माझ्या कवितेची शाई
माझ्या कवितेची शाई
आहे अजब मिश्रण
भस्म अधुऱ्या स्वप्नांचे
त्यात अश्रुंचे शिंपण
कधी माझ्या कवितेचा
शब्द निनादे आभाळी
कधी धरती विंधतो
कधी ग‌र्ज‌तो पाताळी
कवितेची ओळ माझ्या
कधी बोब‌डे बोल‌ते
कधी बोलता बोलता
गहनाशी झोंबी घेते
क‌वितेच्या रोम‌रोमी
फुंकीन मी प्राण जेव्हा
तेव्हा तुम्हा रसिकांचा
पाठीवरी हात हवा
लताबाई
छान. मस्त आहे कविता. पण, आधीच्या कवितांइतकी 'इंटेन्स' वाटत नाही.
ते कसं आहे, लताची बाकी सगळी गाणी आपल्याला खूप आवडतात, पण, त्यांनीच गायलेले,
माझे गाणे, एकच माझे नित्याचे गाणे
अक्षय गाणे, अभंग गाणे, गाणे हे गाणे
सर्व जगाचे मंगल, मंगल माझे गाणे
या विश्र्वाची एकतानता हे माझे गाणे
हे ऐकताना तेवढेसे आवडत नाही,
तसेच याचे आहे.
वेगळ्या कविता.
आन्तरजालावर सुमार कवितांचं बेसुमार पीक निघत असताना त्यात आपल्या कविता वेगळ्या उठून दिसतात. सरासरीपेक्षा अधिक असं नक्कीच काहीतरी त्यांत असतं.
आणि ऐसीवर किती प्रतिसाद मिळाले यावर जाऊ नका. प्रतिसाद मिळाले हेच महत्त्वाचं कारण या कवितांची दखल घेतली गेली हे त्यातून दिसतं. लिहीत राहा. आम्ही प्रतिसाद देऊच असं नाही पण वाचू तरी नक्कीच.
ता. क. : या वर्षीच्या दिवाळी अंकांत तुमच्या काही कवित्या होत्या का? या शैलीतलं काही वाचल्यासारखं वाटतंय.
छान. मस्त आहे कविता. पण,
छान. मस्त आहे कविता. पण, आधीच्या कवितांइतकी 'इंटेन्स' वाटत नाही.