(कॉंग्रेस का हरली?)

मला एक शंका आहे बरे दिसणारे लोक कमी बुद्धीवान वाटतात का? म्हणजे मला स्वतःला राहुल गांधी दिसायला अथवा कसाही अजिबात आवडत नाही. पण असं ऐकून आहे की काही मुलींना तो चिकना वाटतो
त्यामुळे तो "चिकना आहे/चॉकेलेट बॉय आहे = मठ्ठ आहे" अशा सर्वसाधारण समजूतीतून काँग्रेस हरली असावी का? आपलं असं उगाचच. ..... जाणकार प्रकाश टाकतीलच म्हणा.
याउलट उग्र व्यक्तीमत्त्वाचे मोदी हुषार वाटले असावेत का?
आता अदितीने धागाच असा काढल्याने या (लघु)शंकेचा निचरा होऊनच जाऊंद्या!!!!

सदस्य अतिशहाणा यांनी एकतर असं सदस्यनाम घेतलं आणि वर स्वाक्षरीत कॉंग्रेसचा प्रचार केला.

काँग्रेसला ज्या काही जागा मिळाल्या आहेत त्या अतिशहाणा यांच्या प्रचारानेच मिळाल्या आहेत. अन्यथा आणखी कमी मिळाल्या असत्या.

५. 'ऐसी'सारख्या वाचकप्रियतेचा उच्चांक स्थापन करणाऱ्या संस्थळाने, संस्थळाची राजकीय भूमिका जाहीर केली नाही. याचा कॉंग्रेसला तोटा आणि मोदींचा चिकार फायदा झाला. विशेषतः गुजराथ आणि वाराणसीतून संस्थळावर येणारे हिट्स पाहता, मोदींना या भूमिका न घेण्याच्या भूमिकेचा बराच जास्त फायदा झाला.

हेच मला सगळ्यात महत्त्वाचं कारण वाटतं. मोदींनी जाणून घेतलेलं होतं की ही निवडणुक केवळ चौकाचौकातल्या नारेबाजीने नव्हे तर संस्थळासंस्थळावरच्या चर्चांनी फिरणार आहे. त्यामुळे त्यांनी खूप आधीच ऐसीच्या व्यवस्थापनाला अॅप्रोच केलं. गुजरातमध्ये शेतकऱ्यांना दहापट पैसे देऊन मिळवलेली जमीन ऐसीच्या जगड्व्याळ ऑफिससाठी फुकट, ऐसीला पुढच्या वीस वर्षांसाठी करमाफी (टेक्निकली माफी नाही, पण पुढची वीस वर्षं जितका कर होऊ शकेल तितकं कर्ज बिनव्याजी... म्हणजेे माफीच) ऐसीच्या मालकांना फिरण्यासाठी अदानींचं हेलिकॉप्टर, आणि संपादकांना घसघशीत पे पॅकेजेस देण्यासाठी पुन्हा ऐसीला बिनव्याजी, बिनमुदतीचं कर्ज... एवढं केल्यावर मोदींचं म्हणणं न ऐकणं म्हणजे राष्ट्रद्रोहच वाटायला लागला आम्हाला. ऐसीने आपला शब्द पाळला, आता बारी मोदींची आहे. केम मोदीभाय, सामढो छो के नई?

काँग्रेस का हरली?

घोडा का अडला?

भाकरी का करपली?

न फिरवल्यामुळे.

-बॅटबल.

मला वाटत दिग्विजय यांची गर्लफ्रेंड आहे हे समल्यावर लोकं प्रचंड जेलसले आणि मोदींनी बायकोला सोडून दिलय हे समजल्यावर त्यांना मर्यादा पुरुषोत्तमच आठवला. म्हणुन काँग्रेस हरली आणि मोदी जिंकले.
बादवे मला राहुल चिकणा वाटतो आणि उमर अब्दुल्ला, सलमान खुर्शिदपण क्युट्ट आहेत :-).

काँग्रेसने म्हणजे सरकारने(पक्षी: भारत नामक संस्थळ चालकांनी) फक्त आणि फक्त आपलं लक्ष्य डाव्या(थत्ते, अतिशहाणा, गुर्जी, जोशी(हे निदान डावखुरे तरी असावेत)) लोकांवर केंद्रित केलं अगदी नंतर संस्थळीय चिंतन बैठकीत (पक्षी: धाग्यात) सुद्धा त्यांनी उजव्यांना फाट्यावर(अनुल्लेखानं) मारलं, हे असं झालं तर उजव्यांची गर्दी असलेल्या जगात डाव्या चालक/मालकांना ते कितीही क्यूट असले तरी कोण विचारणार? त्यात परत छ्द्मीपणा वगैरे करून उच्चभ्रू टीका करून जमीनीवरच्या(पक्षी: फक्त प्रतिसाद लिहिणार्‍या) लोकांपासून अंतर राखत कॉफिनात खिळे मारले, आता प्रियांकाने येऊन कितीही सारवासारव केली तरी उपयोग काय? शेवटी कुंभार गेला तो गेलाच.

जाता-जाता : अहो मला तर ह्या संस्थळाचे नाव सुद्धा डाव्या हाताने लिहल्यासारखं वाटतयं, उद्या भडकाउ हि श्रेणी जाऊन 'उजवा प्रतिसाद' ही श्रेणी आली तरी मला विशेष वाटणार नाही.

काँग्रेसला गेल्या निवडणुकीइतकीच म्हणजे सुमारे साडेदहा कोटी मतं मिळाली. म्हणजे काँग्रेसने जे टारगेट ठेवलं ते अचीव्ह झालं असावं.

प्रॉब्लेम इतकाच झाला की दरम्यानच्या काळात ८-१० कोटी मतदार वाढले तेवढं ते विसरून गेले. गलतीसे मिष्टेक हो गया.

वरच्या लिस्टमधे बाकीचे सर्व कसे दिसतात ते माहित नाही पण नितिन थत्ते कट्ट्यावरील फोटोंमधे अगदी हॅन्डसम वाटतात. त्यामुळे आमच्यासारख्या सामान्य दिसणार्‍या
सदस्यांनी जेलसीने कमळाला मतदान केले.

काँग्रेसच्या जुन्या खोडांना तंत्रज्ञान नीट वापरता आले नाही म्हणून.
अन्नसुरक्षेपेक्षा मोबाईल फोन जास्त महत्त्वाचा आहे हे त्यांना कळले नाही. थरुर आणि दिग्विजयसिंग भलत्याच गोष्टी ट्विटत राहिले.

भारताला स्वातंत्र्य २०११* मधे मिळाले. डावे, सेक्यूलर, पुरोगामी, सिडोसेक्यूलर, इ इ जनतेला मूर्ख बनवून ८०% वेळ देशावर राज्य केले. मध्यंतरी बॅटमॅन, मी, मनोबा इ इ ची छोटमोठि सरकारे आली नि गेली पण मेघना, अदिती, चिंज, घासकडवी, सचिन, तेजा, अतिशहाणा, थत्ते, इ इ इतका वाईट प्रकार चालवला होता कि दुसर्‍या पक्षाचे सरकार जाऊ द्या, उल्लेखनीत विरोधी पक्ष बनेना. बरे, असेना का, भारताचा दर्जा बकवासच. मग जून २०१३** मधे अरुणजोशी या सितार्‍याचा जन्म झाला. त्याला मे २०१४*** पर्यंत कडवट अवहेलना झेलावी लागली, परंतु पहिल्यांदा भारतात प्रतिगामी सरकार स्थापन झाले. चवताळलेल्या पुरोगाम्यांना (बहुतेक वेळा) डोके थंड ठेऊन चारी मुंड्या चित केले. आजही तथाकथित पुरोगामी लॉबीचा संशयगंड तिथेच आहे, उलट त्यांना सद्हेतूबद्दलच शंका आहे, परंतु पुरो वा प्रति गामिता बाजूला ठेऊन देशाचे उत्थान होईल अशी आशा उत्पन्न झाली आहे.

* १९४७
** १९९१
*** आज

मौजमजेचा धागा आहे ना?

सोप्पय ! काणकी कॉंग्रेस निवण्णूकीला उभी होती . आणीबाणी लादली असती तर असा सपाटून मार खावा लागला नसता .
काणकी पप्पूकडे खॉकी हॉप्प्याण्ट नव्हती . सोनियाला संतोषी मातेची आरती तोंडपाठ नव्हती . मनमोहनला संता बंताचे विनोद येत नव्हते . वगैरे .

क्युट्ट क्युट्ट म्हणूनही त्या चिकण्या राहुलची १० वर्षे वाट पाहिली तरी राहुल आम आदमीलाच महत्त्व(भाव) देत राहिला, आआपने तर नावातही फक्त आदमीलाच स्थान दिलंय हे पाहून सर्व आम औरत यांनी मोदींसारख्या 'संभाव्य' बॅचलरला मते दिली. एकदा का स्त्री शक्ती एकवटली की मग बाकीचे पाचोळ्यासारखे उडून जातात हो की नै मुन्नी आपलं अदिती?

मला प्रियंका क्यूट वाटते, पण ती पंतप्रधानपदाची उमेदवार नव्हती म्हणून मी काँग्रेसला मत दिलं नाही.
माझ्या एका नाशकातल्या मैत्रिणीला छगन भुजबळ क्यूट वाटतात (अहो ज्याची त्याची जाण समज वगैरे) पण ती आता नाशकात नसते तर यूएसमध्ये असते. म्हणून भुजबळ हरले.
माझ्या एका पुण्यातल्या मैत्रिणीला अनिल शिरोळेपेक्षा दीपक पायगुडे हँडसम वाटला, पण ती अमराठी आहे. शिवाय ती भारती विद्यापीठात शिकायची. म्हणून तिनं शेवटी शिरोळेंनाच मत दिलं.
माझ्या २ गे मित्रांना दाढीवाले केसाळ पुरुष आवडतात म्हणून त्यांनी मोदींना मत दिलं (तसंही त्यांना एकमेकांशी किंवा मोदींशी किंवा कुणाशीच लग्न करण्यात फारसा रस नाही. त्यामुळे ३७७ला त्यांचा विरोध नाही)
माझ्या ओळखीत कुणालाही केजरीवाल क्यूट वाटले नाहीत.

माझ्या मते, भा. ज. प. जिंकल्यामूळे काँग्रेस हरली असावी....

भारी आहे धागा, आणि प्रतिसादही!

http://whycongresslost.in/

हे कारण आहे कॉग्रेस हरण्याचं. एपीक आहेत काही कोट्स!

चाललेला विनोद दुर्लक्षून गंभीर प्रतिसाद देतो आहे. मोदी जिंकले कारण त्यांची दूरदृष्टी. गेली अनेक दशकं गुजरात्यांनी भारतभर आपलं वास्तव्य वाढवलं. मोदींनी बरोबर वेळ निवडून उमेदवारी जाहिर केली. एकून मतांच्या किती टक्के गुजराती मतं होती याच्या कोणी हिशेब केला आहे का? असेल तर पहा.

जाता जाता, थोड्याच वर्षात एखादा गुजराती अमेरीकेवर, पक्षी जगावर, राज्य करेल असे भाकीत वर्तवतो.

काँग्रसची चक्क ऐसीला 'कारणे शोधा' नोटिस आली आहे वाटतं. पुढच्या निवडणुकीचे काँग्रेसचे प्रचार काँट्रॅक्ट ऐसी मिळवण्याच्या प्रयत्नात आहे काय?