ही धागामालिका आपल्या मनात येणारे, नेहमी नेहमी डोकावणारे विचार व प्रश्न मांडण्यासाठी आहे. कधी कधी आशय फार मोठा नसतो. फार खोल विचार केलेला नसतो. तो विचार/ कल्पना/ प्रश्न/ गंमत डोक्यात येते, जाते. कधी कधी आपण विसरतो, कधी कधी ती ती पुन्हा पुन्हा येत असल्याने आपण विसरू शकत नाही.
यापूर्वीच्या धाग्यावरचे प्रतिसाद १००च्या वर गेले आहेत म्हणून हा पुढचा धागा.
===========================================================================================================

जीर्ण झालेल्या नोटा बदलायच्या असतील तर काय प्रोसिजर आहे? पुण्यात कुठे बदलून मिळतात?

व्यवस्थापकः
आधीचा धागा लांबल्यामुळे पुढील धागा काढला आहे.
या आधीचे धागे: भाग १ | भाग २ | भाग ३

----

"सुमार" ह्या शब्दाचा मराठी मधे अर्थ average ह्या अर्थी घ्यायचा की below average ह्या अर्थी घ्यायचा.
मी तरी दुसरा अर्थ वापरते.

हा उर्दु/फारसी वगैरेतुन आलेला दिसतो शब्द ( बेसुमार मधला हाच सुमार असला तर ), पण सध्या तिथे तो वापरात आहे का?

नमस्कार मंडळी

माझी विदर्भातील एका गावी ३ एकर शेतजमीन आहे आणि माझ्या शेतातून शासकीय दस्तेवज्ञुसर कुठलाही रस्ता नाही तरी पण माझा शेजारी माझ्या शेतातून जबरदस्तीने रस्ता पडून स्वताहाच्या शेतामध्ये जातो .माझ्या शेत मध्ये संत्राची फळबाग असून या फळबागेचे मोठ्या प्रमाणावर नुकसान होत आहे कारण शेजार्याने पडलेला रस्ता हा गाव्रस्त्याला लागून असल्यामुळे गावातील जनावरे माझ्या शेतात घुसून नुकसान करतात कृपया मला हा अतिक्रमित रस्ता बंद करण्यासाठी कायदेविषयक मार्गदर्शन करावे हि विनंती.

रॉय किणिकरांच्या जबरदस्त मराठी कविता वाचनात आल्या. उत्तररात्र व्यतिरिक्त त्यांची अजून कांही पुस्तके/ कवितासंग्रह आहेत का? ऐसी वरील जाणकार वाचकांनी क्रुपया अधिक महिती द्यावी. (ऐसी वर या आधी चर्चा/ उल्लेख झालाय? क्रुपया दुवा द्या). श्रुन्गारा (टायपो बद्दल माफी, खालचा रफार लिहीता आला नाही) बरोबर इतर रसही ताकदीने मांडणारा हा कवी खूप प्रसिद्ध झालाच नाही, असे वाटते. 'या पाणवठ्यावर' यातील आणि इतर कवितेतील कांही भन्नाट ओळी इथे देण्याचा मोह होतोय.

"या इथे घेतली त्या दोघांनी शपथ, चुरगळले पदराआड जरासे हात
घातली मिठी आवळून दोन्ही बाहू, अडवून म्हणाली, नका ना जाऊ ॥