स्धल-कालाचे ताणे-बाणे
anant_yaatree
अथांग धूसर भविष्य उडवी तुषार अविरत अधुनाचे
झरझर सरत्या..
थेट धडकत्या...
अधुना मधुनी स्फटिक जन्मती अतिताचे
उत्पत्ती अन् स्थिती, लयाचा रहाट अविरत चालतसे
स्थूल, सूक्ष्म, चेतन नि जडाचे..
अनंतरंगी घाट चणींचे..
पोहोरे माळुनी फिरत असे
स्धल-कालाचे ताणे-बाणे तोलुनी धरिती विश्वाला
जटिल नि बहुमित..
अमूर्त, अनवट..
रूप तयांचे गोचर केवळ गणिताला
नाही आवडली. शब्दबंबाळ वाट
नाही आवडली. शब्दबंबाळ वाटते.