धाग्यांना तारे देण्याची सुविधा आणि इतर सुधारणा
'ऐसी अक्षरे' सर्वांसाठी उपलब्ध केल्यानंतर अनेक सदस्यांच्या सहकार्यातून संस्थळाच्या रचनेत असणार्या त्रुटी, इतर हव्या असणार्या सुविधा इत्यादी गोष्टींवर चर्चा झाली. या फीडबॅकमधून काही गोष्टी करण्यात आल्या आहेत.
या संस्थळाची उद्दीष्टं साध्य करण्यासाठी प्रतिसादांना व धाग्यांना श्रेणी देता येणं ही एक महत्त्वाची सुविधा आहे. संस्थळावरचं उत्तमोत्तम लेखन अधोरेखित करणं, तसंच प्रतिसादांना इतर वाचकांकडून फीडबॅक मिळून संस्थळाच्या अपेक्षा सदस्यांकडूनच सदस्यांना कळाव्या ही अपेक्षा आहे. या दोन्ही गोष्टींमुळे संस्थळावरच्या सदस्यांचा व लेखकांचा अनुभव सुधारेल अशी खात्री वाटते. जाहीर करायला आनंद होत आहे की ऐसी अक्षरेवर धाग्यांना श्रेणी देण्याची सुविधा उपलब्ध झालेली आहे.
एकंदरीत तांत्रिक टीमने गेल्या दोन आठवड्यांत केलेल्या सुधारणांचा आढावा.
१. खरडवह्यांचा फॉर्मॅट सुधारला, बारीकसारीक त्रुटी काढून टाकल्या.
२. खरडवह्या व स्वतःच्या माहितीत चित्र टाकण्याची सोय केलेली आहे.
३. नवीन प्रतिसादांमधल्या 'नवीन' हा टॅग वेगळ्या रंगाचा दिसतो आहे.
४. धाग्यांना तारे देण्याची सोय झालेली आहे. (याचा आणि कर्म, पुण्य, कर्म-मूल्य यांचा संबंध नाही.) ही सोय सध्या तरी श्रेणीदात्यांनाच उपलब्ध आहे. पण श्रेणीदात्यांची संख्या आता ८० च्या आसपास आहे. जसजशी सदस्यांची वागणूक दिसत जाईल तसतशी ही यादी वाढवत नेण्याचा प्रयत्न चालू आहे.
येत्या काही दिवसांत पुढच्या गोष्टी करण्यात येणार आहेत:
१. श्रेणीदात्यांची निवड आपोआप होणं कितपत शक्य आहे याची तपास.
२. धाग्यांच्या श्रेणीनुसार सॉर्ट करून सर्वाधिक श्रेणी असलेले धागे वर दिसतील असा वेगळा ट्रॅकर उपलब्ध करणे.
३. कौलांमधे पार्श्वभूमी देण्याची सोय सध्या नाही. लवकरच ही सोय उपलब्ध होईल.
४. कौलांमध्ये अजूनही सुधारणा करण्याचा विचार चालू आहे.
ऐसी अक्षरे व्यवस्थापनातर्फे साइटवर सतत सुधारणा करण्याचा प्रयत्न राहील. आपला पाठिंबा या प्रयत्नांना राहील अशी आशा आहे.
प्रतिक्रिया
ओह रिकामी जागा तयार होइल का?
ओह रिकामी जागा तयार होइल का? नक्की? मला वाटतं ब्याटमन, ननि यांनी एक पर्याय सुचवलेला कधीतरी. लाळगाळु आठवतोय पण त्याचा खाण्यापिण्याच्या धाग्याशिवाय इतर कुठे उपयोग होणार नाही.
आणि एक शंका श्रेणी देणारा व ज्याला श्रेणी देतोय तो दोघांच पुण्य २ असेल तर पहील्या श्रेणीत मार्क २ ने वाढतात हे योग्य आहे का?
कुरापती
अशा सुचना करून सारख्या कुरापती काढणार्या लोकांसाठी कुरापती श्रेणी देता येईल.
हवी असेल तर कुरापत्नी घ्या! उगाच लिंगभेदाच्या तलावारी घेऊन आमच्यावर चालून येऊ नका म्हणजे झाले!
-Nile
दिनवैशिष्ट्य मस्त प्रकार आहे,
दिनवैशिष्ट्य मस्त प्रकार आहे, रंजक आहे.
बाकी उद्याचा दिवस फारच भारी आहे म्हणायचा.
१९३३: पोपच्या दबावाखाली
एक दिवस आधी मान्य केलं असतं तर २१ जून (विष्टंभ, उत्तर गोलार्धातला सर्वात मोठा दिवस) असा "मुहूर्त" साधला गेला असता.
(तिथे १६३३ पाहिजे, १९३३ झालंय. दुरूस्ती करते.)
---
सांगोवांगीच्या गोष्टी म्हणजे विदा नव्हे.
'इतर सुधारणा'
धाग्यात/प्रतिसादात दिलेल्या ऐसीच्याच इतर लेखाच्या लिंकेवर क्लिक केल्यास उघडणार्या पानात मी साईन आऊट झाल्याचे दिसते, व परत साईन इन करावे लागते. नवीन लेखनाच्या पानावरून क्लिक करून उघडलेल्या धाग्यांत असे होत नाही, म्हणजेच मी साईन आऊट होत नाही.
नक्की काय होते आहे?
-: आमचे येथे नट्स क्रॅक करून मिळतील :-
'असामी असामी'तील भिकाजी
ह्या नसुतकी श्रद्धांजलीमुळे एक चांगला लेख वाचनात आला, धन्यवाद.
(संस्थळावरील) टोपणनावाचा तारखात्यातला इतिहास रोचक असणार!
कर्मसिद्धांत
हे कर्मसिद्धांतासारखं झालं, इथे छुपे सनातनी-प्रयोग चालु आहेत काय?
:ड
इतक्यातच अजून एकदा अपडेट्स करायला लागतील, काल फक्त कोअर अपग्रेड केला. आणि पुढेही असं करायला लागेल. काल जे अपग्रेड्स केले त्यात म्हणे security loopholes बंद केली गेली. जोपर्यंत त्याचे परिणाम दिसत नाहीत तोपर्यंत ते चांगलं चाललंय असं म्हणायचं. काही भलतं दिसलं तर गडबड आहे.
सध्या व्यनी पाठवल्यावर (भयंकर गुलाबी पार्श्वभूमीवर) एरर मेसेज येतो आहे. त्याकडे दुर्लक्ष करावं ही विनंती. शक्यतोवर ते घालवण्याचा प्रयत्न करते आहे.
---
सांगोवांगीच्या गोष्टी म्हणजे विदा नव्हे.
एका धाग्यातल्या एका विशिष्ट
एका धाग्यातल्या एका विशिष्ट प्रतिक्रियेचा दुवा कसा द्यायचा? मला हे काही केल्या जमत नाही. कुणी तंत्र सांगितलं तर फार बरं होईल.
-मेघना भुस्कुटे
***********
तुन्द हैं शोले, सुर्ख है आहन
तुला ज्या प्रतिसादाचा दुवा
तुला ज्या प्रतिसादाचा दुवा द्यायचाय त्याला उपप्रतिसाद देण्यासाठी क्लिक कर. मग url पहा. www.aisiakshare.com/comment/reply/112/50382 अशी येइल. त्यातला 112 हा धागा क्रमांक आहे आणि 50382 हा प्रतिसाद क्रमांक. आता तुला हवी आहे तिथे www.aisiakshare.com/node/112#comment-50382 अशा फॉर्मेटमधे लिँक दिलीस तर ती त्या प्रतिसादावर जाइल.
किंवा
ज्या प्रतिसादाची लिंक द्यायची आहे त्याच्या उजव्या बाजुला, तारीख आणि वेळेच्या उजव्या बाजूला साखळीचं चित्र दिसतं. त्यावर उजवी टिचकी मारून copy link location करावं. लिंक चोप्य झालेली असते
अर्रः खालचा प्रतिसाद वाचायच्या आधि हा प्रतिसाद टंकला.
आधी रोटी खाएंगे, इंदिरा को जिताएंगे !
आणि हो, अवग्रह कसा लिहायचा?
आणि हो, अवग्रह कसा लिहायचा?
-मेघना भुस्कुटे
***********
तुन्द हैं शोले, सुर्ख है आहन
अवग्रह आणि प्रतिसादाचा दुवा
टंकनसाहाय्य दुवा
ऽ लिहिण्यासाठी a~ टंकावं लागेल.
प्रतिसादाचा दुवा देण्यासाठी - कोणत्याही प्रतिसादाच्या मथळ्यावर अगदी उजवीकडे (तारीख आणि वेळ दिसते त्याच्याही उजवीकडे) एक चिन्ह दिसेल. तो प्रतिसादाचा दुवा असतो. त्यावर राइट-क्लिक केलं तर Copy link address किंवा तत्सम पर्याय मिळेल. तो वापरून प्रतिसादाचा दुवा हवा तिथे कॉपी-पेस्ट करता येतो.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
हॅशटॅग
एसीवरील प्रतिसादांना 'हॅश-टॅग'ची सोय करणे शक्य आहे काय? टॅग करण्याची सोय कर्मानुसार(गुणांनुसार असावी), तसे केल्यास काही उत्तम प्रतिसाद सहज सापडणे सोयीचे होइल.
सर्च
चांगल्या सर्च इंजिनाशिवाय हे शक्य नाही. ड्रुपल सर्चची अवस्था वाईट आहे.
-Nile
ड्रुपल सर्च
ड्रुपल सर्च वाईट आहे असे का वाटते? मी ते वापरतो आणि माझ्या साइटवर ते नीट चालते. किती टक्के इंडेक्सिंग झाले आहे, ते पण ड्रुपलमध्ये कळते. १००% टक्के इंडेक्सिंग होण्यासाठी क्रॉन जॉब वारंवार चालवावा लागतो. सर्च नीट चालण्यासाठी क्रॉन जॉब schedule करून व्यवस्थित पूर्ण व्हावा लागतो.
उदय, तुझी साईट कोणती?
उदय, तुझी साईट कोणती?
सही: पुरोगाम्यांना लॉजिक माफ असतं.
उदय डॉट नेट
Uday.net
ड्रुपल सर्च - काही प्रश्न
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
ड्रुपल सर्च
१. माझी वेबसाइट बघा. तिथे 'कमी' हा शब्द शोधला तर ३ रिझल्ट दिसतात. 'कमी -खर्च' शोधला तर फक्त २ रिझल्ट दिसतात, 'खर्च' हा शब्द असणारा रिझल्ट नाहीसा होतो.
२. "कमी खर्च" हा शब्द शोधला तर ते दोन्ही शब्द असणारा फक्त १ रिझल्ट दिसतो.
३. ही पोस्ट बघा. याला २ कीवर्ड जोडले आहेत. Buffett आणि Investment advice. (ड्रूपलमध्ये यांना टॅक्सोनॉमी टर्म असे म्हणतात.) या दोन्हीपैकी कुठल्याही शब्दावर शोधले, तर ती पोस्ट दिसते.
४. माझ्या वेबसाईटवर टॅग क्लाउड डावीकडे सर्वात खाली दाखवला आहे किंवा इथे बघू शकता. (Open source आणि Investments हे टॅग्ज चालत नाहीत, कारण मी ते नोड सध्या पब्लिश केलेले नाहीत, पण इतर टॅग्ज चालू आहेत.)
सर्च सेटिंगसाठी तुमच्या ड्रूपल साइटमध्ये खालील ठिकाणी बघा:
Home › Administration › Configuration › Search and metadata
क्रॉन सेटिंगसाठी तुमच्या ड्रूपल साइटमध्ये खालील ठिकाणी बघा:
Home › Administration › Configuration › System > Cron
मुख्य म्हणजे content type, taxonomy आणि terms नीट वापरले पाहिजेत आणि मग साइटचे नीट इंडेक्सिंग केले पाहिजे. ऐसीवर content type नीट नाहीत आणि taxonomy प्रत्येक content type ला नीट जोडलेली नाही, हा मुख्य प्रॉब्लेम आहे.
अमुक एका लेखकाने (अमुक हे
अमुक एका लेखकाने (अमुक हे सामान्यनाम. अमुक, मन, मी.... यांनी साली पंचाईत करून ठेवली आहे. असो.) नवीन लिहिले आहे (प्रतिसाद किंवा लेख किंवा दोन्ही. जे काही जमेल ते.) अशी सूचना इमेलीने स्वतःला मिळवणे शक्य होईल का?
-मेघना भुस्कुटे
***********
तुन्द हैं शोले, सुर्ख है आहन
उजव्या बाजूचे वर्गीकरण आवडते
उजव्या बाजूचे वर्गीकरण आवडते आहे. फक्त ते कायम अपडेटवत राहण्याचे काम संपादकांच्या गळ्यात पडणार!
-मेघना भुस्कुटे
***********
तुन्द हैं शोले, सुर्ख है आहन
कुठले वर्गीकरण
कुठले वर्गीकरण?
काटेचमचे, मुखवटे आणि चष्मिष्ट
काटेचमचे, मुखवटे आणि चष्मिष्ट वाचकाच्या खाली तुम्हांला बाकी तीन चित्रे दिसत नाहीयेत का? :-।
-मेघना भुस्कुटे
***********
तुन्द हैं शोले, सुर्ख है आहन
ते संपादकांना अपडेटावे लागत
ते संपादकांना अपडेटावे लागत नाहीत. त्यावर क्लीक केले की त्याप्रकारचे सर्वच धागे दिसतील. सर्वात नवा धागा वर दिसेल.
- ऋ
-------
लव्ह अॅड लेट लव्ह!
श्रेणीविषयक तक्रार
एक श्रेणी देताना सारे पान ताजेतवाने (म्हणजे रिफ्रेश ) होते. मग नवे प्रतिसाद (नवे म्हणून) दिसत नाही.
सही: पुरोगाम्यांना लॉजिक माफ असतं.
क्रोमवर असे होत नाही.
क्रोमवर असे होत नाही.
-मेघना भुस्कुटे
***********
तुन्द हैं शोले, सुर्ख है आहन
पण आय इ वर देखिल मागे असे
पण आय इ वर देखिल मागे असे व्हायचे नाही.
सही: पुरोगाम्यांना लॉजिक माफ असतं.
एक प्रश्न मला सदैव सतावतो,
एक प्रश्न मला सदैव सतावतो, 'श्रेणी देण्याची गरजच का? आपण काही शाळेतले मास्तर नाही आणि पेपर ही तपासत नाही अमुक उत्तर ९०% , तमुक उत्तर २०% लायकीचे आहे, हे ठरविणारे आपण कोण? जे चांगल असेल ते काळप्रवाहात तरंगत राहिलं, बाकीचे नष्टच होईल. दैव विपरीत असल्यास चांगले लेखन कुणा क्रूरकर्माच्या हातून नष्ट होते. (ऐकले आहे नालंदा विश्विद्यालय ६ महिने जळत होते, लाखोंच्या संख्येत पुस्तके नष्ट झाली,काहीच वाचली.
चांगल्या श्रेणी ने मला तरी
चांगल्या श्रेणी ने मला तरी शाबासकी मिळाल्यासारखी वाटते.
उमगले स्वप्नांचे मर्म मला, ना हा परका ना अपुला
कोणी मृत्युलोकीचा योगी, अशीच लहर म्हणून आला
असाच पळभरासाठी टेकला, शेकत गर्भाची धुनी...
श्रेणीची सुविधा भावी
श्रेणीची सुविधा भावी इतिहासकारांना 'कोल्हटकरांचे प्रतिसाद माहितीपूर्ण होते' हे सिद्ध करण्यासाठी नाही. भविष्यापेक्षा आत्ताच्या गरजेतून ती सुविधा आलेली आहे. श्रेणींच्या उपयुक्ततेबद्दल थोडी चर्चा वर झालेली आहेच, पण मुख्य कारणं पुन्हा एकदा
१. नुसतंच +१ म्हणणारे प्रतिसाद कमी होतात, आणि वाचनीयता वाढते.
२. वादविवाद न करता नापसंती व्यक्त करता येते.
३. जर कोणाला फक्त उत्तम प्रतिसादच वाचायचे असतील तर थ्रेशोल्ड वाढवून ती सोय करता येेते.
४. चांगले प्रतिसाद देणारांनाही एक दाद मिळते.
मला तरी श्रेणी व्यवस्था खूप
मला तरी श्रेणी व्यवस्था खूप आवडते. आपण लिहितोय ते कोणी वाचतंय हे कळतं.
================
पण ही व्यवस्था गुप्त नसायला पाहिजे. नक्की कोणी कोणेती श्रेणी दिली हे कळले तर दुर्वापर कमी होईल.
सही: पुरोगाम्यांना लॉजिक माफ असतं.
नालंदा विश्विद्यालय ६ महिने
ही प्रतिक्रिया इथे हलवली आहे.
सही: पुरोगाम्यांना लॉजिक माफ असतं.
इमेजेस ची हाइट अन विड्थ
ही प्रतिक्रिया इथे हलवली आहे.
उमगले स्वप्नांचे मर्म मला, ना हा परका ना अपुला
कोणी मृत्युलोकीचा योगी, अशीच लहर म्हणून आला
असाच पळभरासाठी टेकला, शेकत गर्भाची धुनी...
नावबदलू सरडेपणा आणि ड-आयडी
ही प्रतिक्रिया इथे हलवली आहे.
पाने