Skip to main content

ओढ दर्शनाची

तुझ्या दर्शनाची मनास लागली रे ओढ
मन होते कासावीस लागुनिया वेड

काम करता लक्ष नाही कामामधे चूक
नाही जाणीव पोटाला मरते तहानभूक

घर नाही दार नाही विसरतो संसार
जीवनात सार सारे वाटू लागते असार

नामस्मरण राहे मुखी हात टाळामधे गुंग
डोळ्यापुढे चरण तुझे मनी दर्शनाचा चंग

करी जिवाचे सार्थक अर्पिले जीवन माझे
एकदाच डोळे भरून पाहू दे रे रूप तुझे

नाही मोठा मी रे संत ना कुणी महंत
इवलासा जीव माझा होई तू कृपावंत . . .

.

अजो१२३ Thu, 19/09/2013 - 11:09

ईश्वरमिलनाची उच्चतम इच्छा प्रकट करूनही न भेटणारा देव कधी कधी क्रूर वाटतो. तो कधीच भेटत नसला तरी तशी कामना करणारे लोक अनरिजनेबल वाटतात. कधी कधी मूर्ख वाटतात.