.

यावेळी बाण किंचित हुकलाय! :P
पोस्टर निळेसाठी नव्हे धनंजयसाठी बनवाया सांगतोय गडी!

उगा मोदींच्या व्हिजिटसारखं सार्‍या मीडियाभर बोंबाबोंब कशाला.

अच्छा, हा प्रॉब्लेम आहे होय. अहो मग तुम्हीही करा की गावभर बोंबाबोंब. उगा मोदीवर कशाला बाण सोडायचा तो? नै म्हणजे असिधाराव्रत समजू शकतो, पण तरीही ;)

डोळ्यासमोर चित्र आलं हो.

निळ्या भन्नाट वेगाने सायकलवरून, हेल्मेट घालून चाललाय. फूटपाथवर कोणी ललना उभी आहे. निळ्याने सायकल रस्त्यावरच सोडली आणि तिच्याजवळ जाऊन विचारलं, "किती वाजता उठलात? काय खाल्लं?"

कुणाला भेटायचं असेल ते भेटावं नि जावं. उगा मोदींच्या व्हिजिटसारखं सार्‍या मीडियाभर बोंबाबोंब कशाला.

हीच ती एकमेकाचे पाय खेचायची खेकडी मराठी वृत्ती! म्हणून मराठी माणूस अजून पंतप्रधान नाही होऊ शकला देशाचा! काही शिका जरा आपल्या गुज्जू बांधवांपासून!

लंडन सुद्धा सापडले. आणखी शोधले नाही.

http://cheapfaresindia.makemytrip.com/international/listing/exIndia/OW/P...

तत्त्वतः, त्या सर्व फ्लैटी 'आंतरराष्ट्रीय' म्हणून गणता येणार नाहीत. (उलटपक्षी, लुफ्तहान्साची पुणे-फ्लैट ही खरोखरीची 'आंतरराष्ट्रीय' म्हणून क्वालिफाय होते.)

पुण्यास येणारी / पुण्याहून निघणारी कोणतीही फ्लैट ही 'आंतरराष्ट्रीय' म्हणून गणली जाण्याकरिता दोन बाबींची पूर्तता होणे आवश्यक आहे:

१. (पुण्याहून सुटणार्‍या फ्लैटसाठी) फ्लैटचे पुण्यानंतरचे पहिले गंतव्यस्थान किंवा (पुण्यास येणार्‍या फ्लैटसाठी) पुण्याच्या लगेच अगोदरचे उगमस्थान हे भारताबाहेर असणे आवश्यक आहे. (पुण्याहून मुंबईला जाणारी फ्लैट ही त्यानंतर मुंबईहून तशीच - बोले तो, अगदी विमान न बदलतासुद्धा - लंडनला जरी गेली, तरी पुण्याहून मुंबईपर्यंत ती 'आंतरराष्ट्रीय' गणता येणार नाही; मुंबईहून पुढे मात्र ती 'आंतरराष्ट्रीय' ठरेल.)

२. त्या फ्लैटच्या प्रवाशांना आंतरराष्ट्रीय प्रवासाकरिता करावे लागणारे भारतातील सर्व सोपस्कार (इमिग्रेशन, कष्टम वगैरे) हे पुणे विमानतळावर करावे लागावेत. (अर्थात, वरील क्र. १ची पूर्तता झाल्यास २.ची पूर्तता बहुधा आपोआप व्हावी. कारण, नियमांप्रमाणे, भारतातील आंतरराष्ट्रीय प्रवासाशी संबंधित प्रस्तुत सोपस्कार हे भारतात प्रवेश करताना भारतातील प्रथम थांब्याच्या ठिकाणी, तर भारत सोडताना भारतातील शेवटच्या उड्डाणस्थानी करणे आवश्यक आहे.^१)

वर लंडनकरिता केलेल्या शोधातील उपलब्ध फ्लैट्सपैकी एकही पुण्याहून थेट भारताबाहेर पडणारी (किंवा उलटमार्गी भारतीय हद्दीत प्रवेश केल्यावर थेट पुण्यास उतरणारी) नाही. सबब, त्या फ्लैटी 'आंतरराष्ट्रीय' नाहीत.

लुफ्तहान्साच्या पुणे-फ्लैटींचे तसे नाही. लुफ्तहान्साची पुण्यास येणारी फ्लैट ही फ्रांकफुर्टहून थेट पुण्यास येते, तर पुण्याहून सुटणारी फ्लैट ही फ्रांकफुर्टला जाण्यापूर्वी वाटेत फक्त रोमानियात बुखारेष्ट येथे (बोले तो, भारताबाहेर), आणि तीही फक्त 'तांत्रिक थांबा' म्हणून^२ थांबते, असे खात्रीलायकरीत्या कळते.^३

मुळात (एक का होईना) आंतरराष्ट्रीय फ्लाइट येत असताना पुण्यात आंतरराष्ट्रीय विमानतळ नाही असा घोर अपमान कसा करू शकतं कोणी?

O tempora! O mores! (किंवा, अधिक अवांतर माहितीसाठी: दुवा.) आणखी काय म्हणणार?

================================================================================================

^१ वरील उदाहरणात पुण्याहून लंडनकरिता दिलेल्या फ्लैटींपैकी एक फ्लैट पुणे-बंगळूरु-मुंबई-लंडन अशा काहीश्या चमत्कारिक मार्गाने जाणारी आहे. (बहुधा तीन वेगवेगळ्या कनेक्टिंग फ्लैटी असाव्यात.) आता, वस्तुतः पुणे, बंगळूरु आणि मुंबई हे तिन्ही आंतरराष्ट्रीय विमानतळ असले, तरीसुद्धा, या मार्गावरील प्रवाशांना भारतातील आपले सोपस्कार मुंबईस पार पाडावे लागावेत.

^२ म्हणजे नक्की काय, कल्पना नाही. परंतु प्रवाशांना तेथे चढूउतरू देत नसावेत बहुधा. म्हणजे, मुंबईहून पुण्याला येणारी डेक्कन क्वीन ही कर्जतला 'तांत्रिक थांबा' म्हणून थांबते. तेथे मागून दुसरे इंजिन जोडतात, परंतु प्रवाशांस चढण्याउतरण्यास परवानगी नसते^२अ. उलटमार्गी मुंबईस जाणारी डेक्कन क्वीन ही खंडाळ्यास (बहुधा घाट उतरण्यापूर्वी ब्रेकतपासणीसाठी आणि/किंवा जेवण चढविण्यासाठी) 'तांत्रिक थांबा' म्हणून थांबवतात, परंतु प्रवाशांस चढण्याउतरण्यास परवानगी नसते. त्याचप्रमाणे, पुण्याहून मुंबईला जाणारी कोणतीही गाडी ही घाट उतरताना मंकी हिल, पळसदरी आणि (बहुधा) ठाकुर्ली येथे (पुन्हा 'तांत्रिक थांबा' म्हणून, ब्रेकतपासणीसाठी, तसेच सकाळची वेळ असल्यास मंकी हिलच्या माकडांस खाऊ घालण्याची संधी प्रवाशांस मिळावी म्हणून) थांबते, त्या सर्व ठिकाणींही प्रवाशांस उतरण्यास परवानगी नसते. तसाच काहीसा प्रकार असावा बहुधा.^२ब

^२अ बोले तो, भारतीय रेल्वेच्या संदर्भात, तुम्ही समजा डेक्कन क्वीनचे छशिटहून^२अ१ पुण्याचे तिकीट काढून मध्ये कर्जतलाच उतरून निघून गेलात, तर भारतीय रेल्वे तुम्हाला अडविणार नाही बहुधा; मात्र, भारतीय रेल्वे तुम्हांस डेक्कन क्वीनचे छशिटहून कर्जतचे (आणि माझ्या अंदाजाने कर्जतहून पुण्याचेसुद्धा) रिझर्वेशनही विकणार नाही. (आंतरराष्ट्रीय प्रवासात मात्र हे मध्येच चढणे/उतरून निघून जाणे बहुधा अधिक गांभीर्याने घेतले जात असावे.)

^२अ१ मनुष्यांच्या भाषेत: 'व्हीटी'. (निदान आम्ही तरी अजूनही तस्सेच म्हणतो.)

^२ब अर्थात, विमानास मागून इंजिन लावणे^२ब१ अथवा विमानाच्या ब्रेकतपासणीसाठी मध्येच कोठेतरी ते खाली उतरविणे या दोन्हीं बाबी निदान आम्हांस तरी अनाकलनीय आहेत.

बाकी, बुखारेष्ट ते फ्रांकफुर्ट हा जो काही दीडदोन तासांचा टप्पा असेल, तेवढ्यात जेवण जर का देत असलेच, तर ते पुण्यावरून निघताना चढविण्याऐवजी बुखारेष्टला चढवितात किंवा कसे, आणि असल्यास प्रयोजन काय, ते तपासावे लागेल. (पुण्याहून बुखारेष्टपर्यंत जाताना पुण्यात चढविलेले जेवण/दारवा/जे काही असेल ते जर चालत असेल, तर त्याच प्रवाशांना त्यापुढील जेमतेम दीडदोन तासांच्या प्रवासाकरिता ते अचानक चालेनासे होऊन वेगळे काही, पूर्व-तर-पूर्व-पण-युरोपातले, लागण्याचे काही कारण दिसत नाही. बरे, पुणे म्हणजे काही सौदी अरेबियात तर नाही, की जेथे विमानात दारवा चढविता येत नाहीत; बोले तो, बिचार्‍या प्रवाशांना निदान शेवटचे दीडदोन तास तरी काय ते मनासारख्या दारवा ढोसता येऊ देत, असेही म्हणता येत नाही.)

राहता राहिला प्रश्न माकडांचा. बुखारेष्टला माकडे आहेत का, आणि ती विमान उतरतेवेळी धावपट्टीशेजारी घोळका जमवितात का, या दोहोंबद्दलही आम्हांस व्यक्तिशः कल्पना नाही. मात्र, असली जरी, आणि येत जरी असली, तरी विमानाच्या खिडक्या उघडता येत नसल्याकारणाने प्रवाशांस त्यांना खाऊ घालता येण्याचा प्रश्न रद्दबातल ठरावा. (मंकी हिललासुद्धा कधी एसीच्या डब्यातून जात असल्यास आम्हांस हीच अडचण येते. अर्थात, माकडे हुशार असतात, एसीच्या डब्याच्या आसपास फिरकतसुद्धा नाहीत, हाही भाग आहेच. तेव्हा, बुखारेष्टलासुद्धा यदाकदाचित माकडे असलीच, तरी ती विमान उतरतेवेळी धावपट्टीजवळ घोळक्याने जमत नसावीत, असा तर्क लढविता यावा.)

सांगण्याचा मतलब, बुखारेष्टचा हा 'तांत्रिक थांबा' नेमके काय साध्य करण्यासाठी असावा, हे आमच्या आकलनकक्षेपलीकडचे आहे; मात्र, तेथे प्रवाशांस चढूउतरू दिले जात नसावे, अशी आमची नम्र अटकळ आहे. असो.

^२ब१ अवांतर शंका: अग्निरथपूर्व काळात एखादा मोठा चढ चढण्यापूर्वी अश्वरथास मागून (अधिकचा) घोडा लावत असावेत काय? नाही म्हणजे, कर्जतला मागून दुसरे इंजिन लावण्यामागील नेमका प्रघात काय असावा, यावर विचार करीत आहोत.

^३ बोले तो, आम्ही स्वतः कधी या फ्लैटने प्रवास केलेला नाही. मात्र, लुफ्तहान्साची वेबसैट जर असे म्हणते, तर ते बहुधा खरे असावे. (चूभूद्याघ्या.)

एका गोर्‍याला घेऊन गेलो होतो. त्याने कुठलीतरी महाग वाईन मागवली होती ज्यामुळे बिल जास्त झालं होतं. बाकी त्यावेळी बुफे ५०० पेक्षा थोडा जास्त होता असं वाटतंय.