"तेंव्हा कोठे कविसंमेलने कमी झाली!"
सर्व पराभूत मार्क्सिस्टस सौंदर्यवादी होतात या
नियमाप्रमाणे फॅसिस्ट राजवटीच्या मधल्या वर्षांत
कविसंमेलने वाढली (श्रोत्यांपेक्षा कवी जास्त असत),
कवितांची पुस्तके वाढली, ती विकत घेणाऱ्यांची
संख्या वाढली , तरुण मुले तरुण मुलींना
कॅफेमध्ये कविता वाचून दाखवू लागली, (पैसेवाल्या
तरुणांचा तुडवडा असल्यामुळे मुली त्या ऐकूनही
घेऊ लागल्या ) एकूण अराजक झाले, लोक
जेरीस आले . सर्वत्र "त्राही माम्"!. अखेर
राजकीय वारे फिरवू शकणाऱ्या
मध्यमवर्गीय ड्रॉईंगरूम्समधून,
झोपडपट्यांच्या गणेशोत्सव मंडळांतून ,
नागर समाजाच्या सर्व थरातून मार्क्सिस्टांना
गुप्त मेसेजेस गेले "हे थांबवा , या वेळी तुम्हाला निवडून
देतो, नक्की!". फॅसिस्टांना बातमी गेली ,
घाईघाईने त्यांनी बेकारी, महागाई कमी करायचे
प्रयत्न केले. अनेक वर्षांची धोरणे
उलटविणें सोपे नव्हते, निवडणूक झाली,
मार्क्सिस्टांची लाट आली,
- तेंव्हा कोठे कविसंमेलने कमी झाली!
XXX
: मिलिंद पदकी
प्रतिक्रिया
फॅसिझम हा मार्क्सिझम चा भाऊ
फॅसिझम हा मार्क्सिझम चा भाऊ आहे.
Except when fascism masquerades as Hindutwa.
Except when fascism masquerades as Hindutwa. Then suddenly they are sworn enemies!