलावंत श्री. गजेंद्र चौहान यांची नेमणूक झाल्यापासून वामपंथीयांनी मोदींचा तेजोभंग करण्यासाठी आपल्या डाव्या हाताने विडाच उचलला आहे. तीच अफजलखानी परंपरा चालवत श्री. जंतू यांनीही आपल्या लेखणीला भलतेसलते अन्वयार्थ काढायला भाग पाडलेलं आहे. ते पाहून मला याविरुद्ध आवाज उठवला पाहिजेच असं कळकळीने वाटायला लागलं. तेव्हा माननीय पंतप्रधान श्री.