धुमकेतू - NEOWISE C/2020 F3
सध्या आकाशात एक नुकताच शोधलेला धुमकेतू साध्या डोळ्यांना दिसत आहेत. धुमकेतुचे नाव C/2020 F3 (NEOWISE) असे ठेवण्यात आले आहे.
धुमकेतु नुकताच सुर्यामागून प्रदक्षिणा पुर्ण करून परतीच्या मार्गाला लागला आहे. संपुर्ण प्रदक्षिणेचा काळ साधारण सात हजार वर्षे इतका आहे. सुर्याच्या अजून जवळ असल्याने विषववृत्ताजवळील ठिकाणांहून धुमकेतू दिसणे सध्या अजून थोडे अवघड आहे.
सध्या सुर्योदया अगोदर 30-40 मिनिटे बरोबर ईशान्येस पाहिल्यास धुमकेतू दिसू शकते. दोन-तीन आठवड्यांनी संध्याकाळी सुर्यास्तानंतर दिसेल, पण जस जसा लांबा जाईल तस तसा तो फिका दिसू लागेल. तेव्हा, लवकरात लवकर पाहणे इष्ट.
काल मी घेतलेला फोटो इथे देत आहे. फोटो वर क्लिक केल्यास मोठा फोटो दिसेल.
प्रतिक्रिया
फोटोसाठी किती वेळाचं एक्सपोजर
फोटोसाठी किती वेळाचं एक्सपोजर वापरलं?
---
सांगोवांगीच्या गोष्टी म्हणजे विदा नव्हे.
Tech Spec
वरचा फोटो 280 मिमि फोकल लेंथ, 4 सेकंद एक्स्पोझर आणि 640 ISO वापरून काढला.
-Nile
फार सुंदर.
फार सुंदर.
----------
फोटोमध्ये डाव्याबाजूला डोंगरावर एक तांदुळासारखा आकार चमकतो आहे ती Andromeda galaxy आहे?
धन्यवाद.
नाही, एक तारा आहे. फोटो भरपूर झूममध्ये 4 सेकंदाने काढल्यामुळे तारे असे लांब तांदळासारखे दिसताहेत- कारण चार सेकंदात ते पुढे सरकले आहेत. (अजून दोन तीन दिसतील किमान जर फोटोवर क्लिक केलेत तर.
अॅन्ड्रोमेडा त्यापेक्षा मोठी दिसेल आकाराने पण कदाचीत फिकी दिसेल- याच सेटिंग्समध्ये.
-Nile
सूर्य आता मिथुनेत( जेमीनी)
सूर्य आता मिथुनेत( जेमीनी) उगवायच्या अगोदर ,आणि Andromeda in Taurus. असा हिशोब लावला. Castor Pollux आहेत का बाजुला तेव्हा?
बाकी खूप झूम आणि चार सेकंदाने तारे लांबले - ओके.
( तुम्ही C6 telescope tracking मध्ये ठेवली असावी या तर्काने तारे लांबुडके होणार नाहीत हा एक विचार.)
बाकी तुमचा छंद आवडला.
टेलिस्कोप वापरला नाही
फोटो फक्त ट्रायपॉडवर लावलेल्या कॅमेराने काढला आहे. कॉमेटचा आकार बराच मोठा आहे त्यामुळे टेलिस्कोप वापरला नाही.
हो, ऑरिगा मध्ये आहे. कॅस्टर, पोलक्स (जेमिनी)पासून सद्ध्या जवळ आहे धुमकेतू.
-Nile
क्षितीज
खालची क्षितीजाची रेघ बघून लक्षात आलं की दुर्बीण वापरली नसणार!
---
सांगोवांगीच्या गोष्टी म्हणजे विदा नव्हे.
करोना
म्हाणजे सध्याची साथ ह्या धूमकेतूने आणली तर.
करोना
दुप्लीकेट प्रतिसाद काढला आहे
छान
फोटो उत्तम. धूमकेतू पाहायला मजा येते. लहान असताना एक पाहिला होता. चांगला २-३ आठवडे वायव्येकडे दिसत होता. सध्या भारतात बऱ्याच ठिकाणी ढगाळ हवामानामुळे कितपत दिसेल शंका आहे.
A short tutorial
अनेकांनी धुमकेतू कुठे पहावा विचारल्यामुळे एक टुटोरिअल सदृश पोस्ट लिहली आहे. याचा उपयोग करून शोधणे सुकर होईल अशी आशा.
https://nile-isms.blogspot.com/2020/07/neowise.html
-Nile
अजून एक फोटो
12 तारखेला काढलेला फोटो. चित्रावर क्लिक केल्यास मोठे चित्र दिसेल.
-Nile
पाहिला!
मी संध्याकाळी पाहिला
बराचसा क्षितिजापाशी असल्याने थोडा अंधुक दिसत होता. आता पुन्हा एकदा शहराबाहेर जाउन बघीन.
ह्या धाग्याबद्दल धन्यवाद! फोटो खूपच मस्त आलाय
==================
भूतकाळातील आस्वल्य.
मी संध्याकाळी पाहिला म्हणजे
मी संध्याकाळी पाहिला म्हणजे तो आता सूर्याला वळसा घालून परत चाललाय. जी काय शेपुट उरली असेल ती पुढे ठेवून .
मित्राच्या भिंतीवरून
---
सांगोवांगीच्या गोष्टी म्हणजे विदा नव्हे.