आस
अशाच या कातरवेळी
निशब्द असावा
आसमंत सारा
त्यासमयी रवि तु
क्षितिजाच्या कुशीत निजावा
रवि तुज निजवताना
वारा ही गाई झुळझुळ गाणे
ती लुकलुकणारी कोर ही
बघ तुज कथा सांगे
अशाच एका कातरवेळी
बघ. कोण पणती
त्या तुळशीसमोर लावे
मंद अश्या त्या प्रकाशात
माझा ऊर भरुन वाहे
तेव्हा दुरवर कोठेतरी
मज ऐकु येते ती किणकिणारी घंटा
'आस' लागे मनास कान्हा
तसाच ऐकु येईल का रे मज
एक दिन तुझा मधुर पावा..
-दिप्ती भगत
(९मे, २०२०)
प्रतिक्रिया
गवळी मुले ( कान्हा धरून
गवळी मुले ( कान्हा धरून )दुपारच्याला झाडाखाली लवंडून पावा वाजवतात बहुतेक. सांजेला परतताना नसावे. पण वाजवायला सुरू करा रे. कुणी आसुसलेले आहे.
( वात्रट प्रतिसाद.)
उर भरुन वाहे
ही ओळ ऐकल्यावर अवांतर असलं तरी या जुन्या वात्रटिकेची आठवण झाली.
मुंगी व्याली चिंगी झाली तिचे दूध किती
अठरा रांजण भरुन उरले प्याले बारा हत्ती !
बहुतेक मालक/संपादकांची तंबी
बहुतेक मालक/संपादकांची तंबी येणार. "प्रतिसाद दिले नाहीत तरी चालेल, वात्रटिका करून नवसभासदांना पळवू नका."
वाचकांचे आभार!
@शरद गाडगीळ
काका, मी पळुन जाणाऱ्यांपैकी नाहीये हो.. आत्ताच तर आलीये..
इथले काव्यप्रेमी वाचत असतीलच कि माझ्या कविता.. त्यांच्यासाठी थांबेल. लिहित राहील इथे.. पण लेखनात चुका आढळल्या तर सांगत जा. सुधारता येतील मला..
हे जीवन सुंदर आहे..
काव्य नाही समजत पण चूका
काव्य नाही समजत पण चूका काढायला पहिले !
तंबी
या प्रतिक्रियेवरुन ऐसीची तंबी येणार असे वाटत असेल तर तुम्ही ऐसी प्रशासनाला अजून ओळखलेच नाहीये. असो.
प्रतिक्रिया उडवायला संपादक सक्षम आहेतच.
ऐसी प्रशासनाला ओळखले आहे.
ऐसी प्रशासनाला ओळखले आहे.
पण कधी कधी नवसभासद तक्रारीही करतात. मन्याने हसत प्रतिसाद दिलाच आहे.
( मायबोलीवर धागाही आहेच असा. आणि अनुभव आहे.)
सोमिवर थोडे सावध असणं बरं.
'न'वी बाजू
'न'वी बाजू यांच्या रसग्रहणाच्या प्रतीक्षेत.
- चिंतातुर जंतू
"ही जीवांची इतकी गरदी जगात आहे का रास्त |
भरती मूर्खांचीच होत ना?" "एक तूच होसी ज्यास्त" ||
ते काही असो
पण तुम्ही अशाच लिहीत ऱ्हावा...
==================
भूतकाळातील आस्वल्य.