ऐसीअक्षरे दिवाळी कट्टा - प्राथमिक चर्चा

तिथे ६-७ पेक्षा जास्त्ं लोक एका टेब्लावर नाही बसू शकणार. पण जागा आणि खाणं बेष्ट आहे.
आणि कधी एकदा यांचं गिळून संपतंय आणि जागा मोकळी होतेय अशा अविर्भावात डोकावणारे प्रचंड वेटिंग पब्लिक.

टेबल-जोड नावाचा प्रकार करता येईल, इथल्या लोकांची खाद्यभुक बघता निदान वेळेवर रुपालीवाला तरी आक्षेप घेणार नाही, उरलं पब्लिक, त्यांना फाट्यावर मारता येत नसेल तर तिकडे कृपया फिरकु नका.

आता मसालेभात, बटाटाभाजी, अळूची पातळभाजी आणि मठ्ठाही हल्ली नसतो असे नका हो सांगू..

कुठे पंगत आहे त्यावर आहे, ब्राह्मण भुवन मधे मिळते अळूची भाजी, मठ्ठा वगैरे. बाकी ठिकाणी पनिर आणि तत्सम उत्तरेकडच्या भाज्यांनी आक्रमण केले आहे.

माझं ऐका.. भट्टुरड्या ठिकाणी कट्टा ठेवण्यापेक्षा इराणी कॅफेत ठेवा कट्टा. खिमापाव, बिर्याणी, बन ऑम्लेट वगैरे सर्वकाही मिळणारे कॅफे पुण्यात अजून जिवंत असेल तर तिथे ठेवा कट्टा.

कै. लकीस श्रद्धांजली.

गुडलकचे हल्ली थाळी रेस्टॉरंट झालेय असे ऐकले. खखो पुणेकर जाणोत.

फर्ग्युसन रोडचं करिम्स चांगले आहे, फार महाग पणनाही.

तारीख २६ ऑक्टोबर नक्की आहे म्हणायची.

नक्की येणार असे कोण मेंबर आहेत?

मी येणार आहे.

अनेकानेक ऑप्शन्स सुचतील. तूर्तास आपले निकष नक्की करू या.

१. किमान १५ लोक नीट बसले पाहिजेत.
२. आवाजाला आक्षेप येता कामा नये.
३. किमान ४-५ तास तरी बसण्याला आक्षेप असता कामा नये.
४. टेक्निकली तरी पुण्यात (मध्यवर्ती असण्याच्या दृष्टीनं) असलेलं आणि ठाण्याहून येणारांस सोईचं असावं.
५. सौंदिंडियन वा कुठल्याही एकाच प्रकारचं नसल्यास, उत्तम व्हेज ऑप्शन्स देणारं असल्यास, दारूकामासही सोईचं असल्यास सोन्याहून पिवळं.

इतकं सगळं मिळालं, तर दरडोई किमान ५०० रुपये तरी खर्चायला लागतीलच. त्यामुळे महाग-स्वस्त वाद करण्याचीही आयती सोय होईल.

ओके. माझे पहिले मत गुडलकला. दुसरे ३५०पर्यंत खर्च येत असेल तर रणजीत. तिसरे वाडेश्वर.
बास आता अजून पर्याय नका सुचवू.

भाबैची (भारतीय बैठक) सोय असलेलं कोणतं हॉटेल नाही काय पुण्यात?
आणि मी काय म्हणतो, इतकी चर्चा करण्यापेक्षा घरून डबे आणून कोणत्या तरी रँडम ईमारतीच्या गच्चीवर बसायचं का??? आणि जमल्यास तिथेच चुलीची वगैरे सोय करून इथे पाकृ टाकून छळणार्‍या लोक्स ना कामाला लावावं का???
.
मला जमत असल्यास ऐन वेळेस कळवेन.

फुकटात किंवा स्वस्तात उपलब्ध असलेल्या पर्यायांपासून सुरुवात करण्याला जबरदस्त विरोध केला जात आहे याचं मला राहून राहून आश्चर्य वाटत आहे.

त्यामागे पुढीलपैकी एक किंवा तत्सम गृहीतक असल्याशिवाय अशी तात्त्विक भूमिका घेतली जाईल असे वाटत नाही.
१. इतर ऐसीकरांना भेटू इच्छिणार्‍या सर्व ऐसीकरांना खास कारण नसताना एका जेवणासाठी ५०० रु.च्या आसपास खर्च करणे परवडत असेल.
२. परवडत नसल्यास चालवून घेण्याची त्यांची इच्छा असेल.
३. परवडत नसल्यास आणि चालवून घेण्याची इच्छा नसल्यास त्यांनी न आलेले त्यांना आणि परवडत असणार्‍या आणि परवडत नसले तरी चालवून घेण्याची इच्छा असलेल्या इतरांना चालेल.

या माझ्या गृहीतकात काही चूक असल्यास निदर्शनास आणून देणे.

प्रत्येकाने आप-आपली प्राथमिकता सांभाळावी असे वाटते, सर्वांना भेटावेसे पण वाटते पण अमुक एक खर्च करणे तत्त्वात बसत नाही असे असु शकते त्यासाठी सगळ्यांना भेटून पुढील खर्च टाळून मी परत जाऊ शकतो, किंवा सोय असल्यास नुसत्याच गप्पा मारुन चहा/कॉफीवर भागवु शकतो, ह्याचा इतरांना त्रास होण्याचे कारण नाही. प्रत्येकाने प्रत्येकाचे स्वातंत्र्य जपण्याचा प्रयत्न केल्यास प्रत्येकाची प्राथमिकता थोड्याफार प्रमाणात सांभाळली जाऊ शकते.

पण माझ्या प्राथमिकतेसाठी इतरांनी त्यांची प्राथमिकता बदलावी असे मला वाटणार नाही, मात्र सगळ्यांच्याच प्राथमिकतेनुसार मध्यम-मार्ग निघाल्यास सगळेच आनंदी होतील.

हा प्रतिसादही गंभीरपणे लिहिल्यासारखा वाटत नसला, तरी गंभीरपणे आणि न रागावताच लिहिला आहे. (असा इशारा लिहावासा वाटावा असे वातावरण निर्माण केल्याबद्दल राधिकाचे अभिनंदन आणि निषेध. ;-))

तर -

कोणत्याही पर्यायाला जबरदस्त तर सोडाच - विरोधच नाही, याची लिंग्विस्टबाईंनी कृपया नोंद घ्यावी.

१. मात्र बहुतांश लोकांना जिथे कट्ट्याला येणे सोईचे आहे आणि हमखास येणारे सदस्य जिथे येण्याचा प्रस्ताव मांडतील अशा ठिकाणी कट्टा होतो. एकमत झाल्याशिवाय निर्णय नाही अशी प्रथा काही समाजांत असते. पण तिथेही सरसकट सगळ्या निर्णयांकरता ती वापरली जात नाही. 'ऐसी'च्या कट्ट्याबाबत आधीच इतक्या चर्चा आणि काथ्याकूट होतात, की एकमतासाठी थांबल्यास कट्टा कल्पान्तापर्यंत घडायचाच नाही. त्यामुळे बहुमत घेणेच बरे पडते.

२. बहुमत बदलण्यासाठी प्रयत्न करण्याला कुणाचाच विरोध असत नाही. मात्र हे प्रयत्न यशस्वी होणे न होणे हे कट्ट्यासाठीची एकूण उत्सुकता, हवेतला मूड, पाठिंबा देणार्‍यांचे संख्याबळ, आपली पटवून देण्याची चिकाटी आणि आपली एकूण प्रतिमा यांवर ठरते. मुदलात असे प्रयत्न करण्यासाठी फार आधीपासून छुपी आणि प्रकट मोर्चेबांधणी करावी लागते, हेही आहेच.

३. आपल्याला सोईच्या नसलेल्या ठिकाणी कट्टा झाला, तरी तो आपले खिसाबळ न पाहता, मुद्दामहून गैरसोईच्या ठिकाणी आयोजित केला गेला आहे असे मानण्याचे काही कारण नाही. बहुमत आपल्या विरोधात गेले, इतकेच काय ते. अशा वेळी कट्ट्यानंतर वा खुद्द कट्ट्यातही टपकून आपला निषेध पुरेशा खेळकर खवचटपणे नोंदल्यास 'ऐसी'च्या चर्चील वातावरणाला अधिकच खुमारी चढते. पुढच्या वेळी आपल्या मताची दखल घेतली जाण्याची शक्यता काही अंशांनी बळावते.

यावर इतकी चर्चा झाल्यावर माझे मत द्यायला हरकत नाही.

माझे मतः
कट्टा हा हॉटेलमध्ये होऊ नये.
खाणे व कट्टा जमवून गप्पा मारणे या वेगळ्या गोष्टी आहेत.
लोकांनी खाऊन यावे वा न जमल्यास एखादे सँडविच/वडापाव वगैरे गोष्टींनी पोटाला शांत करावे. किंवा गप्पा झाल्यावर/पूर्वी समविचारी गटाने आवडत्या ठिकाणी जाऊन हादडावे

सगळ्यांनी जमुन भरपूर गप्पा मारणे मला अधिक आवडेल.
हॉटेलांमध्ये एका लांबलच टेबलावर दुसर्‍या टोकावर चाललेल्या चर्चेतच प्रत्येकाला रस वाटू लागतो नी त्यात सहभागही घेता येत नाही ;)

२२५ प्रतिसाद आणि अजून वाद चालूच आहेत; शिवाय, तेदेखील तत्त्वासाठी, पैशांसाठी, वगैरे. कट्टा पुणेरी आहे खरा!

गेल्या कट्ट्याच्या वेळी मी केलेली एक चूक इथे माझ्या हातून पुन्हा घडली. गेल्या कट्ट्याच्या वेळीही आयोजकांवर कोणतीही व्यक्तिगत टीका करायची नव्हती. केवळ वैचारिक भूमिकेवर टीका करायची होती. ती टीका मी कट्ट्याच्याच धाग्यावर चालू ठेवली आणि माझी वैचारिक भूमिका पटवण्यासाठी हाती असलेल्या कट्टाआयोजनाचे उदाहरण घेतले त्यामुळे मी व्यक्तिगत टीका करत हे असा अनेकांचा गैरसमज झाला.

तीच चूक मी आता पुन्हा करत आहे हे लक्षात आले. त्यामुळे या विषयावर मी वेगळी चर्चा सुरू करते आहे.

शिवाय, मी या कट्ट्यास येणार नसल्याने माझी वरील मते कट्टाआयोजनात ध्यानात घेतली नाहीत तरी चालेल.

मी काय म्हंते, कुणाचे घर आहे काय रिकामे? वॅाशरुमची शोय होईल, आणि पार्सल मागवू जे तितकेसे महाग पडणार नाही असा अंदाज आहे. वाटल्यास प्लास्टिकचे डिश, चमचु, वाट्या म्हणजे नंतर साफ करायची कटकट नाही!

काही ठरलं का मग ? काय ठरलं कट्ट्याचं नेमकं?

- सव्वादोनशे-सव्वादोनशे प्रतिसादांच्या दोन दोन धाग्यांमुळे गोंधळात पडलेला एक ऐसीअक्षरे सदस्य :-)