चांदणे

हळूच सोडतोस केस..माळतोस चांदणे...
सख्या, कसे? कुठून रोज, आणतोस ?

मोकळ्या कुंतलात माळतोस स्वप्नांची सुमने..
सांग ना,सख्या कुठुन आणतोस ती सुमने?
*
निद्रेत अनावृत देहावर कसा माळतोस तो चंद्र्मा
सांग ना? जागेपणी कशी उमटते नखक्षतांची रांगोळी?
*
अरे धसमुसळ्या..मीठीत घेत चुरगाळतोस देहा माझा
सांग ना..उरात कसे भरतोस? ते टिपुर चांदणे
*
मिलनाची अधीर ती रात्र सावळी .कळी कोवळी
सांग ना.कशी काचते.मधुघटानी भरलेली चोळी???
*
अधीर ओठ साधतात मौनही कसे तुझे?
किती अरे, पयोधरात पेरतोस चांदणे!
*
बनून स्वप्न चोरतोस झोप रोजचीच तू...
पहाट-वेळचे, टिपूर मागतोस चांदणे!
*
मधाळ चांद, वितळतो..मधाळ रात वाहते...
असे कुण्या सुरांत रे! गातोस चांदणे!