शेजारच्या काकाकाकूंना आवरा!

फेसबुक, ३ ऑक्टोबर

शेजारच्या काकूंनी दसऱ्याचं निमित्त साधून, अनेक वेगवेगळ्या लोकांच्या वृत्तींची टिंगल करणारा विनोद लिहिला.

कोथरूड, अश्विन शुद्ध दशमी

बिबवेवाडी, पुणे, १३ ऑक्टोबर.

करोनाकाळातल्या लॉकडाऊनमध्ये शेजारच्या काकूंनी अनेक वेबिनार मनापासून बघितले. तेव्हापासून त्यांना नवनवीन पुस्तकं वाचून, परंपरा पुन्हा शोधण्याची इच्छा निर्माण झाली. परंपरांबद्दल अधिक माहिती करून घ्यायची म्हणून त्यांनी पुस्तकं वाचायची ठरवली. आणि पुस्तकांची दुकानं उघडल्यापासून त्यांना खूपच आनंद झाला.

बिबवेवाडीत ॲमेझनची डिलिव्हरी मिळत असली तरी प्रत्यक्ष दुकानात जाऊन काकूंनी पुस्तक विकत घ्यायचं ठरवलं. दुकानात समोरच अन्नपूर्णादेवी असं नाव लिहिलेलं पुस्तक त्यांनी बघितलं आणि उत्साहानं ते घेऊन काकू घरी आल्या.

काकूंनी आजपर्यंत एकदाही, अगदी नववीत आणि अकरावीतही होमवर्क बुडवला नव्हता. एकदा तर शाळेत असताना, बाई गणित शिकवत असताना काकू शेजारच्या मुलीशी गप्पा मारायला लागल्या, याचा पश्चात्ताप होऊन काकूंनी आपण होऊन गणिताचा होमवर्क दोनदा केला होता.