आता तमा कशाला

आता तमा कशाला
तुला संकटांची
पाठीवर तुझ्यारे
माझाच हात आहे

तू घे गरुड भरारी
आकाश गवसण्याला
माझे बळ आता
तुझ्या पंखात आहे

येईल कवेत सारे
विश्व सहजपणाने
सामर्थ्य सिकंदराच्या
तुझ्या मनगटात आहे

मी जे भोगले ते
वाट्यास तुझ्या ना येवो
भ्रांत एवढीच एक
माझ्या मनात आहे

पुरवीन श्वास सारे
तुझ्या जिंकण्यास
एवढीच फक्त जिद्द
माझ्या उरात आहे

उरेन तुझ्या रूपाने
अनुभवेनं जग सारे
हे कलपोनि मन माझे
अगदी सुखात आहे