बखर....कोरोनाची (भाग २)

राजेश भाऊ,
माहिती म्हणून सांगतो. की या व्हायरस बद्दल जगाला 'ज्ञान' यायला अजून एखादे वर्ष तरी लागणार आहे.आत्ता पुढे येत आहे ती फक्त 'माहिती' . माहिती महत्वाची असतेच , पण एका मर्यादित दृष्टीने.
व्हायरस नवीन आहे आणि त्याच्याबद्दल आतापर्यंत माहिती ही फक्त
एका मोसमातील एका जन समूहात काय झाले त्याबद्दल आहे.
(उन्हाळा व इतर जनसमूह यात व्हायरसच्या infectivity आणि virulance चे काय होणार ते भविष्यकाळातच कळेल.शास्त्रज्ञानाही आणि आपल्यालाही.)
काल आलेली माहिती ही उद्या चुकीची ठरू शकणार आहे (विज्ञान याच डोळस पणामुळे पुढे जाते) यात त्रागा करण्यासारखे काहीही नसते.
आत्ता ज्या उपाययोजना केल्या जात त्या म्हणजे ' कमीत कमी चुकीच्या 'अशा आणि मूलतः प्रतिबंधात्मक अशा आहेत.
बाकीच्या ठिकाणचं माहीत नाही, परंतु किमान आपल्या देशात तरी शास्त्रज्ञ मंडळी ज्ञानी, चौकस आणि सजगतेने पॉलिसीज ठरवत आहेत असे वाटते.
या विषयात मुख्य म्हणजे ICMR नावाच्या शिखर संस्थेतील एपीडिमिओलॉजि प्रमुख डॉ.रमण गंगागखेडकर हे आहेत.
त्यांची एक एका तासाची मुलाखत बघा,
बघून मी तरी आश्वस्त झालो.
आपणही कदाचित व्हाल.
हा खेळ या व्हायरस प्रतिबंधात्मक लस तयार होईपर्यंत (म्हणजे किमान 12 ते 18 महिने) किंवा यावर उपयोगी औषध सापडेपर्यंत चालू राहणार.
याला पर्याय नाही.
विज्ञान वादी लोकांवर टीका करण्याचे प्रयोजन कळले नाही.
कृपया समजावून द्यावे.
खुबीने टाळले वगैरे लिहिता याचा अर्थ कळला नाही.
उत्तर माहीत नसेल तर न देणे हा पर्याय काहीतरीच उत्तर फेकण्यापेक्षा चांगला वाटतो.
किंवा विज्ञाना व्यतिरिक्त दुसरे काही उपाय तुम्हाला ज्ञात असतील तर तेही सांगावेत , आमच्या सारख्या सामान्यजनांचाही फायदा होईल
ता क : तेवढी मुलाखत नक्की बघणे.
बाकी लोभ आहेच...

राजेश भाऊ,
याचेही उत्तर आधीच्या प्रतिसादात कृपया वाचणे.
भाडोत्री विचारवंत कोण हेही कृपया सांगावे.
सध्या दोनच पर्याय आहेत सगळ्यांना.
पूर्ण ज्ञान हाती येईपर्यंत काहीही न सांगणे
किंवा
आत्ता पर्यंत जी 'माहिती' (ज्ञान नव्हे) ते लोकांपर्यंत पोचवणे (विनम्रपणे, हे जाणून की ही फक्त माहिती आहे, आणि ती एका मर्यादित संदर्भातच खरी आहे.जागतिक , सर्वसाधारणपणे खरी असेलच असे नाही)
आणि ही विनम्रता वाचकानेही ठेवणे जरुरी असे वाटते.
अंतिम सत्य अजून माहीत नाहीये या विषाणू बद्दल , कुणालाच.
पुढे येत आहे ती फक्त निरीक्षणात्मक माहिती.