माझी झोळी
राजेश घासकडवी
दिसतात मलाही जखमा इतरांच्या वर्मावरच्या
जरि पेरत नाहि तरीही मी मीठ बाळगुन आहे
काचेच्या घरांतुनी मज बेघरावरी हो वर्षा
मऊ त्या दगडांपेक्षा मी वीट बाळगुन आहे
स्वप्नांच्या तुटण्याचा जे आवाज ऐकुनी हसती
त्यांचेही रडणे कानी मी नीट बाळगुन आहे
मी हार समजतो ज्याला त्या कर्तृत्त्वाच्या राशी
ते मोजत मोजत म्हणती 'मी जीत बाळगुन आहे'
केलेली दाने विसरुन, कर्जाचे घेउन ओझे
झगडून वाहण्याची ही मी रीत बाळगुन आहे
मी हार समजतो ज्याला त्या
आवडले