Skip to main content

कॉकटेल लाउंज : मालिबू हॉट अ‍ॅप्पल स्ट्रुडेल

बर्‍याच दिवसात कॉकटेल बनवले नव्हते. बार मध्ये काय काय साहित्य आहे ते बघितले, पण घरात ज्युसेस अजिबातच नव्हते. अ‍ॅप्पी फिज़ची बाटली फ्रीझमध्ये मागच्या कोपर्‍यात पहुडलेली दिसली. लगेच तिला सत्कारणी लावायचे ठरविले आणि एक कॉकटेल आठवले. तेच हे, कॉकटेल लाउंज मालिकेतील आजचे कॉकटेल आहे मालिबू हॉट अ‍ॅप्पल स्ट्रुडेल

पार्श्वभूमी:

हे कॉकटेल मालिबूच्या साईटवर एकदा बघितले होते. 'अ‍ॅप्पल स्ट्रुडेल' ह्या नावाचे एका वोडकापासून बनणारे एक वेगळे कॉकटेल आहे. त्याचे साहित्य जरा जास्त आहे. पण मलिबूने त्यांचे एक व्हेरिएशन मालिबू हॉट अ‍ॅप्पल स्ट्रुडेल बनवले, अतिशय मर्यादित साहित्याने. मग मीही त्याला एक रमचा ट्वीस्ट देऊन माझे व्हेरिएशन बनवले. रम अशासाठी की कॉकटेल जरा 'कडक' व्हावे. :)

अ‍ॅप्पी फीझच्या कार्बोनेटेड इफ्फेक्टमुळे आणि त्याच्या रंगामुळे हे व्हेरिएशन मस्त शॅँपेनसारखे दिसते आणि मालिबूच्या मखमली चवीमुळे लागते देखिल. त्यामुळे ह्यासाठी लागणारा ग्लास मी वाइन ग्लास वापरला! (खरेतर शॅँपेनफ्लुट वापरायला हवा, पण सध्या कलेक्शनमध्ये नाहीयेय)

प्रकार मालिबू बेस्ड कॉकटेल
साहित्य
व्हाइट रम १ औस (३० मिली)
मालिबू १ औस (३० मिली)
अ‍ॅप्पल फीझ ३ औस (९० मिली)
बारीक तुकडे केलेला बर्फ
ग्लास वाईन ग्लास

कृती:

ग्लासमध्ये 2/3 बर्फ (क्रश्ड आइस) भरून घ्या.

आता त्यात अनुक्रमे मालिबू, व्हाइट रम, आणि अप्पी फिझ ओतून घ्या.

आता सफरचंदाचा काप सजावटीसाठी ग्लासाच्या कडेला लावून घ्या.

अतिशय मादक आणि चित्ताकर्षक 'मालिबू हॉट अ‍ॅप्पल स्ट्रुडेल' तयार आहे :)

आवड/नावड

सोकाजीरावत्रिलोकेकर Fri, 14/03/2014 - 18:23

In reply to by सविता

हो, काप जरा जास्तच हेवी झालाय!
पण तो बायकोने करुन दिला होता त्यामुळे तिला तसे सांगण्याएवढे माझे काळीज 'हेवी' नसल्याने तसाच वापरला ;)

- (सशाच्या काळजाचा) सोकाजी

'न'वी बाजू Mon, 17/03/2014 - 07:14

In reply to by सविता

काप बहुधा 'रसा'त न्हाऊन निघाल्याने शेण्टर ऑफ ग्र्याविटी, किंवा एकंदरीतच लॉज़ ऑफ फ़िज़िक्स वगैरे गहन गोष्टींवर विचार करण्याच्या मनःस्थितीत नसावा; मुडात तर नसावाच नसावा.

'न'वी बाजू Tue, 18/03/2014 - 15:25

In reply to by सविता

सफरचंदाच्या कापाचा ग्लासाच्या अंतर्भागातला भाग हा आतील द्रवात सोकून इतका सोकावलाय, त्या ग्लासातल्या रसाचे शोषण करून इतका जड झालाय, की त्या आतल्या भागाचे वजन ग्लासाबाहेरच्या भागाच्या वजनाला मोअर द्यान कौण्टरब्यालन्स करते. त्यामुळे ग्लास कलंडणार नाही.

नाही म्हणजे, फॉर व्हॉटेवर इट इज़ वर्थ, एक थियरी ऑफर करून पाहिली. घ्यायची तर गोड मानून घ्या, नाहीतर फेकून द्या.

सोकाजीरावत्रिलोकेकर Fri, 14/03/2014 - 19:19

In reply to by ॲमी

चालतंय की!

गार्निशिंग (खाण्यायोग्य) खायचे किंवा नाही ह्याबद्दल काही खास संकेत नाहीयेत. पण जनरली ते न खाणे उच्च्भ्रूपणाचे लक्षण समजले जाते. कारण दिलेले पैसे हे मद्यासाठी दिले आहेत न की खाण्यायोग्य गार्निशिंगसाठी (माज!).

पण जर खायचे असेल तर एकदम सहजतेने, आत्मविश्वासाने खावे. कुठलाही कॉम्प्लेक्स न बाळगता, उगाच जास्त धडपड न करता. मला तर मार्टीनीमधला ऑलिव्ह खायला फार आवडते.

तर, जे मनाला पटेल ते करावे.

- (साकिया) सोकाजी

ॲमी Fri, 14/03/2014 - 19:31

In reply to by सोकाजीरावत्रिलोकेकर

कूल :-D. मॉकटेल वगैरेच गार्निशिँग खायचे मी नेहमी. पण एका मुलीने जरा 'वेगळाच' काहीतरी संकेत सांगितला (तो फक्त चेरीबद्दलच होता की सगळ्याच गार्निशिँगबद्दल आठवत नाही) म्हणुन विचारुन घेतल.
बाकी कृती, फोटो नेहमीप्रमाणेच झकास.

ॲमी Sun, 16/03/2014 - 06:47

In reply to by बॅटमॅन

(नीचभ्रूपणा करून हुच्चभ्रूंना चखणाशोधार्थ सळो की पळो करून सोडलेला) >> हा हा हा ठौक आहे. तुम्ही नीचभ्रू लोक लै चालु असता.

चखण्यामधे कायकाय असतं बरं? मला मसाला, खारे शेँगादाणे (काजू नको फार हेवी होतात) आणि ती तिखट तळलेली चणा (की मसूर) डाळ फार आवडते. बाकी चकली, फरसाण ठीकठीक. अजुन काय असत?
व्हिस्की/रम + बर्फ/सोडा चा एक घोट आणि कडवट झालेल्या तोँडात टाकलेला चखणा. आहाहा! नंतर एक चिकन बिर्याणी चापायची.

सोकाजीरावत्रिलोकेकर Sun, 16/03/2014 - 12:23

In reply to by ॲमी

व्हिस्की/रम + बर्फ/सोडा चा एक घोट आणि कडवट झालेल्या तोँडात

हाय तुने बराबर चख्याच नही| असे म्हणेन.

सिंगल मॉल्ट आणि पाणी ह्याचे परफेक्ट काँबिनेशन एकदा करून दाखविन, नाही गोड लागले तर नाव बदलेन!

- (साकिया) सोकाजी

ॲमी Sun, 16/03/2014 - 12:43

In reply to by सोकाजीरावत्रिलोकेकर

ऐला हे नवीनच ऐकतेय :O धागा काढा बरं यावर.
तशी ती कडवट चवपण आवडते म्हणा मला, पण गोडची परीक्षा घ्यायला कधीपण तैयार आहे :-P

'न'वी बाजू Sat, 14/01/2017 - 23:52

In reply to by अतिशहाणा

ड्रिंक्सबरोबर समजा चकणी आली तर काय कराल? तेच करायचे. उगाच चकण्याला निराळा न्याय काय म्हणून?

मन Tue, 18/03/2014 - 12:24

तुम्ही मुली असून दारु पिता ?
दारु पिउन पुन्हा थेट सांगतासुद्धा चार चौघात ?

अबापट Sat, 14/01/2017 - 16:29

आहे इंटरेस्टिंग.... पण मालिबू + स्प्राईट / सेव्हन अप + बर्फ सारख्या उच्च दर्जाच्या आद्य , मूळ , सनातन मिश्रणात इतर काही टाकण्याचे धैर्य होणार नाही माझे . ( कर्मठ , सनातनी बापट )