कॉकटेल लाउंज : मालिबू हॉट अॅप्पल स्ट्रुडेल
बर्याच दिवसात कॉकटेल बनवले नव्हते. बार मध्ये काय काय साहित्य आहे ते बघितले, पण घरात ज्युसेस अजिबातच नव्हते. अॅप्पी फिज़ची बाटली फ्रीझमध्ये मागच्या कोपर्यात पहुडलेली दिसली. लगेच तिला सत्कारणी लावायचे ठरविले आणि एक कॉकटेल आठवले. तेच हे, कॉकटेल लाउंज मालिकेतील आजचे कॉकटेल आहे मालिबू हॉट अॅप्पल स्ट्रुडेल
पार्श्वभूमी:
हे कॉकटेल मालिबूच्या साईटवर एकदा बघितले होते. 'अॅप्पल स्ट्रुडेल' ह्या नावाचे एका वोडकापासून बनणारे एक वेगळे कॉकटेल आहे. त्याचे साहित्य जरा जास्त आहे. पण मलिबूने त्यांचे एक व्हेरिएशन मालिबू हॉट अॅप्पल स्ट्रुडेल बनवले, अतिशय मर्यादित साहित्याने. मग मीही त्याला एक रमचा ट्वीस्ट देऊन माझे व्हेरिएशन बनवले. रम अशासाठी की कॉकटेल जरा 'कडक' व्हावे. :)
अॅप्पी फीझच्या कार्बोनेटेड इफ्फेक्टमुळे आणि त्याच्या रंगामुळे हे व्हेरिएशन मस्त शॅँपेनसारखे दिसते आणि मालिबूच्या मखमली चवीमुळे लागते देखिल. त्यामुळे ह्यासाठी लागणारा ग्लास मी वाइन ग्लास वापरला! (खरेतर शॅँपेनफ्लुट वापरायला हवा, पण सध्या कलेक्शनमध्ये नाहीयेय)
| प्रकार | मालिबू बेस्ड कॉकटेल |
| साहित्य | |
| व्हाइट रम | १ औस (३० मिली) |
| मालिबू | १ औस (३० मिली) |
| अॅप्पल फीझ | ३ औस (९० मिली) |
| बारीक तुकडे केलेला बर्फ | |
| ग्लास | वाईन ग्लास |
कृती:
ग्लासमध्ये 2/3 बर्फ (क्रश्ड आइस) भरून घ्या.
आता त्यात अनुक्रमे मालिबू, व्हाइट रम, आणि अप्पी फिझ ओतून घ्या.
आता सफरचंदाचा काप सजावटीसाठी ग्लासाच्या कडेला लावून घ्या.
अतिशय मादक आणि चित्ताकर्षक 'मालिबू हॉट अॅप्पल स्ट्रुडेल' तयार आहे :)
एक शक्यता
सफरचंदाच्या कापाचा ग्लासाच्या अंतर्भागातला भाग हा आतील द्रवात सोकून इतका सोकावलाय, त्या ग्लासातल्या रसाचे शोषण करून इतका जड झालाय, की त्या आतल्या भागाचे वजन ग्लासाबाहेरच्या भागाच्या वजनाला मोअर द्यान कौण्टरब्यालन्स करते. त्यामुळे ग्लास कलंडणार नाही.
नाही म्हणजे, फॉर व्हॉटेवर इट इज़ वर्थ, एक थियरी ऑफर करून पाहिली. घ्यायची तर गोड मानून घ्या, नाहीतर फेकून द्या.
चालतंय की! गार्निशिंग
चालतंय की!
गार्निशिंग (खाण्यायोग्य) खायचे किंवा नाही ह्याबद्दल काही खास संकेत नाहीयेत. पण जनरली ते न खाणे उच्च्भ्रूपणाचे लक्षण समजले जाते. कारण दिलेले पैसे हे मद्यासाठी दिले आहेत न की खाण्यायोग्य गार्निशिंगसाठी (माज!).
पण जर खायचे असेल तर एकदम सहजतेने, आत्मविश्वासाने खावे. कुठलाही कॉम्प्लेक्स न बाळगता, उगाच जास्त धडपड न करता. मला तर मार्टीनीमधला ऑलिव्ह खायला फार आवडते.
तर, जे मनाला पटेल ते करावे.
- (साकिया) सोकाजी
(नीचभ्रूपणा करून हुच्चभ्रूंना
(नीचभ्रूपणा करून हुच्चभ्रूंना चखणाशोधार्थ सळो की पळो करून सोडलेला) >> हा हा हा ठौक आहे. तुम्ही नीचभ्रू लोक लै चालु असता.
चखण्यामधे कायकाय असतं बरं? मला मसाला, खारे शेँगादाणे (काजू नको फार हेवी होतात) आणि ती तिखट तळलेली चणा (की मसूर) डाळ फार आवडते. बाकी चकली, फरसाण ठीकठीक. अजुन काय असत?
व्हिस्की/रम + बर्फ/सोडा चा एक घोट आणि कडवट झालेल्या तोँडात टाकलेला चखणा. आहाहा! नंतर एक चिकन बिर्याणी चापायची.
सफरचंदाचा काप जरा जास्तच हेवी
सफरचंदाचा काप जरा जास्तच हेवी वाटत नाहीये का? ग्लास ला आधार दिला नाही तर तो बद्कन सांडेल की!