मालाडचा म्हातारा
anant_yaatree
म्हातार्याचे भिरभिर डोळे-
आठवणींचा भुगा भुगा
छटाक उरले खोड, पोखरी
कभिन्न काळाचा भुंगा
म्हातार्याचे वखवख डोळे-
लवथव गोलाई बघती
दारु संपला जसा फटाका
दावू न शकतो स्फोटभिती
म्हातार्याचे टपटप डोळे-
पापणीत पाऊसमेघ
जसा वळीव कोसळतो कधिही
तसा कढांचा आवेग
म्हातार्याचे विझुविझू डोळे-
पैलतिरी काऊ बघती
कोकुनी हाकारितो अहर्निश
उडून जा त्याला म्हणती
थोडक्यात…
…ही एक ग्लोकलाइज़्ड संकल्पना होती तर. ज्यानेत्याने स्थानिक गरजांप्रमाणे/स्थानिक फ्लेवरप्रमाणे बदलून घ्यावी.
गेन्सव्हीलचा म्हातारा शेकोटीला आला…
?
मालाडचा संदर्भ?
की पौडाचाच काय म्हणून, मुंबईच्याच उपनगरांनी काय घोडे मारलेय, एतदर्थ?