बाबूराव

नेटवरचं माझं लिखाण हे प्रामुख्याने स्वान्तसुखाय या कॅटेगरीत मोडतं. पुस्तक छापण्याची किंवा प्रसिद्ध होण्याची कुठलीही अपेक्षा नसल्याने प्रयोग करावेसे वाटतात. मुद्रीत माद्यमातून नेटसारख्या माध्यमात येताना बरेच फरक आहेत. काही सुविधाही आहेत. त्यांच्या नैतिक अनैतिकतेच्या चर्चेत न पडता काही गोष्टी क्लिअर कराव्याशा वाटतात. लिखाण करताना थोडंसं वेगळ्या शैलीचं लिखाण एका वेगळ्या अवतारात करावं असं वाटलं. याच कारणासाठी काही काळ बाबूराव या नावाने लिखाण केलं. सुरुवातीला अशुद्ध भाषेत लिहीणा-या बाबूरावाने काही लघुरहस्यकथा लिहीताना सुशि, वाळिंबे, ब्लॅकस्टार यांची टिंगल केली. बाबूराव या पात्रामुळे ओळखीच्या लोकांनाही त्यात गंमत वाटली. थोडी मौजमजा हा हेतू होताच. प्रवी़ण टोकेकरांनी ब्रिटीश नंदी या नावाने लिखाण केलं तसंच काहीसं. त्यानंतर मात्र बाबूरावांनी कथा लिहील्या. त्याही लोकांना आवडल्या. आता ओळख दिल्यावरही लोकांनी बाबूरावांचं अस्तित्व ठेवावं असं कळवलंय. जर कुणाचं आहे त्याच आयडीने लिखाण करणं का अशक्य आहे या प्रश्नाला माझ्याकडे उत्तर नाही. बाबूराव या ब्रॅण्डचं लिखाण आवडलं तर कळवा.

इथे हडळीचा मुका ही बाबूरावांची कथा लवकरच देणार आहे. वाचून कळवावे ही विनंती.